ਦੇਸ਼ ਪ੍ਰੇਸ਼ਾਨ ਹੈ!
ਦਿੱਲੀ ਸੜ ਰਹੀ ਹੈ,
ਦੇਸ਼ ਪ੍ਰੇਸ਼ਾਨ ਹੈ।
ਹੱਦਾਂ 'ਤੇ ਸੁਰੱਖਿਆ ,
ਅੰਦਰ ਤੁਫਾਨ ਹੈ।
ਲੋਕਾਂ ਨੂੰ ਲੜਾ ਰਿਹਾ,
ਕੌਣ ਸ਼ੈਤਾਨ ਹੈ?
ਦਿਲ ਲਹੂ ਲੁਹਾਣ ਹੋਇਆ
ਖਾਮੋਸ਼ ਹੁਕਮਰਾਨ ਹੈ।
ਕੌਣ ਦੇਸ਼ ਭਗਤ ਹੈ,
ਕੀ ਇਸ ਦੀ ਪਛਾਣ ਹੈ?
ਕੌਣ ਹੈ ਇਮਾਨਦਾਰ,
ਕੌਣ ਬੇਈਮਾਨ ਹੈ।
ਕੌਣ ਪਾਵੇ ਵੰਡੀਆਂ,
ਇਨਸਾਨ ਤਾਂ ਇਨਸਾਨ ਹੈ।
ਹੋ ਗਿਆ ਸਫੈਦ ਖੂਨ,
ਜਾਨ ਬੇਜਾਨ ਹੈ।
ਕੁਰਸੀਆਂ ਦੀ ਖੇਡ ਪਿਛੇ,
ਰੁਲਦਾ ਈਮਾਨ ਹੈ।
ਕੌਣ ਸੱਚਾ ਸੁੱਚਾ ਇਥੇ,
ਕੀ ਪ੍ਰਮਾਣ ਹੈ?
ਦਿੱਲੀ ਸੜ ਰਹੀ ਹੈ,
ਦੇਸ਼ ਪ੍ਰੇਸ਼ਾਨ ਹੈ।
✍️ ਸੁਖਦੇਵ ਸਲੇਮਪੁਰੀ
28 ਫਰਵਰੀ, 2020
