ਸਕੂਲੀ ਬੱਚਿਆਂ ਦੀ ਸਰੁੱਖਿਆ ਨੂੰ ਲੈ ਕੇ ਮਾਪੇ ਗੰਭੀਰ, ਸਮਾਜ ਸੇਵੀ ਆਗੂਆਂ ਨੇ ਕੀਤੀ ਸਕੂਲੀ ਬੱਸਾਂ ਦੀ ਚੈਕਿੰਗ

4 ਮਾਸੂਮ ਬੱਚਿਆਂ ਦੇ ਅੱਗ 'ਚ ਜਿੰਦਾ ਸੜ ਜਾਣ ਤੋਂ ਬਾਅਦ ਲੋਕ ਪੂਰੀ ਤਰਾਂ ਗੰਭੀਰ ਦਿਖਾਈ ਦੇ ਰਹੇ ਹਨ, ਸਕੂਲਾਂ ਵੱਲੋਂ ਵੀ ਲਗਾਤਾਰ ਸਕੂਲੀ ਬੱਸਾਂ 'ਚ ਘਾਟਾਂ ਨੂੰ ਪੂਰਾ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ। ਇਸ ਸਬੰਧੀ ਅੱਜ ਕਸਬਾ ਮਹਿਲ ਕਲਾਂ ਵਿਖੇ ਸ੍ਰੋਮਣੀ ਅਕਾਲੀ ਦਲ (ਅ) ਦੇ ਯੂਥ ਆਗੂ 'ਤੇ ਸਮਾਜ ਸੇਵੀ ਗੁਰਪ੍ਰੀਤ ਸਿੰਘ ਗੋਪੀ ਧਨੇਰ ਵੱਲੋਂ ਆਪਣੀ ਟੀਮ ਸਮੇਤ ਮਾਪਿਆਂ ਨੂੰ ਨਾਲ ਲੈ ਕੇ ਸਕੂਲੀ ਬੱਸਾਂ ਦੀ ਸਵੇਰੇ 7-30 ਵਜੇ ਤੋਂ ਲੈ ਕੇ 9-30ਵਜੇ ਤੱਕ ਜਾਂਚ ਕੀਤੀ ਗਈ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਗੁਰਪ੍ਰੀਤ ਸਿੰਘ ਗੋਪੀ ਧਨੇਰ ਨੇ ਕਿਹਾ ਕਿ ਲੌਗੋਵਾਲ ਵਿਖੇ ਵਾਪਰੀ ਇਸ ਦਰਦਨਾਕ 'ਤੇ ਦਿਲ ਕੰਬਾਊ ਘਟਨਾ ਕਾਰਨ ਹਰ ਅੱਖ ਰੋਈ ਹੈ ,ਜਿਸ ਨੇ ਸਮੁੱਚੀ ਮਨੁੱਖਤਾ ਦੇ ਹਿਰਦੇ ਵਲੂੰਧਰ ਕੇ ਰੱਖ ਦਿੱਤੇ ਹਨ। ਉਥੇ ਚਾਰ ਮਾਸੂਮਾਂ ਦੇ ਜਿੰਦਾ ਸੜ ਜਾਣ ਕਾਰਨ ਮਾਪਿਆਂ 'ਚ ਆਪਣੇ ਬੱਚਿਆਂ ਪ੍ਰਤੀ ਚਿੰਤਾ ਵਧੀ ਹੈ। ਉਨਾਂ ਕਿਹਾ ਕਿ ਸਕੂਲਾਂ ਦੀਆਂ ਬੱਸਾਂ ਨੂੰ ਚੈਕ ਕਰਨ ਸਮੇਂ ਜਿਆਦਾਤਰ ਸਕੂਲਾਂ ਦੀਆਂ ਬੱਸਾਂ 'ਚ ਵੱਡੀਆਂ ਘਾਟਾਂ ਸਨ। ਜਿਨ੍ਹਾਂ ਵਿੱਚ ਡਰਾਈਵਰਾਂ ਦੇ ਲਾਇਸੈਸ, ਫਸਟ ਏਡ ਕਿੱਟ , ਅੱਗ ਬਝਾਉ ਯੰਤਰ 'ਤੇ ਸੀਸਾ ਭੰਨਣ ਵਾਲਾ ਹਥੌੜਾ ਜਿਆਦਾਤਰ ਬੱਸਾਂ 'ਚ ਨਹੀ ਸੀ। ਉਨ੍ਹਾਂ ਕਿਹਾ ਕਿ ਇਹ ਚੈਕਿੰਗ ਰੁਟੀਨ ਚ ਇਸੇ ਤਰ੍ਹਾਂ ਜਾਰੀ ਰਹੇਗੀ। ਧਨੇਰ ਨੇ ਸਕੂਲਾਂ ਚ ਪੜਦੇ ਬੱਚਿਆਂ ਦੇ ਮਾਪਿਆਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਖੁਦ ਵੀ ਇਨ੍ਹਾਂ ਕਮੀਆਂ ਪ੍ਰਤੀ ਜਾਗਰੂਕ ਹੋਣ ,ਕਿਉਂਕਿ ਮਹਿੰਗੀਆਂ ਫੀਸਾਂ ਦੇਣ ਦੇ ਬਾਵਜੂਦ ਵੀ ਅਗਰ ਸਕੂਲਾਂ ਵਾਲੇ ਕਿਸੇ ਵੀ ਤਰ੍ਹਾਂ ਦੀ ਕੁਤਾਹੀ ਵਰਤਦੇ ਹਨ ,ਉਨ੍ਹਾਂ ਨੂੰ ਜਾਣੂੰ ਤੇ ਕਾਰਵਾਈ ਕਰਵਾ ਸਕੀਏ।।ਉਹਨਾਂ ਦੱਸਿਆਂ ਕਿ ਚੈਕਿੰਗ ਦੌਰਾਨ ਮੌਕੇ ਤੇ ਬਾਬਾ ਗਾਂਧਾ ਸਿੰਘ ਪਬਲਿਕ ਸਕੂਲ ਮਹਿਲ ਕਲਾਂ ਦੇ ਪ੍ਰਿੰਸੀਪਲ ਹਿਮਾਸੂ ਦੱਤ ਨੇ ਮੌਕੇ 'ਤੇ ਪੁੱਜ ਕੇ ਲਿਖਤੀ ਤੌਰ ਤੇ ਬੱਸਾਂ ਦੀਆਂ ਘਾਟਾਂ ਪੂਰੀਆਂ ਕਰਨ ਦਾ ਵਿਸਵਾਸ ਦਿਵਾਇਆ ਹੈ। ਉਨਾਂ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਜਿੱਥੇ ਉਹ ਮਹਿੰਗੀਆਂ ਫੀਸਾਂ ਭਰ ਕੇ ਆਪਣੇ ਬੱਚਿਆਂ ਨੂੰ ਪੜਾ ਰਹੇ ਹਨ ਉੱਥੇ ਸਕੂਲ ਪ੍ਰਬੰਧਾਂ ਦੀ ਘਾਟ ਸਬੰਧੀ ਵੀ ਸਮੇਂ ਸਮੇਂ ਮਿਲ ਬੈਠ ਕੇ ਚਰਚਾ ਕਰਨ 'ਤੇ ਸਕੂਲ ਪ੍ਰਬੰਧਕਾਂ ਨੂੰ ਜਾਣੂ ਕਰਵਾਉਦੇ ਰਹਿਣ ਤਾਂ ਜੋ ਅਜਿਹੀ ਕੋਈ ਵੀ ਅਣਸੁਖਾਵੀ ਘਟਨਾ ਕਿਸੇ ਪਿੰਡ 'ਚ ਨਾ ਵਾਪਰੇ। ਇਸ ਮੌਕੇ ਮਿ ਗੁਰਜੰਟ ਸਿੰਘ ਕਾਲਾ,ਬਿੱਲੂ ਜਗੇੜਾ ਧਨੇਰ,ਰਵੀ, ਪਰਦੀਪ ਸਿੰਘ,ਸੁੁੁਰਿੰਦਰ ਸਿੰਘ ਕਾਲਾ ਸਮੇਤ ਇੱਕ ਦਰਜਨ ਦੇ ਕਰੀਬ ਮਾਪੇ ਹਾਜਰ ਸਨ।

