23 ਦੀ ਸੰਗਰੂਰ ਰੈਲੀ ਵਿੱਚ ਵਰਕਰ ਆਪ ਮੁਹਾਰੇ ਹੋਣਗੇ ਸਾਮਿਲ
ਕਾਉਕੇ ਕਲਾਂ/ਜਗਰਾਓਂ, ਫਰਵਰੀ 2020-(ਜਸਵੰਤ ਸਿੰਘ ਸਹੋਤਾ)-
ਇੱਥੋ ਨਜਦੀਕੀ ਪੈਂਦੇ ਪਿੰਡ ਦੌਧਰ ਦੇ ਸੀਨੀਅਰ ਅਕਾਲੀ ਆਗੂ,ਸਾਬਕਾ ਚੇਅਰਮੈਨ ਤੇ ਸ੍ਰੋਮਣੀ ਕਮੇਟੀ ਮੈਂਬਰ ਜੱਥੇਦਾਰ ਜਗਰਾਜ ਸਿੰਘ ਦੌਧਰ ਨੇ ਵੀ ਢੀਡਸਾਂ ਪਰਿਵਾਰ ਵੱਲੋ ਸ੍ਰੋਮਣੀ ਅਕਾਲੀ ਦਲ ਪਾਰਟੀ ਨੂੰ ਸਿਧਾਂਤਕ ਪਾਰਟੀ ਬਨਾਉਣ ਲਈ ਲੜੀ ਜਾ ਰਹੀ ਲੜਾਈ ਨੂੰ ਹੋਰ ਅੱਗੇ ਤੋਰਨ ਤੇ ਬਾਦਲ ਪਰਿਵਾਰ ਖਿਲਾਫ ਖੋਲੇ ਮੋਰਚੇ ਦਾ ਸਮਰਥਨ ਕਰਦਿਆ ਕਿਹਾ ਕਿ ਸੁਖਬੀਰ ਬਾਦਲ ਲਾਲਚੀ ਤੇ ਕੁਰਸੀ ਦਾ ਭੁੱਖਾ ਨੇਤਾ ਹੈ ਜਿਸ ਨੇ ਆਪਣੇ ਸਵਾਰਥ ਦੀ ਖਾਤਿਰ ਪਾਰਟੀ ਦਾ ਭੱਠਾ ਬਿਠਾ ਦਿੱਤਾ ਹੈ ਜਿਸ ਤੋ ਸਮੱੁਚਾ ਪੰਜਾਬ ਜਾਣੂ ਹੈ।ਉਨਾ ਕਿਹਾ ਕਿ ਸੁਖਬੀਰ ਦੇ ਤਾਨਾਸਹੀ ਰਵੱਈਏ ਕਾਰਨ ਹੀ ਉੱਚ ਕੋਟੀ ਦੇ ਨੇਤਾ ਪਾਰਟੀ ਛੱਡ ਰਹੇ ਹਨ ਜਾਂ ਫਿਰ ਮਜਬੂਰੀਵੱਸ ਸੁਖਬੀਰ ਦਾ ਸੰਤਾਪ ਭੁਗਤ ਰਹੇ ਹਨ।ਉਨਾ ਕਿਹਾ ਕਿ ਰਾਜ ਸਭਾ ਮੈਂਬਰ ਸੁਖਦੇਵ ਸਿੰਘ ਢੀਡਸਾਂ ਤੇ ਉਨਾ ਦਾ ਵਿਧਾਇਕ ਪੱੁਤਰ ਪਰਮਿੰਦਰ ਸਿੰਘ ਢੀਡਸਾ ਨਿਮਰ ਸੁਭਾਅ ਦੇ ਜਮੀਨੀ ਹਕੀਕਤ ਨਾਲ ਜੁੜੇ ਨੇਤਾ ਹਨ ਪਰ ਉਨਾ ਖਿਲਾਫ ਸੁਖਬੀਰ ਬਾਦਲ ਨੂੰ ਖੁਸ ਕਰਨ ਲਈ ਕਈ ਆਗੂਆਂ ਵੱਲੋ ਵਰਤੀ ਸਬਦਾਵਲੀ ਵੀ ਨਿੰਦਣਯੋਗ ਹੈ ਤੇ ਇਸ ਸਬਦਾਵਲੀ ਦਾ ਜਵਾਬ ਦੇਣ ਲਈ ਲੋਕ ਆਪ ਮੁਹਾਰੇ 23 ਫਰਵਰੀ ਨੂੰ ਸੰਗਰੂਰ ਵਿਖੇ ਕੀਤੀ ਜਾ ਰਹੀ ਰੈਲੀ ਵਿੱਚ ਸਾਮਿਲ ਹੋਣਗੇ।ਉਨਾ ਕਿਹਾ ਕਿ ਸੁਖਬੀਰ ਬਾਦਲ ਕੁਰਬਾਨੀ ਭਰੇ ਪਾਰਟੀ ਦੇ ਮੂਲ ਸਿਧਾਂਤ ਤੋ ਭਟਕ ਚੱੁਕਾ ਹੈ ਜੋ ਹੰਕਾਰ ਵਿੱਚ ਅੰਨਾ ਪਾਰਟੀ ਤੇ ਸ੍ਰੋਮਣੀ ਕਮੇਟੀ ਨੂੰ ਆਪਣੀ ਨਿੱਜੀ ਜੰਗੀਰ ਸਮਝ ਕੇ ਦੂਰਵਰਤੋ ਕਰ ਰਿਹਾ ਹੈ।ਉਨਾ ਕਿਹਾ ਕਿ 23 ਫਰਵਰੀ ਦੀ ਸੰਗਰੂਰ ਰੈਲੀ ਸਬੰਧੀ ਸਮਰਥਕਾਂ ਨੂੰ ਲਾਮਵੰਦ ਕੀਤਾ ਜਾ ਰਿਹਾ ਹੈ ਤੇ ਵੱਡੀ ਗਿਣਤੀ ਵਿੱਚ ਸਮਰਥਕ ਤੇ ਵਰਕਰ ਰਵਾਨਾ ਹੋਣਗੇ।
