ਗੁਰਦਾਸਪੁਰ(ਹਰਪਾਲ ਸਿੰਘ,ਪ੍ਰਭਜੋਤ ਕੌਰ) ਅੱਜ ਜ਼ਿਲਾ ਗੁਰਦਾਸਪੁਰ ਦੇ ਬਹਿਰਾਮਪੁਰ ਰੋਡ ਸਥਿਤ ਪਿੰਡ ਕੇਸ਼ੋਪੁਰ ਛੰਭ ਦੇ ਨੇੜੇ ਜੰਗਲੀ ਜੀਵ ਮੰਡਲ ਅਫਸਰਾਂ ਅਤੇ ਜੰਗਲਾਤ ਵਿਭਾਗ ਦੇ ਉੱਚ ਅਧਿਕਾਰੀਆਂ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਵਣ ਮੰਡਲ ਅਫਸਰ ਜੰਗਲੀ ਜੀਵ ਮੰਡਲ ਪਠਾਨਕੋਟ ਸ਼੍ਰੀ ਪਰਮਜੀਤ ਸਿੰਘ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਵਣ ਰੇਂਜ ਅਫਸਰ ਜੰਗਲੀ ਜੀਵ ਗੁਰਦਾਸਪੁਰ ਸ੍ਰੀ ਦੀਪਕ ਕਪੂਰ ਜੀ ਦੀ ਯੋਗ ਅਗਵਾਈ ਹੇਠ ਉਹ ਕੇਸ਼ੋਪੁਰ ਛੰਭ ਕਮਿਊਨਿਟੀ ਰਿਜਰਵ ਵਿਖੇ ਜੰਗਲੀ ਜੀਵ ਸਪਤਾਹ ਮਨਾਇਆ ਗਿਆ ।ਇਸ ਮੌਕੇ ਇੰਚਾਰਜ ਸ਼੍ਰੀ ਸਚਿਨ ਦੀਪ ਵੱਲੋਂ ਲੋਕਾਂ ਅਤੇ ਸਕੂਲੀ ਬੱਚਿਆਂ ਨੂੰ ਵੈਟਲੈਂਡ ਜੰਗਲੀ ਜੀਵਾਂ ਅਤੇ ਪਰਵਾਸੀ ਪੰਛੀਆਂ ਕੇਸ਼ੋਪੁਰ ਛੰਭ (ਰਾਮਸਰ ਸਾਈਟ) ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਓਹਨਾ ਕਿਹਾ ਅੱਜ ਸਾਰਿਆ ਨੂੰ ਮਿਲ ਕੇ ਜੰਗਲੀ ਜੀਵਾ ਦੀ ਰੱਖਿਆ ਕਰਨ ਦਾ ਪ੍ਰਣ ਲੈਣਾ ਚਾਹੀਦਾ ਹੈ। ਇਸ ਸਮੇਂ ਸੰਦੀਪ ਕੁਮਾਰ, ਅਮਿਤਲੀਨ ਕੌਰ, ਨਵਜੋਤ ਕੌਰ , ਰਮਨਦੀਪ ਕੌਰ , ਮਨਵੀਰ ਸਿੰਘ, ਧੀਰ ਸਿੰਘ , ਸਕੂਲੀ ਬੱਚੇ ਅਤੇ ਵੈਟਲੈਂਡ ਮਿੱਤਰ ਹਾਜ਼ਰ ਸਨ ।
