ਮਾਨਚੈਸਟਰ, ਮਈ 2020 -(ਗਿਆਨੀ ਅਮਰੀਕ ਸਿੰਘ ਰਾਠੌਰ)-
ਯੂ.ਕੇ. ਦੇ ਲੰਕਾਸ਼ਾਇਰ ਦੇ ਸ਼ਹਿਰ ਬਲੈਕਬਰਨ ਦੀ ਕਿੰਗ ਸਟਰੀਟ 'ਤੇ ਇਕ 19 ਸਾਲਾ ਕੁੜੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦੇਣ ਦੀ ਖ਼ਬਰ ਹੈ। ਜਾਣਕਾਰੀ ਅਨੁਸਾਰ 18 ਮਈ ਬਾਅਦ ਦੁਪਹਿਰ 3 ਵਜੇ ਦੇ ਕਰੀਬ ਘਟਨਾ ਸਥਾਨ 'ਤੇ ਪੁਲਿਸ ਦਾ ਇਕ ਹੈਲੀਕਾਪਟਰ ਤੇ ਐਮਰਜੈਂਸੀ ਸੇਵਾਵਾਂ ਵਲੋਂ ਸੁਪਰ ਮਾਰਕੀਟ ਦੇ ਨਜ਼ਦੀਕ ਇਕ ਜ਼ਖ਼ਮੀ ਮਹਿਲਾ ਨੂੰ ਹਸਪਤਾਲ ਪਹੁੰਚਾਇਆ ਗਿਆ, ਜਿਥੇ ਥੋੜ੍ਹੀ ਦੇਰ ਬਾਅਦ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਮਹਿਲਾ ਬਲੈਕਬਰਨ ਦੀ ਹੀ ਰਹਿਣ ਵਾਲੀ ਦੱਸੀ ਜਾਂਦੀ ਹੈ, ਜਿਸ ਦੀ ਪਹਿਚਾਣ ਅਯਾ ਹੈਚਮ ਵਜੋਂ ਹੋਈ ਹੈ, ਜੋ ਸੈਲਫੋਰਡ ਯੂਨੀਵਰਸਿਟੀ 'ਚ ਕਾਨੂੰਨੀ ਵਿੱਦਿਆ ਕੋਰਸ ਦੇ ਦੂਜੇ ਸਾਲ ਵਿਚ ਸੀ। ਪੁਲਿਸ ਨੇ ਦੱਸਿਆ ਕਿ ਘਟਨਾ ਸਥਾਨ 'ਤੇ ਮੌਜੂਦ ਕੁਝ ਗਵਾਹਾਂ ਨੇ ਇਕ ਹਰੇ ਰੰਗ ਦੀ ਟੋਇਟਾ ਐਵੇਨਸਿਸ ਕਾਰ ਨੂੰ ਜਾਂਦੇ ਦੇਖਿਆ ਸੀ, ਅਜਿਹੀ ਇਕ ਕਾਰ ਨੂੰ ਬਾਅਦ ਵਿਚ ਵਲਿੰਗਟਨ ਰੋਡ ਤੋਂ ਮਿਲੀ ਹੈ। ਤਿੰਨ ਆਦਮੀਆਂ ਨੂੰ ਪੁਲਿਸ ਨੇ ਆਰੇਸਟ ਕੀਤਾ ਜਿਨ੍ਹਾਂ ਦੀ ਉਮਰ 33,36 ਅਤੇ 39 ਦਸੀ ਜਾ ਰਹੀ ਹੈ। ਪੁਲਿਸ ਵਲੋਂ ਬੇਨਤੀ ਕੀਤੀ ਗਈ ਕੇ ਇਸ ਘਟਨਾ ਵਾਰੇ ਜੇ ਕਿਸੇ ਕੋਲ ਕੋਈ ਜਾਣਕਾਰੀ ਹੈ ਤਾਂ ਸਾਜੀ ਕੀਤੀ ਜਾਵੇ। ਜਾਣਕਾਰੀ ਲਈ ਦੱਸਦੇਈਏ ਕੇ ਇੰਗਲੈਡ ਦੇ ਇਸ ਸ਼ਹਿਰ ਵਿੱਚ ਪਾਕਿਸਤਾਨ ਤੋਂ ਆਏ ਪੰਜਾਬੀਆਂ ਦੀ ਖ਼ਾਸੀ ਵਸੋਂ ਹੈ। ਜੋ ਕੇ ਕਾਫੀ ਪੁਰਾਣੇ ਇਸ ਸ਼ਹਿਰ ਵਿੱਚ ਵਸਦੇ ਹਨ।
