ਯੁ.ਕੇ.

ਸਿੱਖ ਚੈਨਲ ਵੱਲੋਂ 13ਵੀਂ ਵਰ੍ਹੇਗੰਢ ਤੇ ਵਿਸ਼ੇਸ਼ ਪ੍ਰੋਗ੍ਰਾਮ  

ਬਰਮਿੰਘਮ, 01 ਅਪ੍ਰੈਲ ( ਖਹਿਰਾ ) ਬਰਤਾਨੀਆ ਦੀ ਧਰਤੀ ਤੇ ਸਿੱਖਾਂ ਦੀ ਆਵਾਜ਼ ਬੁਲੰਦ ਕਰ ਰਿਹਾ ਸਭ ਤੋਂ ਪਹਿਲਾਂ ਹੋਂਦ ਵਿਚ ਆਇਆ ਸਿੱਖਾਂ ਕੌਮ ਦਾ ਆਪਣਾ ਚੈਨਲ  ਇਸ ਸਾਲ ਤੇਰਾਂ ਸਾਲ ਪੂਰੇ ਹੋਣ ਤੇ ਆਪਣੀ ਤੇਰ੍ਹਵੀਂ ਸਾਲਾਨਾ ਵਰ੍ਹੇਗੰਢ ਮਨਾ ਰਿਹਾ ਹੈ  ।  ਤੁਸੀਂ ਪੂਰੀ ਜਾਣਕਾਰੀ ਫੋਟੋ ਵਿਚ ਦਿੱਤੇ ਇਸ਼ਤਿਹਾਰ ਤੋਂ ਲੈ ਸਕਦੇ ਹੋ ਅਤੇ ਹੋਰ ਜਾਣਕਾਰੀ ਲਈ ਹੇਠਾਂ ਦਿੱਤੇ ਸਿੱਖ ਚੈਨਲ ਦੇ ਨੰਬਰਾਂ ਉਪਰ ਫੋਨ ਕਰਕੇ ਵੀ ਜਾਣਕਾਰੀ ਹਾਸਲ ਕਰ ਸਕਦੇ ਹੋ। ਸਿੱਖ ਚੈਨਲ ਦੇ ਪ੍ਰਬੰਧਕਾਂ ਵੱਲੋਂ ਪੂਰੀ ਦੁਨੀਆਂ ਵਿਚ ਵੱਸਦੇ ਗੁਰੂ ਨਾਨਕ ਨਾਮ ਲੇਵਾ ਸਿੱਖਾਂ ਨੂੰ ਸਿੱਖ ਚੈਨਲ ਦੇ ਨਾਲ ਜੁੜਨ ਦੀ ਬੇਨਤੀ ।   

29 ਮਾਰਚ 1849 ਦਾ ਇਤਿਹਾਸ (ਪੰਜਾਬ ਉੱਤੇ ਅੰਗਰੇਜ਼ਾਂ ਦਾ ਕਬਜ਼ਾ) ✍️.  ਅਮਨਜੀਤ ਸਿੰਘ ਖਹਿਰਾ

29 ਮਾਰਚ 1849 ਵਾਲਾ ਦਿਨ ਪੰਜਾਬ ਦੇ ਲੋਕ ਕਦੇ ਨਹੀਂ ਭੁੱਲ ਸਕਦੇ। ਇਸ ਦਿਨ ਲਾਰਡ ਡਲਹੌਜ਼ੀ ਨੇ ਪੰਜਾਬ ਉਪਰ ਕਬਜ਼ੇ ਦਾ ਐਲਾਨ ਜਾਰੀ ਕੀਤਾ ਸੀ। ਇਸ ਦਿਨ ਲਾਰਡ ਡਲਹੌਜ਼ੀ ਦਾ ਵਿਦੇਸ਼ ਸਕੱਤਰ, ਹੈਨਰੀ ਮੀਅਰਜ਼ ਇਲੀਅਟ, ਛੋਟੀ ਉਮਰ ਦੇ ਮਹਾਰਾਜਾ ਦਲੀਪ ਸਿੰਘ ਦੇ ਇਕ ਦਸਤਾਵੇਜ਼ ਉੱਪਰ ਦਸਤਖਤ ਲੈਣ ਲਈ ਲਾਹੌਰ ਪਹੁੰਚਿਆ ਸੀ। ਇਸ ਮਕਸਦ ਲਈ ਲਾਹੌਰ ਦੇ ਕਿਲ੍ਹੇ ਵਿੱਚ ਇੱਕ ਵਿਸ਼ੇਸ਼ ਦਰਬਾਰ ਆਯੋਜਿਤ ਕੀਤਾ ਗਿਆ ਸੀ। ਬ੍ਰਿਟਿਸ਼ ਫੌਜਾਂ ਦੇ ਜਰਨੈਲ, ਬਾਲ ਮਹਾਰਾਜੇ ਦਲੀਪ ਸਿੰਘ ਦੇ ਸੱਜੇ ਪਾਸੇ ਅਤੇ ਉਸਦੇ ਬੇਸਹਾਰਾ ਅਤੇ ਬੇਬੱਸ ਸਰਦਾਰ ਖੱਬੇ ਪਾਸੇ ਖੜੇ ਸਨ। ਉਸਦੀ ਬੇਵੱਸ ਮਾਂ ਰਾਣੀ ਜਿਂੰਦਾਂ, ਗੈਰਕਾਨੂੰਨੀ ਅਤੇ ਗੈਰ ਇਖਲਾਕੀ ਨਜ਼ਰਬੰਦੀ ਅਧੀਨ ਸੀ ਅਤੇ ਗੈਰਹਾਜ਼ਰ ਸੀ।

ਖਿਡੌਣਿਆਂ ਨਾਲ ਖੇਡਣ ਦੀ ਉਮਰ ਵਾਲੇ ਮਹਾਰਾਜਾ ਦਲੀਪ ਸਿੰਘ ਨੇ ਸੌਖਿਆਂ ਹੀ, ਬਿਨਾ ਕਿਸੇ ਉਜ਼ਰ ਤੋਂ, ਹੈਨਰੀ ਮੀਅਰਜ਼ ਇਲੀਅਟ ਵਲੋਂ ਪੇਸ਼ ਕੀਤੇ ਦਸਤਾਵੇਜ਼ ਉੱਪਰ ਆਪਣੇ ਦਸਤਖਤ ਕਰ ਦਿੱਤੇ ਅਤੇ ਪੰਜਾਬ ਦੇ ਰਾਜ ਅਤੇ ਤਖਤ ਤੋਂ ਆਪਣਾ ਦਾਅਵਾ ਛੱਡ ਕੇ ਇੰਗਲੈਂਡ ਦੀ ਮਹਾਰਾਣੀ ਦੀ ਅਧੀਨਗੀ ਕਬੂਲ ਕਰ ਲਈ। ਹੈਨਰੀ ਮੀਅਰਜ਼ ਇਲੀਅਟ ਵੱਲੋਂ ਦਰਬਾਰ ਵਿੱਚ ਮਹਾਰਾਜੇ ਦੇ ਦਸਖਤਾਂ ਵਾਲਾ ਇਹ ਦਸਤਾਵੇਜ਼ ਉੱਚੀ ਅਵਾਜ਼ ਵਿੱਚ ਪੜ੍ਹ ਕੇ ਸੁਣਾਇਆ ਗਿਆ। ਇਸ ਦਸਤਾਵੇਜ਼ ਰਾਹੀਂ ਦੇਸ ਪੰਜਾਬ ਬ੍ਰਿਟਿਸ਼ ਰਾਜ ਦਾ ਹਿੱਸਾ ਬਣ ਗਿਆ ਸੀ। ਇਸਤੋਂ ਤੁਰੰਤ ਬਾਅਦ ਹੀ ਲਾਹੌਰ ਦੇ ਕਿਲ੍ਹੇ ਉੱਪਰੋਂ ਖਾਲਸਾਈ ਨਿਸ਼ਾਨ ਉਤਾਰ ਕੇ ਯੂਨੀਅਨ ਜੈਕ ਝੁਲਾ ਦਿੱਤਾ ਗਿਆ। ਅੰਗਰੇਜ਼ੀ ਮਿਲਟਰੀ ਬੈਂਡ ਵੱਲੋਂ ਜੇਤੂ ਅਤੇ ਜਸ਼ਨ ਵਾਲੀਆਂ ਧੁਨਾਂ ਵਜਾਈਆਂ ਗਈਆਂ ਅਤੇ ਕੁਝ ਦਿਨਾਂ ਬਾਅਦ ਹੀ ਬਾਲਕ ਮਹਾਰਾਜੇ ਨੂੰ ਇੰਗਲੈਂਡ ਭੇਜ ਦਿੱਤਾ ਗਿਆ।

ਜ਼ਿਕਰਯੋਗ ਹੈ ਕਿ ਮਹਾਰਾਜਾ ਰਣਜੀਤ ਸਿੰਘ ਦਾ ਰਾਜ, ਧਰਮ ਨਿਰਪੱਖਤਾ ਦੀ ਮਿਸਾਲ ਸੀ। ਜਿਸ ਵਿਚ ਹਿੰਦੂਆਂ ਅਤੇ ਮੁਸਲਮਾਨਾਂ ਨੂੰ ਉਨ੍ਹਾਂ ਦੀ ਯੋਗਤਾ ਦੇ ਆਧਾਰ ਤੇ ਉੱਚੀਆਂ ਪ੍ਰਸਾਸ਼ਨਕ ਪਦਵੀਆਂ ਹਾਸਲ ਸਨ।

