ਹਠੂਰ,27,ਜੂਨ-(ਕੌਸ਼ਲ ਮੱਲ੍ਹਾ)-ਲੋਕ ਸਭਾ ਹਲਕਾ ਸੰਗਰੂਰ ਤੋ ਸ੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)ਦੇ ਕੌਮੀ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਦੀ ਹੋਈ ਇਤਿਹਾਸਕ ਜਿੱਤ ਦੀ ਖੁਸੀ ਵਿਚ ਅੱਜ ਸਾਬਕਾ ਜਿਲ੍ਹਾ ਪ੍ਰਧਾਨ ਸਵ: ਜਥੇਦਾਰ ਤਰਲੋਕ ਸਿੰਘ ਡੱਲਾ ਦੀ ਧਰਮ ਪਤਨੀ ਬੀਬੀ ਪਰਮਜੀਤ ਕੌਰ ਡੱਲਾ ਦੀ ਅਗਵਾਈ ਹੇਠ ਪਿੰਡ ਡੱਲਾ ਵਿਖੇ ਲੱਡੂ ਵੰਡੇ ਗਏ।ਇਸ ਮੌਕੇ ਬੀਬੀ ਪਰਮਜੀਤ ਕੌਰ ਡੱਲਾ ਨੇ ਕਿਹਾ ਕਿ ਇਹ ਸੰਗਰੂਰ ਦੇ ਸਮੂਹ ਵੋਟਰਾ ਦੀ ਜਿੱਤ ਹੈ ਜਿਨ੍ਹਾ ਨੇ ਇਥੋ ਦੀਆ ਸਰਮਾਏਦਾਰ ਪਾਰਟੀਆ ਨੂੰ ਹਰਾ ਕੇ ਦੱਸ ਦਿੱਤਾ ਹੈ ਕਿ ਸੰਗਰੂਰ ਦੇ ਲੋਕ ਅੱਜ ਵੀ ਪੰਥ ਦਰਦੀ ਦੇ ਨਾਲ ਖੜੇ੍ਹ ਹਨ ਕਿਉਕਿ ਮੈਬਰ ਪਾਰਲੀਮੈਟ ਸਿਮਰਨਜੀਤ ਸਿੰਘ ਮਾਨ ਨੇ ਹਮੇਸਾ ਹੀ ਸਿੱਖ ਮੱਸਲਿਆ ਨੂੰ ਹੱਲ ਕਰਵਾਉਣ ਲਈ ਵੱਡੇ ਸ਼ੰਘਰਸ ਕੀਤੇ ਹਨ ਜੋ ਬਰਗਾੜੀ ਕਾਡ ਦੇ ਦੋਸੀਆ ਨੂੰ ਜਲਦੀ ਲੋਕਾ ਸਾਹਮਣੇ ਲਿਆਉਣਗੇ।ਇਸ ਮੌਕੇ ਜਿਲ੍ਹਾ ਜਨਰਲ ਸਕੱਤਰ ਗੁਰਨਾਮ ਸਿੰਘ ਡੱਲਾ ਨੇ ਕਿਹਾ ਕਿ ਜੇਕਰ ਅੱਜ ਸਾਡੇ ਵਿਚ ਜਥੇਦਾਰ ਤਰਲੋਕ ਸਿੰਘ ਡੱਲਾ ਹੁੰਦੇ ਤਾਂ ਖੁਸੀ ਦੁੱਗਣੀ ਹੋਣੀ ਸੀ ਕਿਉਕਿ ਜਥੇਦਾਰ ਤਰਲੋਕ ਸਿੰਘ ਡੱਲਾ ਮੈਬਰ ਪਾਰਲੀਮੈਟ ਸਿਮਰਨਜੀਤ ਸਿੰਘ ਮਾਨ ਦੇ ਨਜਦੀਕੀ ਸਾਥੀਆ ਵਿਚੋ ਇੱਕ ਸਨ।ਅੰਤ ਵਿਚ ਬੀਬੀ ਪਰਮਜੀਤ ਕੌਰ ਡੱਲਾ ਨੇ ਕਿਹਾ ਕਿ ਜਲਦੀ ਹੀ ਮੈਬਰ ਪਾਰਲੀਮੈਟ ਸਿਮਰਨਜੀਤ ਸਿੰਘ ਮਾਨ ਨੂੰ ਪਿੰਡ ਡੱਲਾ ਵਿਖੇ ਬੁਲਾ ਕੇ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ ਜਾਵੇਗਾ।ਇਸ ਮੌਕੇ ਉਨ੍ਹਾ ਸਮੂਹ ਵੋਟਰਾ ਅਤੇ ਸਪੋਟਰਾ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਨੰਬੜਦਾਰ ਗੁਰਦੀਪ ਸਿੰਘ ਮੱਲ੍ਹਾ,ਲਖਵੀਰ ਸਿੰਘ ਮੱਲ੍ਹਾ,ਬਾਬਾ ਬੰਤਾ ਸਿੰਘ ਖਾਲਸਾ, ਗੁਰਨਾਮ ਸਿੰਘ ਚਾਹਿਲ,ਪਰਿਵਾਰ ਸਿੰਘ ਡੱਲਾ,ਭੋਲਾ ਸਿੰਘ,ਗੁਰਦੇਵ ਸਿੰਘ,ਅਮਰਜੀਤ ਸਿੰਘ,ਭਰਪੂਰ ਸਿੰਘ,ਜੋਰਾ ਸਿੰਘ,ਕੇਵਲ ਸਿੰਘ,ਤਾਰ ਸਿੰਘ,ਰਾਮ ਸਿੰਘ,ਹਰਪਾਲ ਸਿੰਘ,ਤਾਰੂ ਸਿੰਘ,ਕਾਕਾ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:- ਸਿਮਰਨਜੀਤ ਸਿੰਘ ਮਾਨ ਦੀ ਜਿੱਤ ਦੀ ਖੁਸੀ ਵਿਚ ਲੱਡੂ ਵੰਡਦੇ ਹੋਏ ਵਿਚ ਬੀਬੀ ਪਰਮਜੀਤ ਕੌਰ ਡੱਲਾ,ਗੁਰਨਾਮ ਸਿੰਘ ਡੱਲਾ ਅਤੇ ਹੋਰ।