ਕੀ ਕਹਿੰਦੇ ਹਨ ਐਸ ਐਚ ਓ ਮਹਿਲ ਕਲਾਂ

ਇਸ ਸਬੰਧੀ ਗੱਲ ਕਰਦਿਆਂ ਪੁਲਿਸ ਥਾਣਾ ਮਹਿਲ ਕਲਾਂ ਦੇ ਐਸਐਚਓ ਲਖਵਿੰਦਰ ਸਿੰਘ ਨੇ ਕਿਹਾ ਕਿ ਲੌਗੋਂਵਾਲ ਦੀ ਘਟਨਾ ਬਹੁਤ ਦੁਖਦਾਈ ਹੈ, ਅਜਿਹੀ ਘਟਨਾ ਕਿਤੇ ਹੋਰ ਨਾ ਵਾਪਰੇ ਇਸ ਲਈ ਉਹ ਖੁਦ ਸਕੂਲਾਂ ਦੇ ਪ੍ਰਬੰਧਕਾਂ ਨਾਲ ਮੀਟਿੰਗਾਂ ਕਰਨਗੇ। ਉਨਾਂ ਕਿਹਾ ਕਿ ਜੇਕਰ ਕੋਈ ਸਕੂਲੀ ਬੱਸ 'ਚ ਕਾਗਜੀ ਘਾਟ ਪਾਈ ਗਈ ਤਾਂ ਉਨ੍ਹਾਂ ਖਿਲਾਫ਼ ਸਖਤ ਕਾਰਵਾਈ ਕੀਤੀ ਜਾਵੇਗੀ।