ਅੰਗਰੇਜ਼ਾਂ ਦੇ ਅਧੀਨ ਆਉਂਦਿਆਂ ਹੀ, ਪੰਜਾਬੀ ਕੌਮ ਨੂੰ ਹਿੰਦੂਆਂ ਸਿੱਖਾਂ ਮੁਸਲਮਾਨਾਂ ਵਿਚ ਫਾੜਨ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ। ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਵਿਚ ਹਰ ਘਰ ਵਿਚ ਪੰਜਾਬੀ ਦੇ ਕਾਇਦੇ ਦਿੱਤੇ ਜਾਂਦੇ ਸਨ ਤਾਂ ਜੋ ਲੋਕ ਪੜ੍ਹਨ ਲਿਖਣ ਦੇ ਸਮਰੱਥ ਹੋ ਸਕਣ। ਅੰਗਰੇਜ਼ ਸਰਕਾਰ ਵੱਲੋਂ ਇਹ ਕਾਇਦੇ ਇੱਕਠੇ ਕਰਵਾ ਕੇ ਸੜਵਾ ਦਿੱਤੇ ਗਏ। ਇਤਿਹਾਸਕ ਗੁਰਦਵਾਰਿਆਂ ਦੇ ਪ੍ਰਬੰਧ ਨੂੰ ਡਿਪਟੀ ਕਮਿਸ਼ਨਰਾਂ ਅਤੇ ਪਿੱਠੂ ਮਹੰਤਾਂ ਦੇ ਅਧੀਨ ਕਰ ਦਿੱਤਾ ਗਿਆ। ਗੁਰਦਵਾਰਿਆਂ ਵਿਚ ਜਾਤਪਾਤ ਨੂੰ ਉਤਸ਼ਾਹਿਤ ਕੀਤਾ ਗਿਆ ਜਿਸ ਕਰਕੇ ਗੁਰਧਾਮਾਂ ਵਿਚ ਅਨੇਕਾਂ ਕੁਰੀਤੀਆਂ ਆ ਗਈਆਂ ਅਤੇ ਇਨ੍ਹਾਂ ਵਿਚ ਸੁਧਾਰ ਲਿਆਉਣ ਦੀ ਮਨਸ਼ਾ ਅਧੀਨ, ਜਨਤਕ ਮੂਵਮੈਂਟ ਸਦਕਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਹੌਂਦ ਵਿਚ ਆਈ।

ਹੁਣ ਵੀ ਸਾਡੀ ਬੋਲੀ ਅਤੇ ਇਤਹਾਸ ਵਿਚ ਵਿਗਾੜ ਪੈਦਾ ਕਰਨ ਦੇ ਯਤਨ ਹੋ ਰਹੇ ਹਨ - ਸਾਨੂੰ ਸੁਚੇਤ ਅਤੇ ਇਕ-ਮੁੱਠ ਰਹਿਣ ਦੀ ਜ਼ਰੂਰਤ ਹੈ।

ਅਮਨਜੀਤ ਸਿੰਘ ਖਹਿਰਾ

 

ਈਲਿੰਗ ਕੌਂਸਲ ਵੱਲੋਂ ਘੱਟ ਗਿਣਤੀ ਭਾਈਚਾਰੇ ਤੇ ਮਾਨਸਕ ਅਤੇ ਵਿੱਤੀ ਹਮਲਾ

ਸਾਊਥਾਲ 'ਚ ਕੌਂਸਲ ਵਲੋਂ ਜਾਇਦਾਦਾਂ ਦਾ ਸਹੀ ਮੁੱਲ ਨਾ ਦੇਣਾ ਘੱਟ ਗਿਣਤੀਆਂ ਨਾਲ ਧੱਕਾ-ਮੱਲ੍ਹੀ

ਲੰਡਨ, 28 ਮਾਰਚ ( ਖਹਿਰਾ )- ਪੀਬੌਡੀ ਨੂੰ ਲੰਡਨ ਬਾਰੋ ਆਫ ਈਲਿੰਗ ਦੇ ਨਾਲ ਸਾਂਝੇਦਾਰੀ 'ਚ ਸਾਊਥਾਲ ਦੇ ਕੇਂਦਰ 'ਦਿ ਗ੍ਰੀਨ' 'ਚ ਇਕ ਵੱਡੇ ਨਿਰਮਾਣ ਪ੍ਰੋਜੈਕਟ ਲਈ ਮਨਜ਼ੂਰੀ ਮਿਲ ਗਈ ਹੈ । ਈਲਿੰਗ ਕੌਂਸਲ ਨੇ ਕਿਸੇ ਕਾਰਨ ਕਰ ਕੇ ਮਿਲਨ ਪੈਲੇਸ ਅਤੇ ਮਦੀਨਾ ਡੇਅਰੀ ਦੇ ਮਾਲਕਾਂ ਨੂੰ ਪੀਬੌਡੀ ਦੇ ਨਾਲ ਆਪਣੀ ਸਾਂਝੇਦਾਰੀ 'ਚੋਂ ਬਾਹਰ ਰੱਖਿਆ ਹੈ । ਮਿਲਨ ਪੈਲੇਸ ਦੇ ਮਾਲਕ ਗੁਰਮੇਲ ਸਿੰਘ ਮੱਲ੍ਹੀ ਨੇ ਦੱਸਿਆ ਕਿ ਗ੍ਰੀਨ ਦੇ ਪੁਨਰ ਨਿਰਮਾਣ 'ਚ ਉਨ੍ਹਾਂ ਆਪਣੀ ਦਿਲਚਸਪੀ ਵਿਖਾਈ ਸੀ ਅਤੇ ਈਲਿੰਗ ਕੌਂਸਲ ਦੁਆਰਾ ਤਿਆਰ ਕੀਤੀ ਮਾਸਟਰ ਪਲਾਨ ਦੇ ਅਨੁਸਾਰ ਆਪਣੀ ਜ਼ਮੀਨ ਦੇ ਮੁੜ ਵਿਕਾਸ ਲਈ ਇਕ ਪ੍ਰੀ-ਐਪਲੀਕੇਸ਼ਨ ਪ੍ਰਸਤਾਵ ਪੇਸ਼ ਕੀਤਾ ਸੀ । ਪ੍ਰਭਾਵਿਤ ਜਾਇਦਾਦਾਂ ਜੋ ਪ੍ਰਸਤਾਵਿਤ ਪੁਨਰ-ਵਿਕਾਸ ਖੇਤਰ ਦੇ ਅੰਦਰ ਆਉਂਦੀਆਂ ਹਨ, ਹੁਣ ਉਨ੍ਹਾਂ ਨੂੰ ਹਾਸਲ ਕਰਨ ਲਈ ਸੀ.ਪੀ.ਓ. ਕੀਤੀਆਂ ਜਾਣੀਆਂ ਹਨ । ਗ੍ਰੀਨ ਅਤੇ ਇਸ ਦੇ ਆਲੇ ਦੁਆਲੇ ਦੇ ਖੇਤਰ ਦੇ ਪੁਨਰ ਨਿਰਮਾਣ ਦੇ ਸਬੰਧ 'ਚ ਖੇਤਰ ਦੇ ਸੰਪਤੀ ਮਾਲਕਾਂ ਨੇ 23 ਮਾਰਚ 2022 ਨੁੰ ਇਕ ਮੀਟਿੰਗ ਕੀਤੀ ਅਤੇ ਉਨ੍ਹਾਂ ਆਪਣੀਆਂ ਜਾਇਦਾਦਾਂ ਦੇ ਸੀ.ਪੀ.ਓ. ਕੀਤੇ ਜਾਣ 'ਤੇ ਨਿਰਾਸ਼ਾ ਪ੍ਰਗਟ ਕੀਤੀ ਹੈ । ਮੱਲ੍ਹੀ ਨੇ ਕਿਹਾ ਕਿ ਈਲਿੰਗ ਕੌਂਸਲ ਦੇ ਇਸ ਵਿਵਹਾਰ ਤੋਂ ਉਹ ਖੁਸ਼ ਨਹੀਂ ਹਨ, ਉਨ੍ਹਾਂ ਨਾਲ ਸਹੀ ਸਲੂਕ ਨਹੀਂ ਕੀਤਾ ਜਾ ਰਿਹਾ, ਜੋ ਘੱਟ ਗਿਣਤੀਆਂ ਨਾਲ ਧੱਕਾ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇਸ ਇਲਾਕੇ ਵਿਚ ਜ਼ਿਆਦਾਤਰ ਪਰਿਵਾਰਾਂ ਕੋਲ ਆਪਣੀਆਂ ਜਾਇਦਾਦਾਂ ਹਨ 30 ਸਾਲ ਤੋਂ ਵੱਧ ਸਮੇਂ ਦੇ ਉਹ ਇੱਥੇ ਬੈਠੇ ਹਨ ਜਾਦਾ ਕਾਰੋਬਾਰ ਛੋਟੇ ਪਰਿਵਾਰਾਂ ਦੁਆਰਾ ਚਲਾਏ ਜਾ ਰਹੇ ਹਨ । ਇਨ੍ਹਾਂ ਛੋਟੇ ਕਾਰੋਬਾਰੀ ਲੋਕਾਂ ਨੂੰ ਕੌਂਸਲ ਦੇ ਇਸ ਫ਼ੈਸਲੇ ਤੋਂ ਬਹੁਤ ਵੱਡਾ ਨੁਕਸਾਨ ਹੋ ਰਿਹਾ ਹੈ । ਕੌਂਸਲ ਵੱਲੋਂ ਇਨ੍ਹਾਂ ਸਾਰੀਆਂ ਗੱਲਾਂ ਨੂੰ ਅੱਖੋਂ ਪਰੋਖੇ ਕੀਤਾ ਗਿਆ ਹੈ । ਸਥਾਨਕ ਵਾਸੀ ਲੋਕਾਂ ਦਾ ਕਹਿਣਾ ਹੈ ਕਿ ਕੌਂਸਲ ਵੱਲੋਂ ਇਸ ਫ਼ੈਸਲੇ ਨਾਲ ਉਹ ਸਮਝਦੇ ਹਨ ਕਿ 60 ਦੇ ਦਹਾਕੇ ਵਾਂਗ ਅੱਜ ਵੀ ਏਸ਼ੀਅਨ ਅਤੇ ਘੱਟਗਿਣਤੀ ਲੋਕਾਂ ਨਾਲ ਵਿਤਕਰੇ ਦੀ ਭਾਵਨਾ ਉਸੇ ਤਰ੍ਹਾਂ ਹੀ ਕਾਇਮ ਹੈ ।

ਸਿੱਖਾਂ ਬਾਰੇ ਗਲਤ ਬਿਆਨਬਾਜ਼ੀ ਨੂੰ ਲੈ ਕੇ ਬਰਤਾਨੀਆ ਦੀ ਸੰਸਦ 'ਚ ਢੇਸੀ ਨੇ ਉਠਾਈ ਅਵਾਜ਼

ਨਵੰਬਰ 2021 ਚ ਬਰਤਾਨੀਆ ਦੀ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਨੇ ਸਿੱਖਾਂ ਖ਼ਿਲਾਫ਼ ਕੀਤੀ ਸੀ ਬੇਤੁਕੀ ਬਿਆਨਬਾਜ਼ੀ  

ਬਰਤਾਨੀਆ ਦੀਆਂ ਬਹੁਗਿਣਤੀ ਸਿੱਖ ਸੰਸਥਾਵਾਂ ਅਤੇ ਸਿੱਖ ਕਰ ਰਹੇ ਹਨ ਬਰਤਾਨੀਆਂ ਦੇ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਦੀ ਬਰਖਾਸਤਗੀ ਦੀ ਮੰਗ  

