ਮੈਡਮ ਮਨਜਿੰਦਰ ਕੌਰ ਨੇ 32000 ਦੀ ਡਿਜੀਟਲ ਮੈਥ ਲੈਬ ਆਪਣੀ ਜੇਬ ਖਰਚੇ ਚੋਂ ਬਣਾਈ
ਬਰਨਾਲਾ,ਦਸੰਬਰ 2019- (ਗੁਰਸੇਵਕ ਸਿੰਘ ਸੋਹੀ)-
ਸਿੱਖਿਆ ਪ੍ਰਣਾਲੀ ਦੇ ਨਿੱਜੀਕਰਨ ਦੀ ਨੀਤੀ ਲਾਗੂ ਹੋਣ ਮਗਰੋਂ ਸਰਕਾਰਾਂ ਨੇ ਸਰਕਾਰੀ ਸਕੂਲਾਂ ਤੇ ਖ਼ਾਸਕਰ ਪ੍ਰਾਇਮਰੀ ਸਕੂਲਾਂ ਨੂੰ ਗਰਾਂਟਾਂ ,ਫ਼ੰਡ ਆਦਿ ਦੇਣਾ ਜ਼ਰੂਰੀ ਨਹੀਂ ਸਮਝਿਆ। ਜਿਸ ਦਾ ਉਲਟਾ ਅਸਰ ਇਹ ਹੋਇਆ ਕਿ ਪੰਜਾਬ ਵਿੱਚ ਖੁੰਭਾਂ ਵਾਂਗ ਪ੍ਰਾਈਵੇਟ ਸਕੂਲ ਖੁੱਲ੍ਹ ਚੁੱਕੇ ਹਨ ਤੇ ਖੁੱਲ੍ਹ ਰਹੇ ਹਨ । ਪਰ ਕੁਝ ਸਕੂਲਾਂ ਦੇ ਅਧਿਆਪਕਾਂ ਨੇ ਆਪਣਾ ਮੁਢਲਾ ਫਰਜ਼ ਸਮਝਦੇ ਪਹਿਲ ਕਦਮੀ ਕਰਦਿਆਂ ਸਰਕਾਰੀ ਸਕੂਲਾਂ ਨੂੰ ਵੀ ਪ੍ਰਾਈਵੇਟ ਸਕੂਲਾਂ ਦੇ ਬਰਾਬਰ ਬਣਾਉਣ ਦੇ ਯਤਨ ਜਾਰੀ ਹਨ। ਜਿਸ ਦੀ ਤਾਜ਼ਾ ਮਿਸਾਲ ਪਿੰਡ ਰਾਮਗੜ੍ਹ ਦੇ ਸਰਕਾਰੀ ਹਾਈ ਸਕੂਲ ਤੋਂ ਮਿਲਦੀ ਹੈ ਜਿੱਥੇ ਮੁੱਖ ਅਧਿਆਪਕ ਸਰਦਾਰ ਹਾਕਮ ਸਿੰਘ ਮਾਸ਼ੀਕੇ ਦੀ ਅਗਵਾਈ ਹੇਠ ਦਾਨੀ ਸੱਜਣਾਂ ,ਗਰਾਮ ਪੰਚਾਇਤ ਅਤੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਸਕੂਲ ਨੂੰ ਪ੍ਰਾਈਵੇਟ ਸਕੂਲਾਂ ਦੇ ਮੁਕਾਬਲੇ ਬਣਾਉਣ ਦੇ ਲਈ ਕੁਝ ਨਾ ਕੁਝ ਨਵਾਂ ਕਰ ਰਹੇ ਹਨ ।ਪੱਤਰਕਾਰਾਂ ਨੂੰ ਜਾਣਕਾਰੀ ਦੇ ਮੁੱਖ ਅਧਿਆਪਕ ਹਾਕਮ ਸਿੰਘ ਨੇ ਦੱਸਿਆ ਕਿ ਉਕਤ ਸਕੂਲ ਵਿੱਚ ਉਨ੍ਹਾਂ ਦੀ 2005 ਦੇ ਵਿੱਚ ਬਤੌਰ ਸਕੂਲ ਇੰਚਾਰਜ ਬਦਲੀ ਹੋਈ ਸੀ । ਉਸ ਦਿਨ ਤੋਂ ਲੈ ਕੇ ਅੱਜ ਤੱਕ ਅਸੀਂ ਸਾਰਾ ਸਟਾਫ ਸਕੂਲ ਨੂੰ ਸੁੰਦਰ ਬਣਾਉਣ ਦਾ ਯਤਨ ਕਰ ਰਹੇ ਹਾਂ । ਜਿਸ ਵਿੱਚ ਸੁੰਦਰ ਫੁੱਲ, ਕੰਧਾਂ ਤੇ ਵੱਖ ਵੱਖ ਤਰ੍ਹਾਂ ਦੇ ਦੇਸ਼ ਭਗਤੀ ਅਤੇ ਹੋਰ ਜਾਣਕਾਰੀ ਭਰਭੂਰ ਮਾਟੋ ਰੰਗ ਕਰਵਾ ਕੇ ਲਿਖਾਏ ਗਏ ਹਨ ਅਤੇ ਇਹ ਕੰਮ ਨਿਰੰਤਰ ਚੱਲ ਰਿਹਾ ਹੈ । ਉਨ੍ਹਾਂ ਦੱਸਿਆ ਕਿ ਸਕੂਲ ਵਿੱਚ ਬੱਚਿਆਂ ਨੂੰ ਸਮੇਂ ਦੇ ਹਾਣੀ ਬਣਾਉਣ ਦੇ ਲਈ ਮੇਰੀ ਧਰਮ ਪਤਨੀ ਮੈਥ ਇੰਚਾਰਜ ਮੈਡਮ ਮਨਿੰਦਰ ਕੌਰ ਦੇ ਸਹਿਯੋਗ ਨਾਲ ਸਕੂਲ ਵਿੱਚ ਇੱਕ ਡਿਜੀਟਲ ਮੈਥ ਲੈਬ ਵੀ ਬਣਾਈ ਗਈ ਹੈ । ਜਿਸ ਤੇ ਸਾਰਾ ਹੋਣ ਵਾਲਾ 32000 ਤੋਂ ਵਧੇਰੇ ਦੀ ਰਕਮ ਵਾਲਾ ਖਰਚਾ ਉਨ੍ਹਾਂ ਨੇ ਆਪਣੀ ਨਿੱਜੀ ਜੇਬ ਵਿੱਚੋਂ ਕੀਤਾ ਹੈ । ਇਸ ਮੌਕੇ ਮੈਡਮ ਮਨਜਿੰਦਰ ਕੌਰ ਨੇ ਕਿਹਾ ਕਿ ਮੇਰੀ ਹਮੇਸ਼ਾ ਹੀ ਕੁਝ ਰਹੀ ਹੈ ਕਿ ਸਾਡੇ ਕੋਲ ਪੜ੍ਹ ਰਹੇ ਬੱਚਿਆਂ ਨੂੰ ਪ੍ਰਾਈਵੇਟ ਸਕੂਲਾਂ ਵਿੱਚ ਮਿਲਣ ਵਾਲੀਆਂ ਸਹੂਲਤਾਂ ਦੀ ਤਰ੍ਹਾਂ ਹਰ ਇੱਕ ਸਹੁਲਤ ਮੁਹੱਈਆ ਕਰਵਾਈ ਜਾਵੇ । ਅਖੀਰ ਵਿੱਚ ਮੁੱਖ ਅਧਿਆਪਕ ਹਾਕਮ ਸਿੰਘ ਨੇ ਪਿੰਡ ਵਾਸੀਆਂ ਅਤੇ NRI ਦਾਨੀ ਸੱਜਣ ਨੂੰ ਬੇਨਤੀ ਕੀਤੀ ਕਿ ਉਕਤ ਸਕੂਲ ਹੋਰ ਵਧੇਰੇ ਵਧੀਆ ਬਣਾਉਣ ਲਈ ਆਪਣਾ ਯੋਗਦਾਨ ਜ਼ਰੂਰ ਪਾਉਣ ਤਾਂ ਜੋ ਪਿੰਡ ਰਾਮਗੜ੍ਹ ਦਾ ਸਕੂਲ ਬਰਨਾਲਾ ਜ਼ਿਲ੍ਹੇ ਵਿੱਚੋਂ ਪਹਿਲੇ ਨੰਬਰ ਦਾ ਸਕੂਲ ਬਣ ਸਕੇ । ਇਸ ਮੌਕੇ ਸਕੂਲੀ ਸਟਾਫ ਵਿੱਚ ਕੁਲਵਿੰਦਰ ਸਿੰਘ ਮੈਡਮ ਹਰਪ੍ਰੀਤ ਕੌਰ ਮੈਡਮ ਹਰਮਨਦੀਪ ਕੌਰ ਅੰਮ੍ਰਿਤਪਾਲ ਕੌਰ ਰਾਜੀਵ ਗੁਪਤਾ ਗਗਨਦੀਪ ਕੌਰ ਹਾਜ਼ਰ ਸਨ।
