ਦਸਮੇਸ਼ ਕਿਸਾਨ ਯੂਨੀਅਨ ਨੇ ਬੋਪਾਰਾਏ ਕਲਾਂ ਨੂੰ ਚੌਂਕੀਮਾਨ ਟੋਲ ਤੋ ਮੁਕਤ ਕਰਵਾਇਆ*

ਦਸਮੇਸ਼ ਕਿਸਾਨ ਮਜ਼ਦੂਰ -ਯੂਨੀਅਨ (ਰਜਿ:) ਜ਼ਿਲ੍ਹਾ ਲੁਧਿਆਣਾ ਦਾ ਇੱਕ ਵਿਸ਼ਾਲ ਡੈਪੂਟੇਸ਼ਨ ਉਚੇਚੇ ਤੌਰ ਤੇ ਨਵੀਂ ਟੋਲ -ਕੰਪਨੀ ਰਾਜਰਾਮ ਕੰਪਨੀ ਚੌਕੀਮਾਨ ਦੇ ਮਾਲਕ ਸ੍ਰੀ ਰਾਜੂ ਸਿਹਾਗ ਅਤੇ ਡਿਪਟੀ ਮੈਨੇਜਰ ਸ੍ਰੀ ਪਵਨ ਨੂੰ ਮਿਲਿਆ। ਵਿਸ਼ਾਲ ਵਫਦ ਦੀ ਅਗਵਾਈ ਕਰਦਿਆਂ ਪ੍ਰਧਾਨ ਸ.ਗੁਰਦਿਆਲ ਸਿੰਘ ਤਲਵੰਡੀ, ਸਕੱਤਰ ਮਾਸਟਰ ਜਸਦੇਵ ਸਿੰਘ ਲਲਤੋਂ, ਮੀਤ ਪ੍ਰਧਾਨ ਸ. ਬਲਜੀਤ ਸਿੰਘ ਸਵੱਦੀ (ਨੰਬਰਦਾਰ ),ਖਜ਼ਾਨਚੀ ਸ. ਮਨਮੋਹਣ ਸਿੰਘ ਪੰਡੋਰੀ (ਨੰਬਰਦਾਰ)) ਤੇ ਸਹਾਇਕ ਸਕੱਤਰ ਜਥੇਦਾਰ ਰਣਜੀਤ ਸਿੰਘ ਗੁੜੇ ਨੇ ਠੋਸ ਦਲੀਲਾਂ, ਨਿੱਗਰ ਸਬੂਤ ਤੇ ਤਹਿ-ਸ਼ੁਦਾ ਕਿਲੋਮੀਟਰਾਂ ਦੀ ਦੂਰੀ ਅਤੇ ਲੋੜੀਂਦੇ ਦਸਤਾਵੇਜ਼ ਪੇਸ਼ ਕੀਤੇ । ਵਫ਼ਦ ਨੇ ਵਰਨਣ ਕੀਤਾ ਕਿ 15 ਦਸੰਬਰ 2021 ਤੋਂ 1.1.2022 ਤਕ ਚੱਲੇ 18 ਰੋਜ਼ਾ ਤਿੱਖੇ ਸੰਘਰਸ਼ ਦੇ ਸਿੱਟੇ ਵਜੋਂ 17 ਪਿੰਡ ਟੋਲ ਮੁਕਤ ਹੋਏ ਸਨ, ਪ੍ਰੰਤੂ ਬਾਅਦ ਵਿੱਚ ਕਿਸੇ ਵਿਅਕਤੀ ਨੇ ਮੰਦਭਾਵਨਾ ਨਾਲ ਸਮਝੌਤੇ ਦੇ ਦਸਤਾਵੇਜ਼ ਅੰਦਰ ਬੋਪਾਰਾਏ ਕਲਾਂ ਪਿੰਡ ਦੇ ਨਾਮ 'ਤੇ ਲਕੀਰ ਫੇਰ ਦਿੱਤੀ ਸੀ। ਜਿਸ ਨੂੰ ਮੁੜ -ਬਹਾਲ ਕਰਵਾਉਣ ਲਈ ਯੂਨੀਅਨ ਨੇ ਯਤਨ ਜਾਰੀ ਰੱਖੇ। ਜਿਸ ਵਿਚ ਅੱਜ ਉਸ ਵੇਲੇ ਸਫਲਤਾ ਪ੍ਰਾਪਤ ਹੋਈ, ਜਦੋਂ ਸਬੰਧਤ ਨਵੀਂ ਟੋਲ ਕੰਪਨੀ ਚੌਕੀਮਾਨ ਦੇ ਮਾਲਕ ਤੇ ਡਿਪਟੀ ਮੈਨੇਜਰ ਨੇ ਵਫ਼ਦ ਦੇ ਹੱਕੀ ਪੱਖ ਨੂੰ ਪ੍ਰਵਾਨ ਕਰਦੇ ਹੋਏ, ਬੋਪਾਰਾਏ ਕਲਾਂ ਪਿੰਡ ਨੂੰ 17 ਵੇੰ ਨੰਬਰ 'ਤੇ ਮੁੜ ਬਹਾਲ ਕਰਕੇ ਟੋਲ ਮੁਕਤ ਕਰਨ ਦੀ ਮੰਗ ਮੰਨ ਲਈ।ਯੂਨੀਅਨ ਆਗੂ ਜਸਦੇਵ ਸਿੰਘ ਲਲਤੋਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਅਜਿਹੇ ਲੋਕ ਹਿੱਤ ਕਾਰਜ ਜਾਰੀ ਰੱਖੇ ਜਾਣਗੇ।