ਲੰਡਨ, 25 ਮਾਰਚ ( ਖਹਿਰਾ )-ਬਰਤਾਨੀਆਂ ਦੀ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਵਲੋਂ ਪਿਛਲੇ ਸਾਲ ਅਮਰੀਕਾ ਵਿਚ ਸਿੱਖਾਂ ਬਾਰੇ ਕੀਤੀ ਗਲਤ ਬਿਆਨਬਾਜ਼ੀ ਦਾ ਮਾਮਲਾ ਹੁਣ ਬਰਤਾਨੀਆਂ ਦੀ ਸੰਸਦ ਤੱਕ ਵੀ ਪਹੁੰਚ ਗਿਆ ਹੈ । ਬਰਤਾਨੀਆ ਦੀ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਨੇ ਨਵੰਬਰ 2021 'ਚ ਅਮਰੀਕੀ ਸਮਾਗਮ ਦੌਰਾਨ ਅੱਤਵਾਦ ਦੇ ਵਿਸ਼ੇ 'ਤੇ ਬੋਲਦਿਆਂ ਸਿੱਖ ਭਾਈਚਾਰੇ ਬਾਰੇ ਦਿੱਤੇ ਭੜਕਾਊ ਬਿਆਨ ਬਾਰੇ ਬੋਲਦਿਆਂ ਐਮ. ਪੀ. ਤਨਮਨਜੀਤ ਸਿੰਘ ਢੇਸੀ ਨੇ ਕਿਹਾ ਕਿ ਉਕਤ ਮਾਮਲੇ 'ਚ ਸਿੱਖਾਂ ਨੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਤੋਂ ਗ੍ਰਹਿ ਮੰਤਰੀ ਨੂੰ ਅਹੁਦੇ ਤੋਂ ਬਰਖਾਸਤ ਕਰਨ ਦੀ ਮੰਗ ਕਰਦੇ 200 ਤੋਂ ਵੱਧ ਬਰਤਾਨਵੀ ਸਿੱਖ ਸੰਸਥਾਵਾਂ ਨੇ ਪੱਤਰ ਲਿਖਿਆ ਸੀ ਜਿਸ ਦਾ ਕੋਈ ਜਵਾਬ ਨਹੀਂ ਦਿੱਤਾ । ਐਮ.ਪੀ. ਢੇਸੀ ਨੇ ਸਪੀਕਰ ਲਿੰਡਸੇਅ ਹੋਲੇ ਨੂੰ ਪੁੱਛਿਆ ਕਿ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਵਲੋਂ ਇਕ ਬਿਆਨ ਜਾਰੀ ਕਰਨ ਨੂੰ ਯਕੀਨੀ ਬਣਾਉਣ ਲਈ ਉਹ ਕੀ ਕਰ ਸਕਦੇ ਹਨ? ਜਿਸ ਦੇ ਜਵਾਬ ਵਿਚ ਸਪੀਕਰ ਨੇ ਕਿਹਾ ਕਿ ਭਾਵੇਂ ਇਹ ਮਮਲਾ ਉਨ੍ਹਾਂ ਦੇ ਅਧੀਨ ਦਾ ਨਹੀਂ ਹੈ ਪਰ ਉਨ੍ਹਾਂ ਵਲੋਂ ਵਰਤੀ ਗਈ ਭਾਸ਼ਾ ਬਾਰੇ ਚਿੰਤਾ ਪ੍ਰਗਟ ਕੀਤੀ । ਉਨ੍ਹਾਂ ਕਿਹਾ ਕਿ ਇਸ ਦਾ ਜਵਾਬ ਦੇਣਾ ਚਾਹੀਦਾ ਹੈ ਜੇ ਫਿਰ ਵੀ ਜਵਾਬ ਨਾ ਦਿੱਤਾ ਤਾਂ ਮੈਨੂੰ ਪਤਾ ਹੈ ਕਿ ਐਮ ਪੀ ਢੇਸੀ ਖਹਿੜਾ ਨਹੀਂ ਛੱਡਣਗੇ । ਜਿੱਥੇ ਤਨਮਨਜੀਤ ਸਿੰਘ ਢੇਸੀ ਨੇ ਇਕ ਵਧੀਆ ਸਟੈੱਪ ਲੈਂਦਿਆਂ ਡੈਮੋਕਰੇਟ ਤਰੀਕੇ ਦੇ ਨਾਲ ਇਸ ਗੱਲ ਨੂੰ ਬਰਤਾਨੀਆ ਬਰਤਾਨੀਆ ਦੀ ਪਾਰਲੀਮੈਂਟ ਵਿੱਚ ਸਪੀਕਰ ਦੇ ਸਾਹਮਣੇ ਰੱਖਿਆ ਉਹ ਇਕ ਸ਼ਲਾਘਾਯੋਗ ਉਪਰਾਲਾ ਹੈ । ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਸਮੁੱਚੇ ਬਰਤਾਨੀਆ ਵਿਚ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਦਾ ਸਿੱਖਾਂ ਪ੍ਰਤੀ ਰਵੱਈਆ ਸਿੱਖ ਖੇਮਿਆਂ ਦੇ ਵਿੱਚ ਬਹੁਤ ਹੀ ਵੱਡੀ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਅਤੇ ਬਹੁਤਾਤ ਸਿੱਖ ਗ੍ਰਹਿ ਮੰਤਰੀ ਦੀ ਬਰਖਾਸਤੀ ਦੀ ਮੰਗ ਕਰ ਰਹੇ ਹਨ । 

ਸਿੱਖ ਸਕੂਲੀ ਲੜਕਿਆਂ 'ਤੇ ਨਫ਼ਰਤੀ ਅਪਰਾਧ ਤੋਂ ਬਾਅਦ ਬਰਤਾਨੀਆ ਵਿਚ ਵੱਸਦਾ ਸਿੱਖ ਭਾਈਚਾਰਾ ਭਾਰੀ ਗੁੱਸੇ ਚ  

ਇੰਗਲੈਂਡ ਦੇ ਸ਼ਹਿਰ ਲਿਸਟਰ ਵਿਖੇ ਦੋ ਸਿੱਖ ਨੌਜਵਾਨਾਂ ਦੀ ਬਹੁਤ ਹੀ ਦਰਦਨਾਕ ਕੁੱਟ ਦਾ ਮਾਮਲਾ ਸਾਹਮਣੇ ਆਇਆ  

ਸਿੱਖ ਯੂਥ ਯੂਕੇ ਵੱਲੋਂ ਸਿੱਖ ਨੌਜਵਾਨਾਂ ਦੀ ਮਦਦ ਲਈ ਸ੍ਰੀ ਗੁਰੂ ਤੇਗ ਬਹਾਦਰ ਗੁਰਦੁਆਰਾ ਸਾਹਿਬ ਲਿਸਟਰ ਵਿਖੇ  ਮੀਟਿੰਗ ਬੁਲਾਈ 