ਕੀ ਕਹਿੰਦੇ ਨੇ ਬਾਬਾ ਗਾਂਧਾ ਸਿੰਘ ਪਬਲਿਕ ਸਕੂਲ ਦੇ ਪ੍ਰਿੰਸੀਪਲ

ਬਾਬਾ ਗਾਂਧਾ ਸਿੰਘ ਪਬਲਿਕ ਸਕੂਲ ਦੇ ਪ੍ਰਿੰਸੀਪਲ ਡਾ ਹਿਮਾਂਸੂ ਦੱਤ ਨੇ ਕਿਹਾ ਕਿ ਕੁਝ ਸਮਾਜ ਸੇਵੀ ਸੰਸਥਾਵਾ ਨੇ ਬੱਸਾਂ ਦੀ ਜਾਂਚ ਕੀਤੀ ਸੀ, ਉਸ ਸਮੇਂ ਜੋ ਵੀ ਘਾਟ ਬੱਸਾਂ 'ਚ ਪਾਈ ਗਈ ਉਸ ਨੂੰ ਪਹਿਲ ਦੇ ਆਧਾਰ 'ਤੇ ਪੂਰਾ ਕਰ ਦਿੱਤਾ ਗਿਆ ਹੈ। ਉਨਾਂ ਕਿਹਾ ਕਿ ਸਕੂਲੀ ਬੱਚਿਆਂ ਦੀ ਸਰੁੱਖਿਆ ਨੂੰ ਲੈ ਸਕੂਲ ਵੱਲੋਂ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ।

ਕੀ ਕਹਿੰਦੇ ਨੇ ਜੀ ਹੋਲੀ ਹਾਰਟ ਸਕੂਲ ਦੇ ਐਮ ਡੀ ਤੇ ਪ੍ਰਿੰਸੀਪਲ

ਇਸ ਸਬੰਧੀ ਜੀ.ਹੋਲੀ ਹਾਰਟ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਸੁਸੀਲ ਗੋਇਲ ਤੇ ਪ੍ਰਿੰਸੀਪਲ ਮਿਸ ਨਵਜੋਤ ਕੌਰ ਟੱਕਰ ਨੇ ਕਿਹਾ ਜੋ ਸਕੂਲ ਬੱਸਾਂ ਦੀ ਜਾਂਚ ਕੀਤੀ ਗਈ ਹੈ, ਉਹ ਸਲਾਘਾਯੋਗ ਹੈ। ਸਕੂਲ ਦੀਆਂ ਬੱਸਾਂ ਸਾਰੀਆਂ ਸਹੂਲਤਾਂ ਨਾਲ ਲੈਸ ਹਨ। ਉਹਨਾਂ ਕਿਹਾ ਕਿ ਸਕੂਲ ਦੇ ਬੱਚਿਆਂ ਦੀ ਸਰੁੱਖਿਆ ਲਈ ਬੱਸਾਂ ਦੇ ਡਰਾਈਵਰਾਂ ਨੂੰ ਸਖਤ ਆਦੇਸ ਜਾਰੀ ਕੀਤੇ ਹਨ। ਜੇਕਰ ਕੋਈ ਡਰਾਈਵਰ ਫਿਰ ਅਣਗਹਿਲੀ ਕਰਦਾ ਹੈ ਉਸ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ,ਕਿਉਂਕਿ ਬੱਚਿਆਂ ਦੀ ਸੇਫਟੀ ਸਭ ਤੋਂ ਜਰੂਰੀ ਹੈ।

ਕੀ ਕਹਿੰਦੇ ਨੇ ਅਕਾਲ ਐਕਡਮੀ ਮਹਿਲ ਕਲਾਂ ਦੇ ਪ੍ਰਿੰਸੀਪਲ -

ਇਸ ਸਬੰਧੀ ਅਕਾਲ ਅਕੈਡਮੀ ਮਹਿਲ ਕਲਾਂ ਦੀ ਪ੍ਰਿੰਸੀਪਲ ਬਲਵਿੰਦਰ ਕੌਰ ਨੇ ਕਿਹਾ ਕਿ ਸਾਡੀਆਂ ਸਭ ਬੱਸਾਂ ਸਹੂਲਤਾਂ ਨਾਲ ਲੈੱਸ ਹਨ, ਪਰ ਫਿਰ ਵੀ ਕਿਸੇ ਮਾਪੇ ਜਾ ਹੋਰ ਵਿਅਕਤੀ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕਮੀ ਲੱਗਦੀ ਹੈ ਤਾਂ ਉਹ ਸਾਨੂੰ ਜਾਣੂੰ ਕਰਵਾਏ , ਉਸ ਨੂੰ ਅਸੀ ਤੁਰੰਤ ਪੂਰਾ ਕਰਾਂਗੇ।