ਅੱਜ ਦੇ ਵਫ਼ਦ 'ਚ ਹੋਰਨਾਂ ਤੋਂ ਇਲਾਵਾ ਸ. ਸੁਰਜੀਤ ਸ. ਸਵੱਦੀ, ਸ੍ਰੀ ਪਰਦੀਪ ਕੁਮਾਰ ਸਵੱਦੀ, ਜਗਮੋਹਣ ਸਿੰਘ ਸਵੱਦੀ, ਪ੍ਰਿਤਪਾਲ ਸਿੰਘ ਪੰਡੋਰੀ, ਸਰਵਿੰਦਰ ਸ.ਸੁਧਾਰ, ਜਥੇਦਾਰ ਗੁਰਮੇਲ ਸ. ਢੱਟ,ਡਾ. ਹਰਜਿੰਦਰਪਾਲ ਸ. ਵਿਰਕ, ਡਾ. ਗੁਰਮੇਲ ਸਿੰਘ ਕੁਲਾਰ ,ਅਵਤਾਰਸ. ਤਲਵੰਡੀ ,ਨਿਰਭੈ ਸ. ਤਲਵੰਡੀ, ਹਰਪਾਲ ਸ.ਸਵੱਦੀ, ਬਲਦੇਵ ਗਿੱਲ ਸਵੱਦੀ, ਅਮਰ ਸ.ਖੰਜਰਵਾਲ ਉਚੇਚੇ ਤੌਰ ਤੇ ਸ਼ਾਮਲ ਹੋਏ ।

ਅੱਜ ਦੇ ਵਫ਼ਦ ਨੇ ਪਿੰਡ ਪੰਡੋਰੀ ਤੇ ਮੰਡਿਆਣੀ ਨੂੰ ਵੀ ਟੋਲ-ਮੁਕਤ ਕਰਨ ਦੀ ਮੰਗ ਵੀ ਤਰਕਪੂਰਨ ਤੇ ਵਿਧੀਬੱਧ ਢੰਗ ਨਾਲ ਉਠਾਈ, ਜਿਸ ਬਾਰੇ ਕੰਪਨੀ ਨੇ ਵਿਚਾਰ ਕਰਨ ਉਪਰੰਤ ਫ਼ੈਸਲਾ ਕਰਨ ਬਾਰੇ ਆਖਿਆ ਹੈ।ਇਲਾਕੇ ਭਰ ਦੇ ਲੋਕਾਂ ਨੇ ਯੂਨੀਅਨ ਦੇ ਇਸ ਕਾਰਜ ਦੀ ਭਰਪੂਰ ਸ਼ਲਾਘਾ ਕੀਤੀ।