ਪੱਖੋਵਾਲ / ਸਰਾਭਾ 6 ਅਗਸਤ( ਦਲਜੀਤ ਸਿੰਘ ਰੰਧਾਵਾ ) ਸਿਵਲ ਸਰਜਨ ਲੁਧਿਆਣਾ ਡਾਕਟਰ ਹਤਿੰਦਰ ਕੌਰ ਕਲੇਰ ਦੇ ਦਿਸਾ ਨਿਰਦੇਸ਼ਾਂ ਤੇ ਡਾਕਟਰ ਨੀਲਮ ਸੀਨੀਅਰ ਮੈਡੀਕਲ ਅਫਸਰ ਪੱਖੋਵਾਲ ਦੀ ਅਗਵਾਈ ਹੇਠ 1ਅਗਸਤ ਤੋ 7 ਅਗਸਤ ਤੱਕ ਮਨਾਏ ਜਾ ਰਹੇ ਵਿਸ਼ਵ ਸਤਨਪਾਨ ਹਫਤੇ ਦੀ ਲੜੀ ਤਹਿਤ ਸੀ ਐਚ ਸੀ ਪੱਖੋਵਾਲ ਵਿਖੇ ਮਨਾਇਆ ਗਿਆ। ਡਾਕਟਰ ਨੀਲਮ ਨੇ ਕਿਹਾ ਕਿ ਮਾਂ ਦਾ ਪਹਿਲਾ ਪੀਲਾ ਗਾੜਾ ਦੁੱਧ ਬੱਚੇ ਨੂੰ ਜਨਮ ਤੋ ਇੱਕ ਘੰਟੇ ਦੇ ਅੰਦਰ ਸਹੀ ਤਰੀਕੇ ਨਾਲ ਪਿਲਾਉਣਾ ਜਰੂਰੀ ਹੈ । ਜਿਸ ਵਿੱਚ ਸਾਰੇ ਜਰੂਰੀ ਤੱਤ ਮੌਜੂਦ ਹੁੰਦੇ ਹਨ ਬੱਚੇ ਨੂੰ ਪਹਿਲੇ 6 ਮਹੀਨੇ ਮਾਂ ਦਾ ਦੁੱਧ ਦੇਣਾ ਬਹੁਤ ਜਰੂਰੀ ਹੁੰਦਾ ਹੈ ਇਸ ਨਾਲ ਬੱਚੇ ਨੂੰ ਬੀਮਾਰੀਆ ਬਹੁਤ ਘੱਟ ਲੱਗਦੀਆ ਹਨ। ਡਾਕਟਰ ਸੁਖਦੇਵ ਸਿੰਘ ਰੰਧਾਵਾ ਮੈਡੀਕਲ ਅਫਸਰ (ਬੱਚਿਆ ਦੇ ਮਾਹਿਰ) ਨੇ ਦੱਸਿਆ ਕਿ 6 ਮਹੀਨੇ ਤੋ ਬਾਅਦ ਮਾਂ ਦੇ ਦੁੱਧ ਨਾਲ ਉਪਰੀ ਖੁਰਾਕ ਜਿਵੇ ਦਾਲ ਦਾ ਪਾਣੀ ,ਚਾਵਲ,ਦਹੀ,ਫੇਹਿਆ ਹੋਇਆ ਕੇਲਾ ਤੇ ਹੋਰ ਤੱਤਾ ਨਾਲ ਭਰਪੂਰ ਖੁਰਾਕ ਖੁਆਵੀ ਜਾ ਸਕਦੀ ਹੈ ।
ਤੇਜਪਾਲ ਸਿੰਘ ਸਹਾਇਕ ਮਲੇਰੀਆ ਅਫਸਰ ਨੇ ਦੱਸਿਆ ਕਿ ਜਿੱਥੇ ਮਾਂ ਦਾ ਦੁੱਧ ਬੱਚੇ ਤੇ ਮਾਂ ਦਾ ਰਿਸਤੇ ਨੂੰ ਗੂੜਾ ਹੁੰਦਾ ਹੈ ਉੱਥੇ ਜਿਹੜੀਆ ਮਾਂਵਾ ਨਵ-ਜਨਮੇ ਬੱਚੇ ਨੂੰ ਆਪਣਾ ਦੁੱਧ ਪਿਲਾਉਦੀਆ ਹਨ ਉਹ ਔਰਤਾਂ ਕੈਸਰ ਵਰਗੀ ਭਿਆਨਕ ਬੀਮਾਰੀ ਤੋ ਬਚ ਸਕਦੀਆ ਹਨ ।ਡਾਕਟਰ ਜਗਦੀਪ ਕੌਰ ਮੈਡੀਕਲ ਅਫਸਰ ਨੇ ਦੱਸਿਆ ਕਿ ਮਾਂ ਦਾ ਦੁੱਧ ਪਿਲਾਉਣ ਨਾਲ ਬੱਚੇ ਨੂੰ ਦਸਤ ਰੋਗ ਤੇ ਨਮੋਨੀਆ ਦੀ ਬੀਮਾਰੀ ਤੋ ਬਚਾਅ ਰਹਿੰਦਾ ਹੈ।ਨਿਯਮਿਤ ਤੌਰ ਤੇ ਦੁੱਧ ਪਿਲਾਉਣ ਨਾਲ ਮਾਂ ਨੂੰ ਅਣ ਚਾਹੇ ਗਰਭਧਾਰਨ ਦੀ ਸੰਭਾਵਨਾ ਘੱਟ ਹੁੰਦੀ ਹੈ। ਜਿੱਥੇ ਮਾਂ ਦਾ ਦੁੱਧ ਬੱਚੇ ਲਈ ਜਰੂਰੀ ਹੁੰਦਾ ਹੈ ਉੱਥੇ ਬੱਚੇ ਦੇ ਟੀਕਾਕਰਨ ਵੀ ਬਹੁਤ ਜਰੂਰੀ ਹੁੰਦਾ ਹੈ ਜੋ ਕਿ ਸਾਰੇ ਸਿਹਤ ਕੇਂਦਰਾ ਵਿੱਚ ਬੁੱਧਵਾਰ ਵਾਲੇ ਦਿਨ ਲਗਾਏ ਜਾਂਦੇ ਹਨ। ਇਸ ਸਮੇ ਪਰਮਜੀਤ ਕੌਰ ਚੀਫ ਫਾਰਮੇਸੀ ਅਫਸਰ, ਮਨਜੀਤ ਕੌਰ ਏ ਐਨ ਐਮ, ਰੁਪਿੰਦਰ ਕੌਰ ਏ ਐਨ ਐਮ, ਹਰਮਿੰਦਰ ਕੌਰ ਐਲ ਐਚ ਵੀ , ਅਵਤਾਰ ਸਿੰਘ ਹੈਲਥ ਇੰਸਪੈਕਟਰ, ਸੰਦੀਪ ਗੁਪਤਾ ਫਾਰਮਾਸਿਸਟ ਕੌਰ, ਗੁਰਪਾਲ ਸਿੰਘ ਚਹਿਲ, ਸਰਬਜੀਤ ਸਿੰਘ , ਪਰਵਿੰਦਰ ਸਿੰਘ ਆਦਿ ਹਾਜ਼ਰ ਸਨ।
