ਮਹਿਲ ਕਲਾਂ/ ਬਰਨਾਲਾ 12 ਜਨਵਰੀ (ਗੁਰਸੇਵਕ ਸੋਹੀ)- ਮੈਡੀਕਲ ਪ੍ਰੈਕਟੀਸ਼ਨਰਜ਼ ਦੇ ਮਸਲੇ ਨੂੰ 10 ਸਾਲਾਂ ਦੇ ਅਰਸੇ ਦੇ ਕਰੀਬ ਲਮਕਾਉਣ ਤੇ, ਨੌਕਰੀ ਕਰ ਰਹੀਆਂ ਨਰਸਾਂ ਦੀ ਨੌਕਰੀ ਪੱਕੇ ਨਾ ਕਰਨ ਤੇ, ਟੀਚਰਾਂ ਦੀਆਂ ਮੰਗਾਂ ਨੂੰ ਲਮਕਾਉਣ ਤੇ, ਮਜ਼ਦੂਰਾਂ ਦੇ ਕਰਜ਼ੇ ਮੁਆਫ਼ ਨਾ ਕਰਨ ਤੇ , ਮੁਲਾਜ਼ਮਾਂ ਦੀਆਂ ਮੰਗਾਂ ਨੂੰ ਅਣਗੌਲਿਆ ਕਰਨ ਤੇ, ਸਾਰੇ ਠੇਕਾ ਮੁਲਾਜ਼ਮ ਪੱਕਾ ਨਾ ਕਰਨ ਤੇ, ਕਿਸਾਨਾਂ ਦੀਆਂ ਸਮੱਸਿਆਵਾਂ ਪ੍ਰਤੀ ਕੋਈ ਨੀਤੀ ਨਾ ਘੜਨ ਤੇ, ਅਤੇ ਸਾਰੇ ਹੀ ਲੋਕਾਂ ਨੂੰ ਮੰਗਾਂ ਮੰਨਣ ਦੀ ਬਜਾਏ ਲਾਠੀਆਂ ਤੇ ਗੋਲੀਆਂ ਨਾਲ ਮਾਰਨ ਦੇ ਝੂਠੇ ਪਰਚੇ ਦਰਜ ਕਰਨ ਤੇ, ਕਾਂਗਰਸ ਸਰਕਾਰ ਵਿਰੁੱਧ ਕਾਂਗਰਸ ਸਰਕਾਰ ਨੂੰ ਮੂਧੇ ਮੂੰਹ ਛੁੱਟਣ ਲਈ ਨਵੀਂ ਪਾਰਟੀ ਦਾ ਐਲਾਨ ਜਲਦੀ ਕੀਤਾ ਜਾ ਰਿਹਾ ਹੈ ਅਤੇ ਨਵੇਂ ਉਮੀਦਵਾਰਾਂ ਦਾ ਐਲਾਨ ਵੀ ਕੀਤਾ ਜਾਵੇਗਾ। ਇਹ ਜਾਣਕਾਰੀ ਪ੍ਰੈੱਸ ਨੋਟ ਰਾਹੀਂ ਇਨਕਲਾਬੀ ਮਸੀਹਾ ਦੇ ਸੰਪਾਦਕ, ਸਮਾਜਸੇਵੀ ਅਤੇ ਸਾਹਿਤਕਾਰ ਡਾ ਰਮੇਸ਼ ਕੁਮਾਰ ਬਾਲੀ ਵੱਲੋਂ ਦਿੱਤੀ ਗਈ ਹੈ । ਡਾ ਬਾਲੀ ਨੇ ਕਿਹਾ ਕਿ ਕਾਂਗਰਸ ਨੇ ਡਾਕਟਰਾਂ, ਮਾਸਟਰਾਂ ,ਨਰਸਾ, ਮਜ਼ਦੂਰਾਂ, ਕਿਸਾਨਾਂ ਨੂੰ 10 ਸਾਲਾਂ ਵਿੱਚ ਲੁੱਟਿਆ ਤੇ ਕੁੱਟਿਆ ਹੀ ਹੈ । ਉਨ੍ਹਾਂ ਦੀਆਂ ਮੰਗਾਂ ਵੱਲ ਕੋਈ ਧਿਆਨ ਨਹੀਂ ਦਿੱਤਾ ਗਿਆ। ਉਨ੍ਹਾਂ ਕਿਹਾ ਕਿ ਇਸ ਲਾਰੇ ਹੱਥੀ ਸਰਕਾਰ ਵਿਰੁੱਧ ਕਿਸਾਨਾਂ, ਮਜਦੂਰਾਂ, ਡਾਕਟਰਾਂ, ਮੁਲਾਜ਼ਮਾਂ ਨੂੰ ਇਕਮੁੱਠ ਹੋ ਕੇ ਲੜਨ ਦੀ ਜ਼ਰੂਰਤ ਹੈ ।ਡਾ ਬਾਲੀ ਨੇ ਕਿਹਾ ਕਿ "" ਉਤਰ ਕਾਟੋ ਮੈਂ ਚੜ੍ਹਾਂ"" ਦੀ ਕਹਾਵਤ ਨੂੰ ਤਨ ਮਨ ਨਾਲ ਤੋੜਨ ਦੀ ਅੱਜ ਦਾ ਸਮਾਂ ਮੰਗ ਕਰਦਾ ਹੈ। ਇਸ ਸਮੇਂ ਨੂੰ ਜਾਂਚਣ ਦੀ ਜ਼ਰੂਰਤ ਹੈ। ਡਾ ਬਾਲੀ ਨੇ ਐਲਾਨੀ ਜਾ ਰਹੀ ਪਾਰਟੀ ""ਡਾਕਟਰ, ਕਿਸਾਨ ,ਮਜ਼ਦੂਰ ,ਮੁਲਾਜ਼ਮ ਏਕਤਾ ਜ਼ਿੰਦਾਬਾਦ"" ਦਾ ਨਾਅਰਾ ਰੱਖ ਲਾ ਕੇ ਮੈਦਾਨ ਵਿਚ ਉਤਰੇਗੀ । ਸਮਾਜ ਸੇਵੀ ਲੋਕਾਂ ਦੇ ਹਮਦਰਦ ਡਾ ਠਾਕੁਰਜੀਤ ਸਿੰਘ ਮੁਹਾਲੀ ਨੇ ਕਿਹਾ ਕਿ ਡਾਕਟਰਾਂ ਦੇ ਮਸਲੇ ਨੂੰ ਹੱਲ ਕਰਨ ਲਈ ਕੋਈ ਨਵੇਂ ਕਾਨੂੰਨ ਬਣਾਉਣ ਦੀ ਜ਼ਰੂਰਤ ਨਹੀਂ ਹੈ। ਡਾ ਸਿੰਘ ਨੇ ਕਿਹਾ ਕਿ ਅਦਾਲਤਾਂ ਦੇ ਫ਼ੈਸਲੇ ਨੂੰ ਲਾਗੂ ਕਰਨ ਨਾਲ ਹੀ ਮਸਲਾ ਹੱਲ ਹੋ ਸਕਦਾ ਹੈ। ਜੋ ਕਾਂਗਰਸ ਸਰਕਾਰ ਨਹੀਂ ਕਰ ਰਹੀ ।ਕਾਨੂੰਨ ਦੇ ਅੜਿੱਕੇ ਦਾ ਬਹਾਨਾ ਬਣਾ ਕੇ ਗੁੰਮਰਾਹ ਕਰ ਰਹੀ ਹੈ ।
