ਜਗਰਾਉਂ/ਲੁਧਿਆਣਾ, ਦਸੰਬਰ 2019-(ਜਸਮੇਲ ਗਾਲਿਬ/ ਮਨਜਿੰਦਰ ਗਿੱਲ )-
ਅੰਤਰਰਾਸ਼ਟਰੀ ਕਬੱਡੀ ਿਖ਼ਡਾਰੀ ਗਗਨਦੀਪ ਸਿੰਘ ਧਾਲੀਵਾਲ (ਗਗਨ ਮਲਕ) ਦਾ ਜਨਮ 1992 ਨੂੰ ਪਿਤਾ ਪਿ੍ਤਪਾਲ ਸਿੰਘ ਪ੍ਰਧਾਨ ਦੇ ਘਰ ਅਤੇ ਮਾਤਾ ਸਰਬਜੀਤ ਕੌਰ ਦੀ ਕੁੱਖੋਂ ਪਿੰਡ ਲੀਲਾਂ ਮੇਘ ਸਿੰਘ ਨੇੜੇ ਜਗਰਾਉਂ ਵਿਖੇ ਹੋਇਆ | ਆਪਣੇ ਸਮੇਂ ਗਗਨ ਮਲਕ ਦਾ ਪਿਤਾ ਪਿ੍ਤਪਾਲ ਸਿੰਘ ਪਿ੍ਥੀ ਕਬੱਡੀ ਦਾ ਨਾਮੀ ਖਿਡਾਰੀ ਸੀ, ਜਿਸ ਨੂੰ ਦੇਖ ਕੇ ਗਗਨ ਵੀ ਛੋਟੀ ਉਮਰੇ ਕਬੱਡੀ ਖੇਡਣ ਲੱਗ ਗਿਆ | ਇਸ ਦੌਰਾਨ ਗਗਨ ਪਿੰਡ ਮਲਕ ਦੇ ਨੌਜਵਾਨਾਂ ਨਾਲ ਕਬੱਡੀ ਖੇਡਦਾ ਰਿਹਾ, ਜਿਸ ਕਾਰਨ ਗਗਨ ਦੇ ਨਾਂਅ ਨਾਲ ਪੱਕੇ ਤੌਰ 'ਤੇ ਪਿੰਡ ਮਲਕ ਦਾ ਨਾਂਅ ਜੁੜ ਗਿਆ ਅਤੇ ਖੇਡ ਮੈਦਾਨਾਂ 'ਚ ਗਗਨਦੀਪ ਸਿੰਘ ਧਾਲੀਵਾਲ ਗਗਨ ਮਲਕ ਦੇ ਨਾਂਅ ਨਾਲ ਜਾਣਿਆਂ ਜਾਣ ਲੱਗਾ | ਅਨੇਕਾਂ ਕਬੱਡੀ ਮੇਲਿਆਂ ਦਾ ਸ਼ਿੰਗਾਰ ਕਬੱਡੀ ਖਿਡਾਰੀ ਗਗਨ ਮਲਕ ਬੀਤੀ 25 ਨਵੰਬਰ ਨੂੰ ਆਪਣੇ ਬੁਲਟ ਮੋਟਰਸਾਈਕਲ 'ਤੇ ਮੁੱਲਾਂਪੁਰ ਤੋਂ ਵਾਪਿਸ ਆ ਰਿਹਾ ਸੀ | ਇਸ ਦੌਰਾਨ ਪਿੰਡ ਸੇਖੂਪੁਰਾ ਨਜ਼ਦੀਕ ਬਣੇ ਟੋਲ ਪਲਾਜ਼ਾ ਕੋਲ ਗਗਨ ਮਲਕ ਦੀ ਸੜਕ ਹਾਦਸੇ 'ਚ ਮੌਤ ਹੋ ਗਈ | ਗਗਨ ਦੇ ਬੇਵਕਤੀ ਵਿਛੋੜੇ ਕਾਰਨ ਕਬੱਡੀ ਖੇਡ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ । ਪਿੰਡ ਲੀਲਾ ਮੇਘ ਸਿੰਘ ਵਿਖੇ ਅੱਜ ਗਗਨ ਦੀਪ ਦੀ ਅੰਤਿਮ ਅਰਦਾਸ ਸਮੇ ਇਲਾਕਾ ਭਰ ਤੋਂ ਸੰਗਤਾਂ ਨੇ ਹਾਜਰੀਆਂ ਭਰਿਆ। ਉਸ ਸਮੇ ਹਜਾਰਾਂ ਦੀ ਗਿਣਤੀ ਵਿਚ ਜੁੜੇ ਲੋਕਾਂ ਵਲੋਂ ਨੇ ਆਪਣੇ ਹਰਮਨ ਪਿਆਰੇ ਕਬੱਡੀ ਖਿਡਾਰੀ ਨੂੰ ਸਰਦਾ ਦੇ ਫੁੱਲ ਭੇਟ ਕੀਤੇ। (ਇਸ ਸਮੇ ਨਾਲ ਜੁੜਨ ਲਈ ਦੇਖੋ ਵੀਡਿਓ )
