ਹਠੂਰ,10 ਜਨਵਰੀ-(ਕੌਸ਼ਲ ਮੱਲ੍ਹਾ )-ਪਿਛਲੇ ਦਿਨੀ ਹੋਈ ਭਾਰੀ ਬਰਸਾਤ ਦੇ ਕਾਰਨ ਪਿੰਡ ਚਕਰ ਦੇ ਕਿਸਾਨਾ ਦੀ 150 ਏਕੜ ਫਸਲ ਤਬਾਹ ਹੋ ਚੁੱਕੀ ਹੈ।ਇਸ ਸਬੰਧੀ ਪੀੜ੍ਹਤ ਕਿਸਾਨ ਕਰਤਾਰ ਸਿੰਘ,ਸੁਖਜੀਤ ਸਿੰਘ ਬਾਠ,ਸਤਵਿੰਦਰ ਸਿੰਘ,ਕੁਲਦੀਪ ਸਿੰਘ,ਸੁਖਵੀਰ ਸਿੰਘ,ਸੁੱਖਾ ਚਕਰ,ਜਗਜੋਤ ਸਿੰਘ,ਬਲਬਹਾਦਰ ਸਿੰਘ,ਗੋਬਿੰਦ ਸਿੰਘ,ਜਗਤਾਰ ਸਿੰਘ,ਜਗਸੀਰ ਸਿੰਘ ਆਦਿ ਨੇ ਦੱਸਿਆ ਕਿ ਪਿੰਡ ਚਕਰ ਤੋ ਰਾਮੇ ਦੇ ਵਿਚਕਾਰ 110 ਏਕੜ ਕਣਕ ਦੀ ਫਸਲ,ਪਿੰਡ ਚਕਰ ਤੋ ਲੋਪੋ ਵਾਲੀ ਸੜਕ ਤੇ 20 ਏਕੜ ਆਲੂਆ ਦੀ ਫਸਲ,ਪਿੰਡ ਚਕਰ ਤੋ ਹਠੂਰ ਵਾਲੀ ਸੜਕ ਤੇ 10 ਏਕੜ ਕਣਕ ਅਤੇ 10 ਏਕੜ ਆਲੂਆ ਦੀ ਫਸਲ ਬਰਸਾਤ ਦਾ ਪਾਣੀ ਖੜ੍ਹਨ ਕਾਰਨ ਬੁਰੀ ਤਰ੍ਹਾ ਤਬਾਹ ਹੋ ਚੁੱਕੀ ਹੈ।ਉਨ੍ਹਾ ਦੱਸਿਆ ਕਿ ਪਿੰਡ ਚਕਰ ਤੋ ਪਿੰਡ ਰਾਮੇ ਵਾਲੀ ਸੜਕ ਤੇ 110 ਏਕੜ ਕਣਕ ਦੀ ਫਸ਼ਲ ਵਿਚ ਤਿੰਨ ਤੋ ਚਾਰ ਫੁੱਟ ਬਰਸਾਤੀ ਪਾਣੀ ਖੜ੍ਹਾ ਹੈ ਅਤੇ ਪਾਣੀ ਦਾ ਕੋਈ ਵੀ ਨਿਕਾਸ ਨਹੀ ਹੈ।ਉਨ੍ਹਾ ਦੱਸਿਆ ਕਿ ਕਣਕ ਬੀਜਣ ਤੋ ਲੈ ਕੇ ਅੱਜ ਤੱਕ 35 ਹਜਾਰ ਰੁਪਏ ਪ੍ਰਤੀ ਏਕੜ ਖਰਚਾ ਆਇਆ ਅਤੇ ਇਹ ਹਾੜੀ ਦੀ ਫਸਲ ਪੂਰਨ ਰੂਪ ਵਿਚ ਖਤਮ ਹੋ ਚੁੱਕੀ ਹੈ।ਇਸ ਮੌਕੇ ਪੀੜ੍ਹਤ ਕਿਸਾਨਾ ਨਾਲ ਹਮਦਰਦੀ ਕਰਨ ਪਹੁੰਚੇ ਹਲਕਾ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੇ ਪੰਜਾਬ ਸਰਕਾਰ ਤੋ ਮੰਗ ਕੀਤੀ ਕਿ ਇਨ੍ਹਾ ਪੀੜ੍ਹਤ ਕਿਸਾਨਾ ਦੀ ਨੁਕਸਾਨੀ ਗਈ ਫਸਲ ਦੀ ਗੁਦਾਵਰੀ ਕਰਕੇ ਤੁਰੰਤ ਯੋਗ ਮੁਆਵਜਾ ਦਿੱਤਾ ਜਾਵੇ।ਇਸ ਮੌਕੇ ਭਰੇ ਮਨ ਨਾਲ ਪੀੜ੍ਹਤ ਕਿਸਾਨਾ ਨੇ ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੂੰ ਦੱਸਿਆ ਕਿ ਇਸ ਤੋ ਪਹਿਲਾ ਸਾਲ 2005 ਵਿਚ ਵੀ ਇਸ ਇਲਾਕੇ ਦੇ ਕਿਸਾਨਾ ਦੀ ਫਸਲ ਬਰਸਾਤੀ ਪਾਣੀ ਨਾਲ ਤਬਾਹ ਹੋਈ ਸੀ ਜਿਸ ਦਾ ਅੱਜ 16 ਸਾਲ ਬੀਤ ਜਾਣ ਦੇ ਬਾਵਜੂਦ ਕਿਸੇ ਵੀ ਕਿਸਾਨ ਨੂੰ ਕੋਈ ਮੁਆਵਜਾ ਨਹੀ ਮਿਿਲਆ।ਉਨ੍ਹਾ ਕਿਹਾ ਕਿ ਪੀੜ੍ਹਤ ਕਿਸਾਨਾ ਦੀ ਜਿਆਦਾ ਖੇਤੀ ਠੇਕੇ ਤੇ ਲਈ ਹੋਈ ਹੈ ਅਤੇ ਜਮੀਨ ਦੇ ਮਾਲਕ ਨੇ ਤਾਂ ਠੇਕਾ ਸਮੇਂ ਸਿਰ ਲੈਣਾ ਹੀ ਹੈ ਚਾਹੇ ਜਮੀਨ ਵਿਚ ਫਸਲ ਹੋਵੇ ਜਾਂ ਨਾ ਹੋਵੇ,ਪਰ ਪੰਜਾਬ ਸਰਕਾਰ ਦਾ ਮੱੁਢਲਾ ਫਰਜ ਬਣਦਾ ਹੈ ਕਿ ਜਲਦੀ ਤੋ ਜਲਦੀ ਮੁਆਵਜਾ ਦਿੱਤਾ ਜਾਵੇ।ਇਸ ਮੌਕੇ ਵਿਧਾਇਕ ਮਾਣੂੰਕੇ ਨੇ ਆਪਣੇ ਫੋਨ ਤੋ ਐਸ ਡੀ ਐਮ ਜਗਰਾਓ,ਤਹਿਸੀਲਦਾਰ ਜਗਰਾਓ ਅਤੇ ਹੋਰ ਪ੍ਰਸਾਸਨ ਦੇ ਅਧਿਕਾਰੀਆ ਨਾਲ ਨੁਕਸਾਨੀ ਫਸਲ ਬਾਰੇ ਗੱਲਬਾਤ ਕੀਤੀ।ਇਸ ਮੌਕੇ ਉਨ੍ਹਾ ਨਾਲ ਜਨਰਲ ਸਕੱਤਰ ਸੁਰਿੰਦਰ ਸਿੰਘ ਲੱਖਾ,ਗੁਰਦੀਪ ਸਿੰਘ ਭੁੱਲਰ,ਪ੍ਰਧਾਨ ਤਰਸੇਮ ਸਿੰਘ ਹਠੂਰ,ਬਲਜਿੰਦਰ ਸਿੰਘ,ਸਵਰਨਜੀਤ ਸਿੰਘ,ਹਰਦੀਪ ਸਿੰਘ,ਨਛੱਤਰ ਸਿੰਘ,ਰਾਜਾ ਸਿੰਘ,ਮਨਜੀਤ ਸਿੰਘ,ਰਵਿੰਦਰ ਸਿੰਘ,ਗੋਰਾ ਸਿੰਘ,ਗੁਰਮੀਤ ਸਿੰਘ,ਗੁਰਦੇਵ ਸਿੰਘ ਜੈਦ,ਮਨਜੀਤ ਸਿੰਘ ਜੈਦ,ਗੁਰਸੇਵਕ ਸਿੰਘ,ਅਮਰ ਸਿੰਘ,ਸੋਹਣ ਸਿੰਘ,ਦੁੱਲਾ ਸਿੰਘ,ਪੂਰਨ ਸਿੰਘ,ਮਨਪ੍ਰੀਤ ਸਿੰਘ ਆਦਿ ਕਿਸਾਨ ਹਾਜ਼ਰ ਸਨ।
ਫੋਟੋ ਕੈਪਸ਼ਨ:-ਵਿਧਾਇਕ ਬੀਬੀ ਸਰਬਜੀਤ ਕੌਰ ਮਾਣੂੰਕੇ ਨੂੰ ਪੀੜ੍ਹਤ ਕਿਸਾਨ ਬਰਸਾਤੀ ਪਾਣੀ ਨਾਲ 110 ਏਕੜ ਡੁੱਬੀ ਹੋਈ ਫਸਲ ਦਿਖਾਉਦੇ ਹੋਏ।