ਲੈਸਟਰ, 25 ਮਾਰਚ  (ਖਹਿਰਾ) ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਬਰਤਾਨੀਆ ਵਿੱਚ ਵਸਦੇ ਸਿੱਖ ਭਾਈਚਾਰੇ ਵਿਚ ਗੁੱਸੇ ਦੀ ਲਹਿਰ , ਵੀਡੀਓ ਵਿਚ ਦੋ ਸਿੱਖ ਸਕੂਲੀ ਬੱਚਿਆਂ 'ਤੇ ਦੂਜੇ ਵਿਦਿਆਰਥੀਆਂ ਦੁਆਰਾ ਭਿਆਨਕ ਹਮਲਾ ਘਰ ਕੁੱਟਮਾਰ ਕੀਤੀ ਗਈ ਐ ਦਸਤਾਰਾਂ ਉਤਾਰੀਆਂ ਗਈਆਂ  ਜੋ ਕਿ ਨਾ ਦੇਖਣ ਯੋਗ ਅਤੇ ਨਾ ਸਹਾਰਨਯੋਗ ਸਨ ।  ਵੀਡੀਓ ਵਿੱਚ ਦੋ ਸਿੱਖ ਦਿਖਾਈ ਦੇ ਰਹੇ ਹਨ - ਜਿਨ੍ਹਾਂ ਨੇ ਦਸਤਾਰ ਪਹਿਨੀ ਹੋਈ ਸੀ - ਵਿਦਿਆਰਥੀਆਂ ਦਾ ਇੱਕ ਸਮੂਹ ਉਹਨਾਂ ਦੇ ਮਗਰ ਜਾ ਰਿਹਾ ਸੀ। ਕੁਝ ਪਲਾਂ ਬਾਅਦ ਵਿਦਿਆਰਥੀਆਂ ਨੂੰ ਇੱਕ ਵਿਦਿਆਰਥੀ ਦੇ ਸਿਰ ਤੋਂ ਜ਼ੋਰ ਨਾਲ ਦਸਤਾਰ ਖਿੱਚਦੇ ਦੇਖਿਆ ਗਿਆ । ਉਸ ਤੋਂ ਬਾਅਦ ਬਹੁਤਾਤ ਲੋਕਾਂ ਨੇ ਗੈਂਗ ਨੇ ਹਮਲਾ ਕਰ ਦਿੱਤਾ  ਕੁੱਟਮਾਰ ਕੀਤੀ ਅਤੇ ਦਸਤਾਰ ਨੂੰ ਨਿਸ਼ਾਨਾ ਬਣਾਉਂਦਿਆਂ ਗਾਲੀ ਗਲੋਚ ਵੀ ਕੀਤਾ ।
ਉਸ ਤੋਂ ਬਾਅਦ ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਉੱਪਰ ਸਿੱਖਾਂ ਦੀ ਦਸਤਾਰ ਨੂੰ ਲੈ ਕੇ ਇਕ ਮਾੜੀ ਸ਼ਬਦਾਵਲੀ ਵਾਲੀ ਪੋਸਟ ਵੀ ਸਾਂਝੀ ਹੋਈ  । ਹਮਲੇ ਤੋਂ ਬਾਅਦ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਜਾਂਚ ਜਾਰੀ ਰਹਿਣ ਦੌਰਾਨ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ ਹੈ। ਇਹ ਘਟਨਾ ਸ਼ੁੱਕਰਵਾਰ, 18 ਮਾਰਚ ਨੂੰ ਇਵਿੰਗਟਨ ਦੇ ਮੈਰੀਡੇਨ ਡਰਾਈਵ ਵਿੱਚ ਜੱਜਮੇਡੋ ਕਮਿਊਨਿਟੀ ਕਾਲਜ ਦੇ ਬਾਹਰ ਵਾਪਰੀ। ਈਸਟ ਲੈਸਟਰ ਪੁਲਿਸ ਕਮਾਂਡਰ, ਇੰਸਪੈਕਟਰ ਯਾਕੂਬ ਇਸਮਾਈਲ ਨੇ ਕਿਹਾ: “ਅਸੀਂ ਇਸ ਘਟਨਾ ਦੀ ਜਾਂਚ ਕਰ ਰਹੇ ਹਾਂ, ਜਿਸ ਨੂੰ ਮੈਂ ਰਿਪੋਰਟ ਕੀਤੇ ਹਾਲਾਤਾਂ ਦੇ ਕਾਰਨ ਨਫ਼ਰਤ ਅਪਰਾਧ ਵਜੋਂ ਸ਼੍ਰੇਣੀਬੱਧ ਕੀਤਾ ਹੈ।
“ਸਾਡਾ ਸਿੱਖ ਪੁਲਿਸ ਨੈਟਵਰਕ ਪੁਲਿਸ ਅਤੇ ਸਥਾਨਕ ਭਾਈਚਾਰੇ ਦੋਵਾਂ ਦੀ ਸਹਾਇਤਾ ਲਈ ਸਰਗਰਮੀ ਨਾਲ ਰੁੱਝਿਆ ਹੋਇਆ ਹੈ। ਅਸੀਂ ਲੈਸਟਰ ਸਿਟੀ ਕੌਂਸਲ ਅਤੇ ਸਕੂਲ ਵਿੱਚ ਪਰਿਵਾਰ, ਭਾਈਚਾਰਿਆਂ ਅਤੇ ਆਪਣੇ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰ ਕਰ ਰਹੇ ਹਾਂ । "ਮੈਂ ਜਾਣਦਾ ਹਾਂ ਕਿ ਸੋਸ਼ਲ ਮੀਡੀਆ 'ਤੇ ਘਟਨਾ ਬਾਰੇ ਟਿੱਪਣੀਆਂ ਦੇ ਨਾਲ ਕਈ ਵੀਡੀਓ ਪੋਸਟ ਕੀਤੇ ਗਏ ਹਨ। ਮੈਂ ਤੁਹਾਨੂੰ ਭਰੋਸਾ ਦਿਵਾਉਣਾ ਚਾਹਾਂਗਾ, ਈਸਟ ਲੈਸਟਰ ਵਿਖੇ ਪੁਲਿਸ ਟੀਮ ਇਸ ਘਟਨਾ ਨੂੰ ਪਹਿਲ ਦੇ ਤੌਰ 'ਤੇ ਦੇਖ ਰਹੀ ਹੈ। ਇਸ ਤੋਂ ਬਾਅਦ  ਸਿੱਖ ਯੂਥ ਯੂਕੇ ਨੇ ਇਸ ਔਖੀ ਘੜੀ ਵਿੱਚ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਮਦਦ ਕੀਤੀ ਹੈ ਅਤੇ ਇਸ ਸਬੰਧੀ 21 ਮਾਰਚ ਨੂੰ ਗੁਰੂ ਤੇਗ ਬਹਾਦਰ ਗੁਰਦੁਆਰਾ ਸਾਹਿਬ ਵਿਖੇ ਮੀਟਿੰਗ ਵੀ ਕੀਤੀ ਗਈ। ਇਲਾਕੇ ਵਿਚ ਸਿੱਖਾਂ 'ਤੇ ਹੋ ਰਹੇ ਨਸਲੀ ਹਮਲਿਆਂ ਬਾਰੇ ਸਿੱਖ ਭਾਈਚਾਰੇ ਨੇ ਇਕੱਠੇ ਹੋ ਕੇ ਵਿਚਾਰ-ਵਟਾਂਦਰਾ ਕੀਤਾ, ਜਿਸ ਵਿਚ ਪੁਲਿਸ ਅਤੇ ਸਕੂਲ ਦੇ ਮੈਂਬਰ ਵੀ ਸ਼ਾਮਲ ਹੋਏ ਅਤੇ ਉਨ੍ਹਾਂ ਨੇ ਭਰੋਸਾ ਦਿਵਾਇਆ ਕਿ ਧਾਰਮਿਕ ਤੌਰ 'ਤੇ ਪ੍ਰੇਰਿਤ ਹਮਲਿਆਂ ਨੂੰ ਗੰਭੀਰਤਾ ਨਾਲ ਲਿਆ ਜਾਵੇਗਾ। ਸਿੱਖ ਯੂਥ ਯੂਕੇ ਤੋਂ ਦੀਪਾ ਸਿੰਘ ਨੇ ਕਿਹਾ: “ਇਸ ਦੇ ਵਾਪਰਨ ਤੋਂ ਬਾਅਦ ਸਾਨੂੰ ਪਰਿਵਾਰ ਦੁਆਰਾ ਸੰਪਰਕ ਕੀਤਾ ਗਿਆ ਸੀ ਅਤੇ ਇਸ ਨੂੰ ਹੱਲ ਕਰਨ ਵਿੱਚ ਮਦਦ ਕਰਨ ਲਈ ਉਸ ਇਲਾਕੇ ਦੇ ਆਪਣੇ ਸਾਰੇ ਸਥਾਨਕ ਵਲੰਟੀਅਰਾਂ ਅਤੇ ਗੁਰਦੁਆਰਾ ਆਗੂਆਂ ਨਾਲ ਬੈਠਕ ਕੀਤੀ ਗਈ ਸੀ।
“ਸਿੱਖ-ਮੁਸਲਿਮ ਮੁੱਦੇ ਕਈ ਸਾਲਾਂ ਤੋਂ ਚੱਲ ਰਹੇ ਹਨ ਅਤੇ ਅਸੀਂ ਉਨ੍ਹਾਂ ਨੂੰ ਇੱਕ ਭਾਈਚਾਰੇ ਵਜੋਂ ਸੰਬੋਧਿਤ ਕਰਦੇ ਆ ਰਹੇ ਹਾਂ। ਅਸੀਂ ਖੜ੍ਹੇ ਹੋ ਕੇ ਇਕਜੁੱਟ ਹੋਣਾ ਸ਼ੁਰੂ ਕਰ ਰਹੇ ਹਾਂ, ਇਹ ਇਕੱਲੀ ਘਟਨਾ ਨਹੀਂ ਹੈ। ਸਿੱਖ ਔਰਤਾਂ ਦਾ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ ਅਤੇ ਨੌਜਵਾਨ ਸਿੱਖ ਲੜਕਿਆਂ ਨੂੰ ਉਸ ਵਿਸ਼ਵਾਸ ਕਾਰਨ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ ਜਿਸ ਨਾਲ ਅਸੀਂ ਸਬੰਧਤ ਹਾਂ, ਅਤੇ ਇੱਕ ਭਾਈਚਾਰਕ ਸਮੂਹ ਵਜੋਂ ਅਸੀਂ ਪੀੜਤ ਪਰਿਵਾਰਾਂ ਦੀ ਸਹਾਇਤਾ ਕਰਨਾ ਜਾਰੀ ਰੱਖਾਂਗੇ, ਅਤੇ ਇਸ ਬਾਰੇ ਜਾਗਰੂਕਤਾ ਪੈਦਾ ਕਰਨ ਵਿੱਚ ਮਦਦ ਕਰਨਾ ਜਾਰੀ ਰੱਖਾਂਗੇ ਕਿਉਂਕਿ ਇਹ ਜ਼ਰੂਰੀ ਹੈ ਕਿ ਹਰ ਕੋਈ ਇਸ ਬਾਰੇ ਜਾਣੇ ਕਿ ਇਹ ਗੱਲ ਕਿੰਨੀ ਗੰਭੀਰ ਹੈ ।
"ਸਿੱਖਾਂ ਨੂੰ ਉਨ੍ਹਾਂ ਦੇ ਲਿਬਾਸ ਕਾਰਨ ਨਿਸ਼ਾਨਾ ਬਣਾਉਣ ਲਈ ਨਸਲੀ ਅਤੇ ਧਾਰਮਿਕ ਤੌਰ 'ਤੇ ਪ੍ਰੇਰਿਤ ਨਫ਼ਰਤੀ ਅਪਰਾਧਾਂ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਅਤੇ ਇੱਕ ਭਾਈਚਾਰੇ ਵਜੋਂ ਸਕਾਰਾਤਮਕ ਤਬਦੀਲੀਆਂ ਕਰਨ ਵਿੱਚ ਮਦਦ ਕਰਨ ਲਈ ਇੱਕ ਸਾਂਝਾ ਯਤਨ ਕੀਤਾ ਜਾ ਰਿਹਾ ਹੈ ।" ਗੁਰੂ ਤੇਗ ਬਹਾਦਰ ਗੁਰਦੁਆਰੇ ਦੇ ਪ੍ਰਧਾਨ ਰਾਜ ਮਨਵਿੰਦਰ ਸਿੰਘ ਨੇ ਦੱਸਿਆ ਕਿ ਮੀਟਿੰਗ ਦੌਰਾਨ ਮਾਪਿਆਂ ਤੋਂ ਮੁਆਫ਼ੀ ਮੰਗੀ ਗਈ। ਉਸਨੇ ਕਿਹਾ: “ਪ੍ਰਿੰਸੀਪਲ ਨੇ ਮੁਆਫੀ ਮੰਗੀ ਪਰ ਸਾਡੇ ਕੋਲ ਪਹਿਲਾਂ ਹੀ ਹੋਰ ਘਟਨਾਵਾਂ ਹੋ ਚੁੱਕੀਆਂ ਹਨ ਅਤੇ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਅੱਜ ਵੀ ਜਾਰੀ ਹਨ । "ਮੈਨੂੰ ਲਗਦਾ ਹੈ ਕਿ ਸਕੂਲ ਇਹਨਾਂ ਸਥਿਤੀਆਂ ਨਾਲ ਨਜਿੱਠਣ ਵਿੱਚ ਅਸਫਲ ਹੋ ਰਿਹਾ ਹੈ।"
ਸਾਡੇ ਪ੍ਰਤੀਨਿਧ  ਨੇ ਦੋ ਸਕੂਲੀ ਲੜਕਿਆਂ ਦੇ ਪਿਤਾ ਨਾਲ ਵਿਸ਼ੇਸ਼ ਤੌਰ 'ਤੇ ਗੱਲ ਕੀਤੀ। ਉਸਨੇ ਕਿਹਾ: ਮੈਂ ਸਿੱਖ ਯੂਥ ਯੂਕੇ ਦੇ ਪੂਰਨ ਸਮਰਥਨ ਲਈ ਬਹੁਤ ਧੰਨਵਾਦੀ ਹਾਂ ਜਿਨ੍ਹਾਂ ਨੇ ਆ ਕੇ ਸਾਨੂੰ ਭਰੋਸਾ ਦਿਵਾਇਆ। ਮੈਂ ਸਾਰੇ ਸਥਾਨਕ ਲੈਸਟਰ ਗੁਰਦੁਆਰਾ ਮੈਂਬਰਾਂ ਅਤੇ ਸਥਾਨਕ ਸਿੱਖ ਭਾਈਚਾਰੇ ਦਾ ਵੀ ਧੰਨਵਾਦੀ ਹਾਂ ਜੋ ਇਸ ਔਖੀ ਘੜੀ ਵਿੱਚ ਮੇਰੇ ਅਤੇ ਮੇਰੇ ਪਰਿਵਾਰ ਦੇ ਨਾਲ ਖੜੇ ਹਨ।" ਸਿੱਖ ਭਾਈਚਾਰੇ ਦੇ ਮੈਂਬਰਾਂ ਨੇ ਵੀ ਗੁੱਸੇ ਵਿੱਚ ਪ੍ਰਤੀਕਿਰਿਆ ਦਿੱਤੀ, ਕੁਝ ਆਪਣੇ ਵਿਚਾਰ ਪ੍ਰਗਟ ਕਰਨ ਲਈ ਸੋਸ਼ਲ ਮੀਡੀਆ 'ਤੇ ਵੀ ਸਾਹਮਣੇ ਆਏ । ਜਿਸ ਵਿੱਚ ਇਕ ਵਿਅਕਤੀ ਨੇ ਕਿਹਾ: “ਮਾੜੀ ਪਰਵਰਿਸ਼। ਪਰਿਵਾਰ ਆਪਣੇ ਬੱਚਿਆਂ ਨੂੰ ਨਹੀਂ ਸਿਖਾ ਸਕਦੇ ਕਿ ਕਿਵੇਂ ਵਿਹਾਰ ਕਰਨਾ ਹੈ, ਉਹ ਦਿਨ ਲੰਘ ਗਏ ਜਦੋਂ ਮਾਪਿਆਂ ਦਾ ਬੱਚਿਆਂ 'ਤੇ ਕੰਟਰੋਲ ਸੀ। ਉਮੀਦ ਹੈ ਸਿੰਘ ਠੀਕ ਹੋਣਗੇ। ਸਾਡੇ ਸਿੰਘ ਨੂੰ ਮਾਰਸ਼ਲ ਆਰਟਸ ਸਿੱਖਣ ਦੀ ਅਤਿ ਜ਼ਰੂਰਤ ਹੈ । ਇਹ ਜਵਾਬ ਨਹੀਂ ਹੈ ਪਰ ਇਹ ਸਾਡੇ ਬੱਚਿਅਾਂ ਦੀ ਸਹਾੲਿਤਾ ਜ਼ਰੂਰ ਕਰ ਸਕਦਾ ਹੈ ।
ਹੋਰ ਵੀ ਬਹੁਤ ਸਾਰੀਆਂ ਟਿੱਪਣੀਆਂ ਸਿੱਖ ਭਾਈਚਾਰੇ ਵਿਚੋਂ ਆਈਆਂ  ਪਰ ਸਿੱਖਾਂ ਵਿਚ ਇਕਜੁੱਟਤਾ ਹੋਣੀ ਬਹੁਤ ਜ਼ਰੂਰੀ ਹੈ ਜੇਕਰ ਇਕਜੁੱਟਤਾ ਨਹੀਂ ਤਾਂ ਇਸ ਤਰ੍ਹਾਂ ਦੇ ਮਸਲਿਆਂ ਵਿੱਚ ਸਾਡੀ ਆਵਾਜ਼ ਨੂੰ ਅਣਗੌਲਿਆਂ ਕਰ ਦਿੱਤਾ ਜਾਵੇਗਾ । ਜੋ ਪਿਛਲੇ ਲੰਮੇ ਸਮੇਂ ਤੋਂ ਦੇਖਣ ਨੂੰ ਮਿਲ ਰਿਹਾ ।

