20ਵਾਂ ਓਪਾ ਧਾਲੀਵਾਲ ਯਾਦਗਾਰੀ ਖੇਡ ਮੇਲਾ 19 'ਤੇ 20 ਨੂੰ
ਮਹਿਲ ਕਲਾਂ/ਬਰਨਾਲਾ, ਫਰਵਰੀ 2020-(ਗੁਰਸੇਵਕ ਸਿੰਘ ਸੋਹੀ)-
ਓਪਾ ਸਪੋਰਟਸ ਕਲੱਬ (ਰਜਿ.) ਚੰਨਣਵਾਲ, ਟੂਰਨਾਮੈਂਟ ਪ੍ਰਬੰਧਕ ਕਮੇਟੀ, ਐਨਆਰਆਈ ਵੀਰ, ਨਗਰ ਪੰਚਾਇਤ ਵੱਲੋਂ 20ਵਾਂ ਓਪਾ ਧਾਲੀਵਾਲ ਯਾਦਗਾਰੀ ਖੇਡ ਮੇਲਾ 19 'ਤੇ 20 ਫਰਵਰੀ ਨੂੰ ਪਿੰਡ ਚੰਨਣਵਾਲ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਇਸ ਖੇਡ ਮੇਲੇ ਦੀਆਂ ਤਿਆਰੀਆਂ ਜੋਰਾਂ 'ਤੇ ਚੱਲ ਰਹੀਆਂ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਾਬਕਾ ਸਰਪੰਚ ਗੁਰਜੰਟ ਸਿੰਘ ਧਾਲੀਵਾਲ, ਆੜਤੀਆ ਕੁਲਵੀਰ ਸਿੰਘ ਗਿੱਲ, ਜਸਵਿੰਦਰ ਸਿੰਘ ਗੋਗਾ ਕੇਨੈਡੀਅਨ ਨੇ ਸਾਂਝੇ ਤੌਰ 'ਤੇ ਦੱਸਿਆ ਕਿ ਉਕਤ ਖੇਡ ਮੇਲੇ ਦੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆ ਹਨ।ਜਿਸ 'ਚ ਕਬੱਡੀ ਓਪਨ (3 ਬਾਹਰੋਂ), ਕਬੱਡੀ ਓਪਨ (1 ਪਿੰਡ ਨਿਰੋਲ), ਕਬੱਡੀ 65 ਕਿੱਲੋ(2 ਬਾਹਰੋ), ਬਾਲੀਬਾਲ ਸਮੈਸਿੰਗ (1 ਪਿੰਡ ਨਿਰੋਲ) ਅਤੇ ਤਾਸ ਸੀਪ (4 ਹੱਥ) ਦੇ ਮੁਕਾਬਲੇ ਕਰਵਾਏ ਜਾਣਗੇ। ਉਨਾਂ ਦੱਸਿਆ ਕਿ ਜੇਤੂ ਟੀਮਾਂ ਨੂੰ ਜਿੱਥੇ ਲੱਖਾਂ ਰੂਪਏ ਦੇ ਇਨਾਮ ਦਿੱਤੇ ਜਾਣਗੇ ਉੱਥੇ ਬੈਸਟ ਰੇਡਰ 'ਤੇ ਬੈਸਟ ਸਟੌਪਰ ਨੂੰ ਮੋਟਰਸਾਈਕਲਾਂ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਟੂਰਨਾਮੈਂਟ ਚ ਕਬੱਡੀ ਓਪਨ ਤੇ 65
ਕਿਲੋਂ ਦੀਆਂ ਪਹਿਲੀਆਂ ਸਿਰਫ 32ਟੀਮਾਂ ਹੀ ਐਟਰ ਕੀਤੀਆਂ ਜਾਣਗੀਆਂ। ਇਸ ਖੇਡ ਮੇਲੇ ਦੇ ਦੋਵੇਂ ਦਿਨ ਲੰਗਰ ਦਾ ਪ੍ਰਬੰਧ ਨਿਰਮਲਾ ਡੇਰਾ ਚੰਨਣਵਾਲ ਦੇ ਮੁੱਖ ਸੇਵਾਦਾਰ ਬਾਬਾ ਯਾਦਵਿੰਦਰ ਸਿੰਘ ਬੁੱਟਰ ਵੱਲੋਂ ਕੀਤਾ ਜਾਵੇਗਾ। ਉਨਾਂ ਦੱਸਿਆ ਕਿ ਇਸ ਖੇਡ ਮੇਲੇ ਦੌਰਾਨ ਜੇਤੂ ਟੀਮਾਂ ਤੋਂ ਇਲਾਵਾ ਸਹਿਯੋਗੀ ਸੱਜਣ 'ਤੇ ਹੋਰਨਾ ਸਖਸੀਅਤਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ। ਉਨਾਂ ਇਲਾਕੇ ਦੇ ਲੋਕਾਂ ਨੂੰ ਇਸ ਖੇਡ ਮੇਲੇ ਸਮੇਂ ਵੱਡੀ ਗਿਣਤੀ 'ਚ ਪੁੱਜਣ ਦੀ ਅਪੀਲ ਕੀਤੀ। ਇਸ ਮੌਕੇ ਮਨਦੀਪ ਸਿੰਘ ਜਟਾਣਾ, ਗੁਰਦੀਪ ਸਿੰਘ ਜਟਾਣਾ, ਨਵਜੋਤ ਸਿੰਘ ਸਿੱਧੂ, ਬਲਵਿੰਦਰ ਸਿੰਘ ਸਿੱਧੂ, ਡਾ ਮਹੁੰਮਦ ਜਾਸੀਨ, ਚਰਨਜੀਤ ਸਿੰਘ ਅਤੇ ਭੋਲਾ ਸਿੰਘ ਹਾਜਰ ਸਨ।
