ਕੌਮ ਦੇ ਜਰਨੈਲ ਸ. ਸਿਮਰਨਜੀਤ ਸਿੰਘ ਮਾਨ ਨੂੰ ਸੰਗਤਾਂ ਨੇ ਬਖ਼ਸ਼ਿਆ ਵੱਡਾ ਫਤਵਾ - ਪ੍ਰਧਾਨ ਮੋਹਣੀ
ਨਾਨਕਸਰ ਕਲੇਰਾਂ ( ਬਲਵੀਰ ਸਿੰਘ ਬਾਠ) ਲੋਕ ਸਭਾ ਹਲਕਾ ਸੰਗਰੂਰ ਤੋਂ ਕੌਮ ਦੇ ਜਰਨੈਲ ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਨੂੰ ਵੱਡੇ ਬਹੁਮਤ ਨਾਲ ਸੰਗਤਾਂ ਨੇ ਫਤਵਾ ਦਿੱਤਾ ਕਿਉਂਕਿ ਇਹ ਜਿੱਤ ਕੌਮ ਦੇ ਜਰਨੈਲ ਦੀ ਜਿੱਤ ਨਹੀਂ ਸਗੋਂ ਸੰਗਰੂਰ ਵਿੱਚ ਪੰਜਾਬੀਅਤ ਦੀ ਜਿੱਤ ਹੋਈ ਹੈ ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪ੍ਰਧਾਨ ਮਨਜੀਤ ਸਿੰਘ ਮੋਹਣੀ ਨੇ ਜਨਸ਼ਕਤੀ ਨਿਊਜ਼ ਨਾਲ ਵਿਸ਼ੇਸ਼ ਗੱਲਬਾਤ ਦੌਰਾਨ ਖੁਸ਼ੀ ਸਾਂਝੀ ਕਰਦਿਆਂ ਕੀਤਾ ਉਨ੍ਹਾਂ ਕਿਹਾ ਕਿ ਸੱਚ ਦੀ ਹਮੇਸ਼ਾ ਹੀ ਜਿੱਤ ਹੁੰਦੀ ਹੈ ਕਿਉਂਕਿ ਉਸ ਪਰਮਾਤਮਾ ਦੇ ਘਰ ਦੇਰ ਤਾਂ ਜ਼ਰੂਰ ਹੈ ਪਰ ਅੰਧੇਰ ਨਹੀਂ ਤੇਈ ਸਾਲ ਤੋਂ ਅੱਜ ਦੁਬਾਰਾ ਸੰਗਰੂਰ ਵਾਸੀਆਂ ਨੇ ਜਿੱਤ ਦਾ ਡੰਕਾ ਵਜਾ ਕੇ ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਨੂੰ ਲੋਕ ਸਭਾ ਦਾ ਐਮਪੀ ਬਣਾਉਣ ਵਿੱਚ ਵੱਡਾ ਯੋਗਦਾਨ ਪਾਇਆ ਹੈ ਉਨ੍ਹਾਂ ਕਿਹਾ ਕਿ ਹਲਕਾ ਸੰਗਰੂਰ ਦਾ ਹਰ ਇੱਕ ਵੋਟਰ ਅੱਜ ਵਧਾਈ ਦਾ ਪਾਤਰ ਹੈ ਜਿਨ੍ਹਾਂ ਨੇ ਜ਼ੁਲਮ ਦੇ ਖਿਲਾਫ ਪੂਰੇ ਜੋਸ਼ ਨਾਲ ਡਟ ਕੇ ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਨੂੰ ਵੱਡਾ ਮਾਣ ਬਖਸ਼ਿਆ ਕਿਉਂਕਿ ਦੋ ਮੁੱਖਮੰਤਰੀ ਅਤੇ ਨੱਬੇ ਐਮਐਲਏ ਨੂੰ ਕਰਾਰੀ ਹਾਰ ਦਿੰਦੇ ਹੋਏ ਸੰਗਰੂਰ ਦੇ ਲੋਕਾਂ ਨੇ ਅੱਜ ਜਬਰ ਤੇ ਜ਼ੁਲਮ ਖ਼ਿਲਾਫ਼ ਡਟ ਕੇ ਪਹਿਰਾ ਦਿੱਤਾ ਜਿਸ ਨਾਲ ਇਹ ਜਿੱਤ ਪੰਜਾਬੀਅਤ ਲਈ ਬੜੇ ਮਾਅਨੇ ਰੱਖਦੀ ਹੈ ਇਸ ਜਿੱਤ ਨਾਲ ਪੂਰੇ ਵਿਸ਼ਵ ਵਿੱਚ ਸਿੱਖ ਕੌਮ ਦਾ ਮਾਣ ਇਤਿਹਾਸ ਵਿਚ ਉੱਚਾ ਹੋ ਗਿਆ ਹੈ ਅਤੇ ਇਹ ਜਿੱਤ ਇਤਿਹਾਸਕ ਜਿੱਤ ਬਣ ਗਈ