MENTAL & FINANCIAL ATTACK ON BAME COMMUNITIES IN SOUTHALL

Southall/London, 25 March (Khaira) You will be aware that Peabody in partnership with London Borough of Ealing has received planning approval for a major regeneration project, “The Green”, at the heart of Southall. Ealing Council for some reason, only known to them, has excluded the owners of The Milan Palace and Medina Dairy in their partnership with Peabody in the redevelopment of The Green, when owners had registered their interest and had submitted a pre-application proposal to redevelop their land in accordance with the master plan Ealing Council had developed at the time.  The affected properties which fall within the proposed redevelopment area have now been served with CPO to acquire their land and interests in order to facilitate the redevelopment to The Green and its surrounding area.  The owners held a meeting on Tuesday 23.03.22 to discuss and share their frustrations as a result of the CPO looming over them. They are angry and not very happy with Ealing Council. They feel they have not been treated fairly. Their offer is far below than the Market value.   The council has failed to appreciate that most of the owners have had ownership of their properties for many years, some of them have been there well over 30 years. Most businesses are small family run businesses, they even have their children working in these businesses and planning for them to take over the businesses.  The Council does not realize the magnitude of the impact all this having on owners, it has created an environment of uncertainty which is affecting their health and general wellbeing.   In addition to above, there is financial loss the council fail to recognise. Since 2017 and with threat of CPO hanging over them, they have been unable to invest in their business, unable to raise finance against their properties. The businesses are basically suffering financially.   The bottom line is, Ealing Council appeared to have ignored the social and economic impact of the CPO on property and business owners of the Green  This shouldn’t be the case and now they are hurt being treat in this manner, almost like 2nd class citizens. This situation has brought back memories of the time they moved to Southall in the 60s and had to face blatant racism and 60years on they feel the situation remains the same and are being marginalised or is it because they are from Black, Asian & Minority Ethnic (BAME) Communities.  

Information given by 25nd March 2022 Mr.G.S.Malhi Office Mob.07425701375 

ਯੂ ਕੇ ਦੇ ਸ਼ਹਿਰ ਲੀਡਜ਼ ਦੇ ਦੋ ਜੁੜਵਾ ਸਿੱਖ ਭਰਾਵਾਂ ਨੇ ਨਵਾਂ ਇਤਿਹਾਸ ਰਚਿਆ  

ਲੰਡਨ , 22 ਮਾਰਚ  (ਖੈਹਿਰਾ ) ਜੌੜੇ ਭਰਾ ਜਰਨੈਲ ਸਿੰਘ ਗਿੱਲ ਅਤੇ ਜਬਰਜੰਗ ਸਿੰਘ ਗਿੱਲ ਮੁਏ ਥਾਈ ਮੁੱਕੇਬਾਜ਼ੀ ਦੀ ਦੁਨੀਆ ਵਿੱਚ ਇਤਿਹਾਸ ਰਚ ਰਹੇ ਹਨ। ਉਹ ਚੈਂਪੀਅਨ ਬਣਨ ਵਾਲੇ ਪਹਿਲੇ ਸਿੱਖ ਹਨ ਅਤੇ ਉਹ ਸਿਰਫ਼ 13 ਸਾਲ ਦੇ ਹਨ ! ਲੀਡਜ਼, ਇੰਗਲੈਂਡ ਦੇ ਭਰਾਵਾਂ ਨੇ ਮੁੰਬਈ, ਭਾਰਤ ਵਿੱਚ ਹਾਲ ਹੀ ਵਿੱਚ ਹੋਈ ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਫੈਡਰੇਸ਼ਨ (IBF) ਮੁਏ ਥਾਈ ਚੈਂਪੀਅਨਸ਼ਿਪ ਵਿੱਚ ਆਪੋ-ਆਪਣੇ ਵਰਗਾਂ ਵਿੱਚ ਜਿੱਤ ਪ੍ਰਾਪਤ ਕੀਤੀ। ਜਰਨੈਲ ਸਿੰਘ ਗਿੱਲ ਨੂੰ ਲਾਈਟਵੇਟ ਵਰਗ ਵਿੱਚ ਨਵੇਂ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਦਾ ਤਾਜ ਬਣਾਇਆ ਗਿਆ ਜਦੋਂ ਕਿ ਜਬਰਜੰਗ ਸਿੰਘ ਗਿੱਲ ਨੇ ਅੰਡਰ-16 ਬੈਂਟਮਵੇਟ ਵਿੱਚ ਜਿੱਤ ਦਰਜ ਕੀਤੀ। ਦੋਨੋਂ ਜੁੜਵੇਂ ਭਰਾਵਾਂ ਨੇ 19 ਫਰਵਰੀ ਨੂੰ ਮੁੰਬਈ ਮੁਕਾਬਲੇ ਵਿੱਚ ਉੱਚ ਦਰਜੇ ਦੇ ਲੜਾਕਿਆਂ ਦੇ ਖਿਲਾਫ ਆਪਣੀ ਲੜਾਈ ਦੇ ਪਹਿਲੇ ਗੇੜ ਵਿੱਚ KO ਸਟਾਪੇਜ ਦੇ ਨਾਲ ਸਟਾਈਲ ਵਿੱਚ ਜਿੱਤ ਪ੍ਰਾਪਤ ਕੀਤੀ। “ਉਹ 6 ਸਾਲ ਦੀ ਉਮਰ ਵਿੱਚ 2014 ਤੋਂ ਸਿਖਲਾਈ ਲੈ ਰਹੇ ਹਨ,” ਗੁਰਰਾਜ ਸਿੰਘ ਗਿੱਲ, ਜੋ ਉਨ੍ਹਾਂ ਦੇ ਪਿਤਾ ਇੱਕ ਦੌੜਾਕ ਵੀ ਹਨ। ਉਹ ਇੰਗਲੈਂਡ ਦੇ ਸ਼ਹਿਰ  ਲੀਡਜ਼-ਅਧਾਰਤ ਉਸਾਰੀ ਦੀ ਕੰਪਨੀ ਚਲਾਉਂਦੇ ਹਨ ਉੁਨ੍ਹਾਂ ਜਨ ਸ਼ਕਤੀ ਨਿਊਜ਼ ਤੂੰ ਜਾਣਕਾਰੀ ਦਿੰਦੇ ਦੱਸਿਆ ਕੇ ਉਨ੍ਹਾਂ ਦੇ ਬੇਟੇ ਆਪਣੇ ਵਜ਼ਨ ਦੇ ਕਾਰਨ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਲੜਦੇ ਹਨ।

