ਲੇਵਰ ਵਰਕਰਾਂ ਨੂੰ ਵੰਡੀਆਂ ਰਿਫ਼ਲੈਕਟਰ ਜਾਕਟਾਂ....
ਮਹਿਲ ਕਲਾਂ/ਬਰਨਾਲਾ-ਜਨਵਰੀ 2021 (ਗੁਰਸੇਵਕ ਸੋਹੀ)-
ਐਸ ਐਸ ਪੀ ਸ੍ਰੀ ਸੰਦੀਪ ਗੋਇਲ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਸਰਦਾਰ ਕੁਲਦੀਪ ਸਿੰਘ PPS ਉੱਪ ਕਪਤਾਨ ਪੁਲਸ ਸਬ ਡਿਵੀਜ਼ਨ ਮਹਿਲ ਕਲਾਂ ਅਤੇ ਥਾਣੇਦਾਰ ਅਮਰੀਕ ਸਿੰਘ ਮੁੱਖ ਅਫ਼ਸਰ ਥਾਣਾ ਮਹਿਲ ਕਲਾਂ ਵੱਲੋਂ ਰੋਜ਼ਾਨਾ ਸਾਈਕਲ ਅਤੇ ਮੋਟਰਸਾਈਕਲ ਪਰ ਆਪਣੇ ਕੰਮਾਂ ਤੇ ਜਾਂਦੇ ਲੇਬਰ ਵਰਕਰਾਂ ਨੂੰ ਧੁੰਦ ਦੇ ਮੌਸਮ ਦੌਰਾਨ ਐਕਸੀਡੈਂਟਾਂ ਤੋਂ ਬਚਾਅ ਲਈ ਰਿਫਲੈਕਟਰ ਜਾਕਟਾਂ ਲੁਧਿਆਣਾ-ਬਰਨਾਲਾ ਮੇਨ ਰੋਡ ਹਾਈਵੇ ਤੇ ਵੰਡੇ ਗਏ। ਇਸ ਤੋਂ ਇਲਾਵਾ ਮਿਸ਼ਨ ਸੁਰੱਖਿਆ ਤਹਿਤ ਵਹੀਕਲਾਂ ਪਰ ਰਿਫਲੈਕਟਰ ਲਗਾਏ ਗਏ।ਇਸ ਸਮੇਂ ਉਨ੍ਹਾਂ ਨਾਲ ਸੀ੍ ਗੁਰਦੀਪ ਸਿੰਘ ਡਿਪਟੀ ਰੀਡਰ ਮਹਿਲ ਕਲਾਂ ਅਤੇ ਹੋਰ ਪੁਲੀਸ ਮੁਲਾਜ਼ਮ ਮੌਜੂਦ ਸਨ। ਸਮਾਜ ਸੇਵੀ ਮੰਗਤ ਸਿੰਘ ਸਿੱਧੂ ਨੇ ਇਸ ਕਾਰਜ ਦੀ ਸਰਾਹਨਾ ਕੀਤੀ ।ਇਸ ਸਮੇਂ ਲੇਬਰ ਯੂਨੀਅਨ ਦੇ ਬਲਬੀਰ ਸਿੰਘ, ਕਾਲਾ ਸਿੰਘ ,ਮਨਦੀਪ ਸਿੰਘ ,ਕੌਰ ਸਿੰਘ, ਬਿੱਲੂ ਸਿੰਘ,ਕਾਂਤਾ ਸਿੰਘ ਆਦਿ ਆਗੂਆਂ ਤੋਂ ਇਲਾਵਾ ਲੇਬਰ ਮੈਂਬਰ ਮੌਜੂਦ ਸਨ ।
