ਪਿਛਲੇ ਦਿਨੀ ਸ਼੍ਰੀ ਨਨਕਾਣਾ ਸਾਹਿਬ ਅਤੇ ਪਾਕਿਸਤਾਨ ਵਿਖੇ ਹੋਰ ਗੁਰਧਾਮਾਂ ਦੇ ਦਰਸਨ ਕਰਕੇ ਆਈ ਸੰਗਤ ਵਲੋਂ ਸ਼੍ਰੀ ਗੁਰੂ ਗਰੰਥ ਸਹਿਬ ਦਾ ਸ਼ੁਕਰਾਨਾ ਕੀਤਾ ਗਿਆ
ਮਾਨਚੈਸਟਰ, ਜਨਵਰੀ 2020-( ਗਿਆਨੀ ਰਵਿੰਦਰਪਾਲ ਸਿੰਘ)-
ਮੌਂਟਨ ਸਟਰੀਟ ਗੁਰਦੁਆਰਾ ਸਾਹਿਬ ਮਾਨਚੈਸਟਰ ਅਤੇ ਹੋਰ ਆਲੇ ਦੁਆਲੇ ਤੋਂ ਸੰਗਤ ਵੱਡੀ ਗਿਣਤੀ ਵਿੱਚ ਨਵੰਬਰ ਮਹੀਨੇ ਜੱਥੇ ਦੇ ਰੂਪ ਵਿੱਚ ਸ਼੍ਰੀ ਨਨਕਾਣਾ ਸਾਹਿਬ ਅਤੇ ਪਾਕਿਸਤਾਨ ਵਿਖੇ ਹੋਰ ਗੁਰਧਾਮਾਂ ਦੇ ਦਰਸ਼ਨ ਕਰ ਬਹੁਤ ਹੀ ਪ੍ਰਸਨਤਾ ਨਾਲ ਵਾਪਸ ਮਾਨਚੈਸਟਰ ਪਹੁੰਚਿਆ ਅਤੇ ਜਿਥੇ ਓਹਨਾ ਐਤਵਾਰ ਸ਼੍ਰੀ ਗੁਰੂ ਨਾਨਕ ਪ੍ਰਕਾਸ ਗੁਰਦੁਆਰਾ ਸਾਹਿਬ ਵਿਖੇ ਸਾਹਿਬ ਸ਼੍ਰੀ ਗੁਰੂ ਗਰੰਥ ਸਾਹਿਬ ਜੀ ਦਾ ਸੁਕਰਾਣਾ ਕੀਤਾ ਅਤੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਮੁੱਖ ਰੱਖ ਕੇ ਕੇਕ ਕਟਿਆ। ਉਸ ਸਮੇ ਗਿਆਨੀ ਅਮਰੀਕ ਸਿੰਘ ਰਾਠੌਰ ਦੇ ਰਾਗੀ ਜੱਥੇ ਵਲੋਂ ਗੁਰਬਾਣੀ ਕੀਰਤਨ ਨਾਲ ਸੰਗਤਾਂ ਵਿੱਚ ਹਾਜਰੀਆਂ ਭਰਿਆ ਅਤੇ ਸੰਗਤ ਵਿਚੋਂ ਬੀਬੀਆਂ ਨੇ ਇਕੱਠੇ ਹੋ ਕੇ ਗੁਰ ਸਬਦ ਦਾ ਗਾਇਨ ਕੀਤਾ।ਉਸ ਸਮੇ ਸੰਗਤ ਵਿਚ ਸ ਬਲਵਿੰਦਰ ਸਿੰਘ ਰੌਦ ਅਤੇ ਸ ਹਰਦੇਵ ਸਿੰਘ ਹੀਰਾ ਅਤੇ ਸਮੂਹ ਪ੍ਰਬੰਧਕ ਗੁਰਦਵਾਰਾ ਸਾਹਿਬ ਮੰਜੂਦ ਸਨ।