ਜਬਰਜੰਗ (ਖੱਬੇ) ਅਤੇ ਜਰਨੈਲ 19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤਣ ਤੋਂ ਬਾਅਦ। ਵਿਚਕਾਰ ਵਿੱਚ ਮੈਡੀਕਲ ਸਟਾਫ ਮੁਖੀ ਬੇਰੇਨਿਸ ਬੇਸੌਫ - (ਫੋਟੋ )

ਟਵਿਨ ਸਟਾਲੀਅਨਜ਼  ਦੋਵੇਂ ਭਰਾ 2019 ਵਿੱਚ ਜਰਮਨੀ ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਟੀਮ ਗ੍ਰੇਟ ਬ੍ਰਿਟੇਨ ਲਈ ਸੋਨ ਤਗਮੇ ਜਿੱਤਣ ਵਾਲੇ ਵੀ ਹਨ। ਇਹ ਇੱਕ ਤਿੰਨ ਦਿਨ ਦਾ ਟੂਰਨਾਮੈਂਟ ਸੀ ਜਿੱਥੇ ਉਨ੍ਹਾਂ ਨੇ ਦੁਨੀਆ ਭਰ ਦੇ ਪ੍ਰਤੀਯੋਗੀਆਂ ਨਾਲ 6 ਤੋਂ ਵੱਧ ਲੜਾਈਆਂ ਲੜੀਆਂ ਅਤੇ ਦੋਵੇਂ ਭਰਾ ਜਿੱਤੇ। ਵਿਸ਼ਵ ਕਿੱਕਬਾਕਸਿੰਗ ਅਤੇ ਕਰਾਟੇ ਯੂਨੀਅਨ (WKU) ਵਿਸ਼ਵ ਕੱਪ 2019 ਵਿੱਚ ਆਇਰਲੈਂਡ ਵਿੱਚ। ਉਹ ਮੌਜੂਦਾ WFMC ਵਿਸ਼ਵ ਮੁਏ ਥਾਈ ਮੁੱਕੇਬਾਜ਼ੀ ਚੈਂਪੀਅਨ ਹਨ। WFMC ਦਾ ਅਰਥ ਹੈ ਵਰਲਡ ਫਾਈਟ ਸਪੋਰਟਸ ਅਤੇ ਮਾਰਸ਼ਲ ਆਰਟਸ ਕੌਂਸਲ। ਮਾਸਟਰ ਕਰੂ ਜੋਮਪੌਪ ਦੇ ਅਧੀਨ ਕਿਆਟਫੋਂਟਿਪ ਜਿਮ ਵਿੱਚ ਜਰਨੈਲ ਅਤੇ ਜਬਰਜੰਗ ਟ੍ਰੇਨਿੰਗ ਕਰਦੇ ਹਨ, ਜੋ ਪਹਿਲਾਂ ਰਾਜਾਦਮਨੇਰਨ ਸਟੇਡੀਅਮ, ਥਾਈਲੈਂਡ ਵਿੱਚ ਨੰਬਰ ਇੱਕ ਸੀ ਅਤੇ ਇੱਕ ਸਾਬਕਾ ਦੱਖਣੀ ਥਾਈਲੈਂਡ ਚੈਂਪੀਅਨ ਦੇ ਨਾਲ-ਨਾਲ ਰੋਬਿਨ ਰੀਡ, ਇੱਕ ਸਾਬਕਾ WBC ਅਤੇ IBO ਵਰਲਡ ਸੁਪਰ ਮਿਡਲਵੇਟ ਮੁੱਕੇਬਾਜ਼ੀ ਚੈਂਪੀਅਨ। ਗੁਰੂਰਾਜ ਨੇ ਕਿਹਾ ਕਿ ਉਸਦੇ ਬੱਚੇ ਉੱਚ ਪੱਧਰੀ ਲੜਾਈਆਂ ਵਿੱਚ ਮੁਕਾਬਲਾ ਕਰਨ ਲਈ ਦੁਨੀਆ ਭਰ ਦੀ ਯਾਤਰਾ ਕਰ ਚੁੱਕੇ ਹਨ। ਉਹ ਲਾਸ ਵੇਗਾਸ ਸਥਿਤ ਓਮਨੀ ਗਲੋਬਲ ਸਰਵਿਸਿਜ਼ ਦੇ ਰਾਜਦੂਤ ਹਨ ਜੋ ਆਪਣੇ ਲੜਾਈ ਕੈਂਪਾਂ ਲਈ ਦੁਨੀਆ ਭਰ ਦੀ ਯਾਤਰਾ ਕਰਦੇ ਸਮੇਂ ਤੰਦਰੁਸਤੀ ਦਾ ਧਿਆਨ ਰੱਖਦੇ ਹਨ। ਲੜਕਿਆਂ ਦੇ ਚਾਚਾ ਜਤਿੰਦਰਪਾਲ ਸਿੰਘ ਭੁੱਲਰ, ਜੋ ਪਹਿਲਾਂ ਸਕਾਟਸ ਗਾਰਡਜ਼ ਤੋਂ ਪਹਿਲੀ ਸਿੱਖ ਮਹਾਰਾਣੀ ਐਲੀਜ਼ਿਬੈਥ ਦੇ ਗਾਰਡ ਸਨ ਅਤੇ ਜੋ ਹੁਣ ਯੂਕੇ ਵਿੱਚ ਈਟਨ ਵੈਸਟ ਕੰਸਟ੍ਰਕਸ਼ਨ ਚਲਾਉਂਦੇ ਹਨ  ਨੇ ਵੀ ਮੁੰਬਈ ਵਿੱਚ ਲੜਾਈ ਦੇ ਸਮਾਗਮ ਵਿੱਚ ਸ਼ਿਰਕਤ ਕੀਤੀ।

19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਵਿੱਚ ਜਰਨੈਲ ਸਿੰਘ ਗਿੱਲ (ਸੱਜੇ) - ( ਫੋਟੋ )

ਲੀਡਜ਼ ਦੇ 13 ਸਾਲਾ ਜੁੜਵਾਂ ਭਰਾਵਾਂ, ਜਬਰਜੰਗ ਸਿੰਘ ਗਿੱਲ ਅਤੇ ਜਰਨੈਲ ਸਿੰਘ ਗਿੱਲ ਨੇ 19.2.2022 ਨੂੰ ਸਿੱਖ ਭਾਈਚਾਰੇ ਲਈ ਇੱਕ ਮਾਣ ਵਾਲਾ ਇਤਿਹਾਸਕ ਪਲ ਸਿਰਜਿਆ ਜਦੋਂ ਉਨ੍ਹਾਂ ਨੇ ਆਪਣੀਆਂ ਸ਼੍ਰੇਣੀਆਂ ਵਿੱਚ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤੀ ਅਤੇ ਜਿੱਤੀ। ਇਸ ਸਮਾਗਮ ਦਾ ਆਯੋਜਨ ਵਿਸ਼ਵ ਮੁਏ ਥਾਈ ਕਾਉਂਸਿਲ ਇੰਡੀਆ ਅਤੇ ਉਨ੍ਹਾਂ ਦੀਆਂ ਲੜਾਈਆਂ ਲਈ ਚੈਂਪੀਅਨਸ਼ਿਪਾਂ ਲਈ ਅੰਤਰਰਾਸ਼ਟਰੀ ਮਨਜ਼ੂਰੀ ਸੰਸਥਾ ਦੇ ਸਹਿਯੋਗ ਨਾਲ ਮੁਏ ਐਲੀਟ ਫਾਈਟ ਨਾਈਟ ਦੁਆਰਾ ਕੀਤਾ ਗਿਆ ਸੀ, ਜਿੱਥੇ, (IBF) ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਫੈਡਰੇਸ਼ਨ, ਮੁੰਬਈ ਵਿੱਚ ਜਬਰਜੰਗ ਨੇ ਬੈਂਟਮਵੇਟ ਵਰਗ ਵਿੱਚ ਅਤੇ ਜਰਨੈਲ ਨੇ ਲਾਈਟਵੇਟ ਵਰਗ ਵਿੱਚ ਆਪਣੀ ਲੜਾਈ ਜਿੱਤੀ।

ਜਬਰਜੰਗ ਸਿੰਘ ਗਿੱਲ (ਸੱਜੇ) 19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਵਿੱਚ ਐਕਸ਼ਨ ਵਿੱਚ - (ਫੋਟੋ )

ਟਵਿਨ ਸਟਾਲੀਅਨਜ਼ ਦੇ ਨਾਂ ਨਾਲ ਮਸ਼ਹੂਰ ਜੁੜਵੇਂ ਭਰਾ ਜਿੱਤ ਵਿੱਚ ਸਫਲ ਹੋਏ। ਉਹਨਾਂ ਨੇ ਆਪਣੇ ਉੱਚ ਦਰਜੇ ਦੇ ਵਿਰੋਧੀਆਂ ਨੂੰ ਹਰਾਇਆ । ਉਹਨਾਂ ਨੇ ਆਪਣੇ ਲੰਬੇ ਵਾਲਾਂ ਨੂੰ ਇਕੱਠਾ ਕਰ ਬਣਾਏ ਜੂੜੇ  ਦੇ ਆਲੇ-ਦੁਆਲੇ ਕਾਲੇ ਪਟਕੇ ਬੰਨ੍ਹੇ ਹੋਏ ਸਨ । ਜੋ ਇੱਕ ਮਾਣਮੱਤੀ ਸਿੱਖ ਪਛਾਣ ਨੂੰ ਦਰਸਾਉਂਦੇ ਸਨ।

