ਮਹਿਲ ਕਲਾਂ /ਬਰਨਾਲਾ -ਅਪ੍ਰੈਲ 2021- (ਗੁਰਸੇਵਕ ਸਿੰਘ ਸੋਹੀ)-
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਹਲਕਾ ਚੰਨਣਵਾਲ ਤੋਂ ਮੈਂਬਰ ਤੇ ਸਾਬਕਾ ਚੇਅਰਮੈਨ ਸੰਤ ਦਲਬਾਰ ਸਿੰਘ ਛੀਨੀਵਾਲ ਦੀ ਹੋਈ ਮੌਤ ਤੇ ਜਿੱਥੇ ਵੱਖ- ਵੱਖ ਸਮਾਜ ਸੇਵੀ, ਰਾਜਨੀਤਕ ਪਾਰਟੀਆਂ ਦੇ ਨੁਮਾਇੰਦਿਆਂ ਵੱਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਜਾ ਰਿਹਾ ਹੈ ।ਉੱਥੇ ਅੱਜ ਹੋਪ ਫਾਰ ਮਹਿਲ ਕਲਾਂ ਦੇ ਇੰਚਾਰਜ ਕੁਲਵੰਤ ਸਿੰਘ ਟਿੱਬਾ ਵੱਲੋਂ ਆਪਣੀ ਟੀਮ ਸਮੇਤ ਸੰਤ ਦਲਬਾਰ ਸਿੰਘ ਦੇ ਸਪੁੱਤਰ ਸਾਬਕਾ ਜਿਲ੍ਹਾ ਪ੍ਰੀਸ਼ਦ ਮੈਬਰ ਪ੍ਰਿਤਪਾਲ ਸਿੰਘ ,ਰਜਿੰਦਰ ਸਿੰਘ ਗੋਗੀ ਅਤੇ ਪਰਿਵਾਰ ਨਾਲ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਟਿੱਬਾ ਨੇ ਕਿਹਾ ਕਿ ਸੰਤ ਦਲਬਾਰ ਸਿੰਘ ਜੀ ਵਰਗੇ ਨਰਮ ਦਿਲ, ਮਿਲਾਪੜੇ ਸੁਭਾਅ ਦੇ ਮਾਲਕ ਤੇ ਹਰ ਇੱਕ ਦੇ ਦੁੱਖ ਸੁੱਖ ਚ ਸ਼ਰੀਕ ਹੋਣ ਵਾਲੀਆਂ ਰੂਹਾਂ ਰੱਬ ਕਦੇ ਹੀ ਧਰਤੀ ਤੇ ਭੇਜਦਾ ਹੈ।ਉਨ੍ਹਾਂ ਕਿਹਾ ਕਿ ਸੰਤਾਂ ਦੀ ਮੌਤ ਨਾਲ ਜਿੱਥੇ ਪਰਿਵਾਰ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ ,ਉੱਥੇ ਇਲਾਕੇ ਨੂੰ ਵੀ ਇਕ ਸੂਝਵਾਨ ਤੇ ਨਰਮਦਿਲ ਧਾਰਮਿਕ ਨੁਮਾਇੰਦੇ ਦੀ ਘਾਟ ਹਮੇਸ਼ਾ ਰੜਕਦੀ ਰਹੇਗੀ ।ਪਰਿਵਾਰ ਵਾਲਿਆਂ ਨਾਲ ਦੁੱਖ ਪ੍ਰਗਟ ਕਰਨ ਸਮੇਂ ਮਨਜੀਤ ਸਿੰਘ ਕਨਵੀਨਰ ਆਮ ਆਦਮੀ ਪਾਰਟੀ ਜ਼ਿਲ੍ਹਾ ਫ਼ਰੀਦਕੋਟ,ਰਾਜਿੰਦਰ ਸਿੰਘ ਗਿੱਲ ਫ਼ਰੀਦਕੋਟ, ਜਸਵੀਰ ਸਿੰਘ ਸਾਈਆ ਵਾਲਾ,ਗੁਰਸੇਵਕ ਸਿੰਘ,ਜਥੇਦਾਰ ਲਾਭ ਸਿੰਘ, ਗੁਰਪਿਆਰ ਸਿੰਘ ਟਿੱਬਾ,ਕਲੱਬ ਪ੍ਰਧਾਨ ਜੈ ਸਿੰਘ,ਬਲਵੰਤ ਸਿੰਘ ਛੀਨੀਵਾਲ,ਜਗਜੀਤ ਸਿੰਘ ਜੱਗਾ ਹਾਜਰ ਸਨ।
