ਧਰਮਕੋਟ, 26 ਮਾਰਚ(ਜਸਵਿੰਦਰ ਸਿੰਘ ਰੱਖਰਾ) ਪੰਜਾਬੀ ਪ੍ਰਸਿੱਧ ਲੋਕ ਗਾਇਕ ਸੁਰੀਲੀ ਆਵਾਜ਼ ਦੇ ਮਾਲਕ ਯਾਰਾਂ ਦਾ ਯਾਰ ਅਤੇ ਮੇਲਿਆਂ ਦਾ ਬਾਦਸ਼ਾਹ ਦਲਵਿੰਦਰ ਦਿਆਲਪੁਰੀ ਦਾ ਨਵਾਂ ਗੀਤ "ਯਾਰ " ਬਹੁਤ ਹੀ ਜਲਦ ਰਿਲੀਜ਼ ਹੋਣ ਜਾ ਰਿਹਾ ਹੈ। ਸ਼ੂਟਿੰਗ ਮੌਕੇ ਪੰਜਾਬੀ ਪ੍ਰਸਿੱਧ ਲੋਕ ਗਾਇਕ ਦਲਵਿੰਦਰ ਦਿਆਲਪੁਰੀ ਨੇ ਮਾਲਵਾ ਬਾਣੀ ਦੇ ਪੱਤਰਕਾਰ ਨਾਲ ਗੱਲਬਾਤ ਕਰਦੇ ਹੋਏ ਨਵੇਂ ਰਿਲੀਜ਼ ਹੋ ਰਹੇ ਗੀਤ "ਯਾਰ" ਦੀਆਂ ਕੁਝ ਲਾਈਨਾਂ ਸਾਂਝੀਆਂ ਕੀਤੀਆਂ।
"ਇਸ਼ਕ ਪੜ੍ਹਾਈਆਂ ਰਾਸ ਨਾ ਆਈਆਂ, ਪੜ੍ਹਦਾ ਇੱਥੇ ਕੋਈ ਕੋਈ"
"ਆਖਣ ਨੂੰ ਤਾਂ ਯਾਰ ਬੜੇ, ਖੜਦਾ ਇੱਥੇ ਕੋਈ ਕੋਈ "
ਇਸ ਗੀਤ ਨੂੰ ਪੰਜਾਬੀ ਪ੍ਰਸਿੱਧ ਲੋਕ ਗਾਇਕ ਦਲਵਿੰਦਰ ਦਿਆਲਪੁਰੀ ਨੇ ਗਾਇਆ, ਵਿਜੇ ਧੰਮੀ ਵੱਲੋਂ ਇਸ ਗੀਤ ਨੂੰ ਲਿਖਿਆ ਗਿਆ, ਮਿਉਜ਼ਿਕ ਸੁਰਿੰਦਰ ਕਜਲਾ, ਵੀਡੀਓ ਡਾਇਰੈਕਟਰ ਕੇ.ਕੇ.ਸੱਭਰਵਾਲ, ਕੈਮਰਾ ਮਨੀਸ਼,ਮੇਕਅੱਪ ਸਚਿਨ ਅਤੇ ਕੰਪਨੀ ਕੇ.ਕੇ. ਰਿਕਾਰਡਸ ਵੱਲੋਂ ਰਿਕਾਰਡ ਕੀਤਾ ਗਿਆ।
ਉਹਨਾਂ ਸਰੋਤਿਆਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਪਹਿਲਾਂ ਮਾਰਕੀਟ ਵਿੱਚ ਰਲੀਜ਼ ਹੋਏ ਗੀਤਾਂ ਨੂੰ ਬਹੁਤ ਪਿਆਰ ਮਿਲਿਆ ਹੈ ਉਸੇ ਤਰ੍ਹਾਂ ਨਵੇਂ ਰਿਲੀਜ਼ ਹੋ ਰਹੇ ਗੀਤ "ਯਾਰ" ਨੂੰ ਵੀ ਸਰੋਤਿਆਂ ਦਾ ਬਹੁਤ ਪਿਆਰ ਮਿਲੇਗਾ। ਸ਼ੂਟਿੰਗ ਦੌਰਾਨ ਵਿਸ਼ੇਸ ਤੌਰ ਤੇ ਪਹੁੰਚੇ ਦਲਵਿੰਦਰ ਦਿਆਲਪੁਰੀ ਦੇ ਕਰੀਬੀ ਦੋਸਤ ਡਾਕਟਰ ਰਣਜੀਤ ਸਿੰਘ, ਗੁਰਪ੍ਰੀਤ ਸਿੰਘ ਕਰੀਰ,ਸਾਰਜ ਸਿੰਘ ਕਾਲਾ,ਸੋਹਣ ਮਾਣੂੰਕੇ, ਸ਼ਮਸ਼ੇਰ ਸਿੰਘ, ਗੀਤਕਾਰ ਮੀਤ ਭਿੰਡਰ, ਕਲੱਬ ਪ੍ਰਧਾਨ ਸਰੂਪ ਇੰਦਰ ਸਿੰਘ,ਰਿੰਟੂ ਮੱਲੀ, ਸਰਪੰਚ ਜਗਸੀਰ ਸਿੰਘ ਭਿੰਡਰ ਖੁਰਦ, ਮੈਂਬਰ ਸ਼ਿੰਦਰ ਸਿੰਘ ਅਤੇ ਬਾਬਾ ਹਰਦੀਪ ਸਿੰਘ ਆਦਿ ਹਾਜ਼ਰ ਸਨ।