ਗਿੱਲ ਭਰਾਵਾਂ ਨੇ ਵਿਸ਼ਵ ਭਰ ਵਿੱਚ ਆਪਣੀ ਕਮਿਊਨਿਟੀ ਨੂੰ ਆਪਣੀ ਪਹਿਚਾਣ ਦੇ ਨਾਲ ਜੋ ਗੌਰਵ ਪ੍ਰਦਾਨ ਕੀਤਾ ਸੀ। ਉਸ ਨੂੰ ਦੇਖਦੇ ਹੋਏ ਅਪ੍ਰੈਲ 2020 ਵਿੱਚ ਉਹ ਚੋਟੀ ਦੀਆਂ 100 ਸਿੱਖ ਹਸਤੀਆਂ ਵਿੱਚ 26 ਅਤੇ 27ਵੇਂ ਸਥਾਨ 'ਤੇ ਸਨ। ਜਨਵਰੀ 2022 ਵਿੱਚ ਅਣਗਿਣਤ 100 ਪ੍ਰਮੁੱਖ ਸਿੱਖ ਸ਼ਖਸੀਅਤਾਂ ਦੇ ਇੱਕ ਸਮੂਹ ਵਿੱਚ ਉਹਨਾਂ ਦੀ ਸਥਿਤੀ ਦੀ ਵਧੇਰੇ ਸੁਹਜ ਨਾਲ ਮੁੜ ਪੁਸ਼ਟੀ ਕੀਤੀ ਗਈ ਸੀ।

ਯੂਕੇ ਵਿੱਚ ਰਹਿੰਦੇ ਸਿੱਖ ਅਤੇ ਪੰਜਾਬੀ ਭਾਈਚਾਰੇ ਲਈ ਇਹ ਬਹੁਤ ਵੱਡੀ ਖ਼ਬਰ ਹੈ। ਇਹ ਦੋ ਜੁੜਵੇਂ ਨੌਜਵਾਨ ਲੜਕੇ ਜਬਰਜੰਗ ਅਤੇ ਜਰਨੈਲ ਜਦੋਂ ਤੁਸੀਂ ਉਹਨਾਂ ਨੂੰ ਮੱਥੇ 'ਤੇ ਜੁਰਾ (ਸਿਰ 'ਤੇ ਲੰਬੇ ਵਾਲਾਂ ਦੀ ਟਾਈ) ਨਾਲ ਲੜਦੇ ਅਤੇ ਜਿੱਤਦੇ ਵੇਖਦੇ ਹੋ ਤਾਂ ਮਾਣ ਮਹਿਸੂਸ ਹੁੰਦਾ ਹੈ ਕੀ ਉਹ ਸਿੱਖ ਕੌਮ ਦੇ ਨੌਜਵਾਨ ਹਨ- ਅਮਨਜੀਤ ਸਿੰਘ ਖਹਿਰਾ

 

ਯੂ ਕੇ ਦੇ ਸ਼ਹਿਰ ਲੀਡਜ਼ ਦੇ ਦੋ ਜੁੜਵਾ ਸਿੱਖ ਭਰਾਵਾਂ ਨੇ ਨਵਾਂ ਇਤਿਹਾਸ ਰਚਿਆ  

ਲੰਡਨ , 22 ਮਾਰਚ  (ਖੈਹਿਰਾ ) ਜੌੜੇ ਭਰਾ ਜਰਨੈਲ ਸਿੰਘ ਗਿੱਲ ਅਤੇ ਜਬਰਜੰਗ ਸਿੰਘ ਗਿੱਲ ਮੁਏ ਥਾਈ ਮੁੱਕੇਬਾਜ਼ੀ ਦੀ ਦੁਨੀਆ ਵਿੱਚ ਇਤਿਹਾਸ ਰਚ ਰਹੇ ਹਨ। ਉਹ ਚੈਂਪੀਅਨ ਬਣਨ ਵਾਲੇ ਪਹਿਲੇ ਸਿੱਖ ਹਨ ਅਤੇ ਉਹ ਸਿਰਫ਼ 13 ਸਾਲ ਦੇ ਹਨ ! ਲੀਡਜ਼, ਇੰਗਲੈਂਡ ਦੇ ਭਰਾਵਾਂ ਨੇ ਮੁੰਬਈ, ਭਾਰਤ ਵਿੱਚ ਹਾਲ ਹੀ ਵਿੱਚ ਹੋਈ ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਫੈਡਰੇਸ਼ਨ (IBF) ਮੁਏ ਥਾਈ ਚੈਂਪੀਅਨਸ਼ਿਪ ਵਿੱਚ ਆਪੋ-ਆਪਣੇ ਵਰਗਾਂ ਵਿੱਚ ਜਿੱਤ ਪ੍ਰਾਪਤ ਕੀਤੀ। ਜਰਨੈਲ ਸਿੰਘ ਗਿੱਲ ਨੂੰ ਲਾਈਟਵੇਟ ਵਰਗ ਵਿੱਚ ਨਵੇਂ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਦਾ ਤਾਜ ਬਣਾਇਆ ਗਿਆ ਜਦੋਂ ਕਿ ਜਬਰਜੰਗ ਸਿੰਘ ਗਿੱਲ ਨੇ ਅੰਡਰ-16 ਬੈਂਟਮਵੇਟ ਵਿੱਚ ਜਿੱਤ ਦਰਜ ਕੀਤੀ। ਦੋਨੋਂ ਜੁੜਵੇਂ ਭਰਾਵਾਂ ਨੇ 19 ਫਰਵਰੀ ਨੂੰ ਮੁੰਬਈ ਮੁਕਾਬਲੇ ਵਿੱਚ ਉੱਚ ਦਰਜੇ ਦੇ ਲੜਾਕਿਆਂ ਦੇ ਖਿਲਾਫ ਆਪਣੀ ਲੜਾਈ ਦੇ ਪਹਿਲੇ ਗੇੜ ਵਿੱਚ KO ਸਟਾਪੇਜ ਦੇ ਨਾਲ ਸਟਾਈਲ ਵਿੱਚ ਜਿੱਤ ਪ੍ਰਾਪਤ ਕੀਤੀ। “ਉਹ 6 ਸਾਲ ਦੀ ਉਮਰ ਵਿੱਚ 2014 ਤੋਂ ਸਿਖਲਾਈ ਲੈ ਰਹੇ ਹਨ,” ਗੁਰਰਾਜ ਸਿੰਘ ਗਿੱਲ, ਜੋ ਉਨ੍ਹਾਂ ਦੇ ਪਿਤਾ ਇੱਕ ਦੌੜਾਕ ਵੀ ਹਨ। ਉਹ ਇੰਗਲੈਂਡ ਦੇ ਸ਼ਹਿਰ  ਲੀਡਜ਼-ਅਧਾਰਤ ਉਸਾਰੀ ਦੀ ਕੰਪਨੀ ਚਲਾਉਂਦੇ ਹਨ ਉੁਨ੍ਹਾਂ ਜਨ ਸ਼ਕਤੀ ਨਿਊਜ਼ ਤੂੰ ਜਾਣਕਾਰੀ ਦਿੰਦੇ ਦੱਸਿਆ ਕੇ ਉਨ੍ਹਾਂ ਦੇ ਬੇਟੇ ਆਪਣੇ ਵਜ਼ਨ ਦੇ ਕਾਰਨ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਲੜਦੇ ਹਨ।

ਜਬਰਜੰਗ (ਖੱਬੇ) ਅਤੇ ਜਰਨੈਲ 19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤਣ ਤੋਂ ਬਾਅਦ। ਵਿਚਕਾਰ ਵਿੱਚ ਮੈਡੀਕਲ ਸਟਾਫ ਮੁਖੀ ਬੇਰੇਨਿਸ ਬੇਸੌਫ - (ਫੋਟੋ )

ਟਵਿਨ ਸਟਾਲੀਅਨਜ਼  ਦੋਵੇਂ ਭਰਾ 2019 ਵਿੱਚ ਜਰਮਨੀ ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਟੀਮ ਗ੍ਰੇਟ ਬ੍ਰਿਟੇਨ ਲਈ ਸੋਨ ਤਗਮੇ ਜਿੱਤਣ ਵਾਲੇ ਵੀ ਹਨ। ਇਹ ਇੱਕ ਤਿੰਨ ਦਿਨ ਦਾ ਟੂਰਨਾਮੈਂਟ ਸੀ ਜਿੱਥੇ ਉਨ੍ਹਾਂ ਨੇ ਦੁਨੀਆ ਭਰ ਦੇ ਪ੍ਰਤੀਯੋਗੀਆਂ ਨਾਲ 6 ਤੋਂ ਵੱਧ ਲੜਾਈਆਂ ਲੜੀਆਂ ਅਤੇ ਦੋਵੇਂ ਭਰਾ ਜਿੱਤੇ। ਵਿਸ਼ਵ ਕਿੱਕਬਾਕਸਿੰਗ ਅਤੇ ਕਰਾਟੇ ਯੂਨੀਅਨ (WKU) ਵਿਸ਼ਵ ਕੱਪ 2019 ਵਿੱਚ ਆਇਰਲੈਂਡ ਵਿੱਚ। ਉਹ ਮੌਜੂਦਾ WFMC ਵਿਸ਼ਵ ਮੁਏ ਥਾਈ ਮੁੱਕੇਬਾਜ਼ੀ ਚੈਂਪੀਅਨ ਹਨ। WFMC ਦਾ ਅਰਥ ਹੈ ਵਰਲਡ ਫਾਈਟ ਸਪੋਰਟਸ ਅਤੇ ਮਾਰਸ਼ਲ ਆਰਟਸ ਕੌਂਸਲ। ਮਾਸਟਰ ਕਰੂ ਜੋਮਪੌਪ ਦੇ ਅਧੀਨ ਕਿਆਟਫੋਂਟਿਪ ਜਿਮ ਵਿੱਚ ਜਰਨੈਲ ਅਤੇ ਜਬਰਜੰਗ ਟ੍ਰੇਨਿੰਗ ਕਰਦੇ ਹਨ, ਜੋ ਪਹਿਲਾਂ ਰਾਜਾਦਮਨੇਰਨ ਸਟੇਡੀਅਮ, ਥਾਈਲੈਂਡ ਵਿੱਚ ਨੰਬਰ ਇੱਕ ਸੀ ਅਤੇ ਇੱਕ ਸਾਬਕਾ ਦੱਖਣੀ ਥਾਈਲੈਂਡ ਚੈਂਪੀਅਨ ਦੇ ਨਾਲ-ਨਾਲ ਰੋਬਿਨ ਰੀਡ, ਇੱਕ ਸਾਬਕਾ WBC ਅਤੇ IBO ਵਰਲਡ ਸੁਪਰ ਮਿਡਲਵੇਟ ਮੁੱਕੇਬਾਜ਼ੀ ਚੈਂਪੀਅਨ। ਗੁਰੂਰਾਜ ਨੇ ਕਿਹਾ ਕਿ ਉਸਦੇ ਬੱਚੇ ਉੱਚ ਪੱਧਰੀ ਲੜਾਈਆਂ ਵਿੱਚ ਮੁਕਾਬਲਾ ਕਰਨ ਲਈ ਦੁਨੀਆ ਭਰ ਦੀ ਯਾਤਰਾ ਕਰ ਚੁੱਕੇ ਹਨ। ਉਹ ਲਾਸ ਵੇਗਾਸ ਸਥਿਤ ਓਮਨੀ ਗਲੋਬਲ ਸਰਵਿਸਿਜ਼ ਦੇ ਰਾਜਦੂਤ ਹਨ ਜੋ ਆਪਣੇ ਲੜਾਈ ਕੈਂਪਾਂ ਲਈ ਦੁਨੀਆ ਭਰ ਦੀ ਯਾਤਰਾ ਕਰਦੇ ਸਮੇਂ ਤੰਦਰੁਸਤੀ ਦਾ ਧਿਆਨ ਰੱਖਦੇ ਹਨ। ਲੜਕਿਆਂ ਦੇ ਚਾਚਾ ਜਤਿੰਦਰਪਾਲ ਸਿੰਘ ਭੁੱਲਰ, ਜੋ ਪਹਿਲਾਂ ਸਕਾਟਸ ਗਾਰਡਜ਼ ਤੋਂ ਪਹਿਲੀ ਸਿੱਖ ਮਹਾਰਾਣੀ ਐਲੀਜ਼ਿਬੈਥ ਦੇ ਗਾਰਡ ਸਨ ਅਤੇ ਜੋ ਹੁਣ ਯੂਕੇ ਵਿੱਚ ਈਟਨ ਵੈਸਟ ਕੰਸਟ੍ਰਕਸ਼ਨ ਚਲਾਉਂਦੇ ਹਨ  ਨੇ ਵੀ ਮੁੰਬਈ ਵਿੱਚ ਲੜਾਈ ਦੇ ਸਮਾਗਮ ਵਿੱਚ ਸ਼ਿਰਕਤ ਕੀਤੀ।

19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਵਿੱਚ ਜਰਨੈਲ ਸਿੰਘ ਗਿੱਲ (ਸੱਜੇ) - ( ਫੋਟੋ )

ਲੀਡਜ਼ ਦੇ 13 ਸਾਲਾ ਜੁੜਵਾਂ ਭਰਾਵਾਂ, ਜਬਰਜੰਗ ਸਿੰਘ ਗਿੱਲ ਅਤੇ ਜਰਨੈਲ ਸਿੰਘ ਗਿੱਲ ਨੇ 19.2.2022 ਨੂੰ ਸਿੱਖ ਭਾਈਚਾਰੇ ਲਈ ਇੱਕ ਮਾਣ ਵਾਲਾ ਇਤਿਹਾਸਕ ਪਲ ਸਿਰਜਿਆ ਜਦੋਂ ਉਨ੍ਹਾਂ ਨੇ ਆਪਣੀਆਂ ਸ਼੍ਰੇਣੀਆਂ ਵਿੱਚ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤੀ ਅਤੇ ਜਿੱਤੀ। ਇਸ ਸਮਾਗਮ ਦਾ ਆਯੋਜਨ ਵਿਸ਼ਵ ਮੁਏ ਥਾਈ ਕਾਉਂਸਿਲ ਇੰਡੀਆ ਅਤੇ ਉਨ੍ਹਾਂ ਦੀਆਂ ਲੜਾਈਆਂ ਲਈ ਚੈਂਪੀਅਨਸ਼ਿਪਾਂ ਲਈ ਅੰਤਰਰਾਸ਼ਟਰੀ ਮਨਜ਼ੂਰੀ ਸੰਸਥਾ ਦੇ ਸਹਿਯੋਗ ਨਾਲ ਮੁਏ ਐਲੀਟ ਫਾਈਟ ਨਾਈਟ ਦੁਆਰਾ ਕੀਤਾ ਗਿਆ ਸੀ, ਜਿੱਥੇ, (IBF) ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਫੈਡਰੇਸ਼ਨ, ਮੁੰਬਈ ਵਿੱਚ ਜਬਰਜੰਗ ਨੇ ਬੈਂਟਮਵੇਟ ਵਰਗ ਵਿੱਚ ਅਤੇ ਜਰਨੈਲ ਨੇ ਲਾਈਟਵੇਟ ਵਰਗ ਵਿੱਚ ਆਪਣੀ ਲੜਾਈ ਜਿੱਤੀ।

ਜਬਰਜੰਗ ਸਿੰਘ ਗਿੱਲ (ਸੱਜੇ) 19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਵਿੱਚ ਐਕਸ਼ਨ ਵਿੱਚ - (ਫੋਟੋ )

ਟਵਿਨ ਸਟਾਲੀਅਨਜ਼ ਦੇ ਨਾਂ ਨਾਲ ਮਸ਼ਹੂਰ ਜੁੜਵੇਂ ਭਰਾ ਜਿੱਤ ਵਿੱਚ ਸਫਲ ਹੋਏ। ਉਹਨਾਂ ਨੇ ਆਪਣੇ ਉੱਚ ਦਰਜੇ ਦੇ ਵਿਰੋਧੀਆਂ ਨੂੰ ਹਰਾਇਆ । ਉਹਨਾਂ ਨੇ ਆਪਣੇ ਲੰਬੇ ਵਾਲਾਂ ਨੂੰ ਇਕੱਠਾ ਕਰ ਬਣਾਏ ਜੂੜੇ  ਦੇ ਆਲੇ-ਦੁਆਲੇ ਕਾਲੇ ਪਟਕੇ ਬੰਨ੍ਹੇ ਹੋਏ ਸਨ । ਜੋ ਇੱਕ ਮਾਣਮੱਤੀ ਸਿੱਖ ਪਛਾਣ ਨੂੰ ਦਰਸਾਉਂਦੇ ਸਨ।

ਗਿੱਲ ਭਰਾਵਾਂ ਨੇ ਵਿਸ਼ਵ ਭਰ ਵਿੱਚ ਆਪਣੀ ਕਮਿਊਨਿਟੀ ਨੂੰ ਆਪਣੀ ਪਹਿਚਾਣ ਦੇ ਨਾਲ ਜੋ ਗੌਰਵ ਪ੍ਰਦਾਨ ਕੀਤਾ ਸੀ। ਉਸ ਨੂੰ ਦੇਖਦੇ ਹੋਏ ਅਪ੍ਰੈਲ 2020 ਵਿੱਚ ਉਹ ਚੋਟੀ ਦੀਆਂ 100 ਸਿੱਖ ਹਸਤੀਆਂ ਵਿੱਚ 26 ਅਤੇ 27ਵੇਂ ਸਥਾਨ 'ਤੇ ਸਨ। ਜਨਵਰੀ 2022 ਵਿੱਚ ਅਣਗਿਣਤ 100 ਪ੍ਰਮੁੱਖ ਸਿੱਖ ਸ਼ਖਸੀਅਤਾਂ ਦੇ ਇੱਕ ਸਮੂਹ ਵਿੱਚ ਉਹਨਾਂ ਦੀ ਸਥਿਤੀ ਦੀ ਵਧੇਰੇ ਸੁਹਜ ਨਾਲ ਮੁੜ ਪੁਸ਼ਟੀ ਕੀਤੀ ਗਈ ਸੀ।

ਯੂਕੇ ਵਿੱਚ ਰਹਿੰਦੇ ਸਿੱਖ ਅਤੇ ਪੰਜਾਬੀ ਭਾਈਚਾਰੇ ਲਈ ਇਹ ਬਹੁਤ ਵੱਡੀ ਖ਼ਬਰ ਹੈ। ਇਹ ਦੋ ਜੁੜਵੇਂ ਨੌਜਵਾਨ ਲੜਕੇ ਜਬਰਜੰਗ ਅਤੇ ਜਰਨੈਲ ਜਦੋਂ ਤੁਸੀਂ ਉਹਨਾਂ ਨੂੰ ਮੱਥੇ 'ਤੇ ਜੁਰਾ (ਸਿਰ 'ਤੇ ਲੰਬੇ ਵਾਲਾਂ ਦੀ ਟਾਈ) ਨਾਲ ਲੜਦੇ ਅਤੇ ਜਿੱਤਦੇ ਵੇਖਦੇ ਹੋ ਤਾਂ ਮਾਣ ਮਹਿਸੂਸ ਹੁੰਦਾ ਹੈ ਕੀ ਉਹ ਸਿੱਖ ਕੌਮ ਦੇ ਨੌਜਵਾਨ ਹਨ- ਅਮਨਜੀਤ ਸਿੰਘ ਖਹਿਰਾ

 

ਮਾਤਾ ਜੀ ਬੀਬੀ ਅਮਰਜੀਤ ਕੌਰ ਜੀ ਨਮਿੱਤ ਅਰਦਾਸ ਸਮਾਗਮ  

ਸਾਡੇ ਅਤਿ ਸਤਿਕਾਰਯੋਗ ਮਾਤਾ ਜੀ ਬੀਬੀ ਅਮਰਜੀਤ ਕੌਰ ਜੀ (ਪਤਨੀ ਸ ਪ੍ਰਿਥੀਪਾਲ ਸਿੰਘ ਸੰਧੂ ,ਪੀ ਏ ਸਵਰਗਵਾਸੀ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ )16 ਮਾਰਚ  2022 ਨੂੰ ਅਕਾਲ ਚਲਾਣਾ ਕਰ ਗਏ ਸਨ । ਮਾਤਾ ਜੀ ਨਮਿੱਤ ਅੰਤਿਮ ਅਰਦਾਸ 25 ਮਾਰਚ  2022  ਗੁਰਦੁਆਰਾ ਸਾਹਿਬ ਬਾਬਾ ਗੁਰਬਖ਼ਸ਼ ਸਿੰਘ ਜੀ ਪਿੰਡ ਕੋਹਾਲਾ ਜ਼ਿਲ੍ਹਾ ਫ਼ਿਰੋਜ਼ਪੁਰ ਵਿਖੇ ਹੋਵੇਗੀ ।ਸਹਿਜ ਪਾਠ ਦੇ ਭੋਗ 11ਵੱਜੇ ਸਵੇਰੇ ਪੈਣਗੇ  11.30 ਤੂੰ  1 ਵਜੇ ਤੀਕ ਗੁਰਬਾਣੀ ਕੀਰਤਨ ਅਤੇ ਸ਼ਰਧਾਂਜਲੀ ਸਮਾਗਮ ਹੋਵੇਗਾ। ਆਪ ਜੀ ਨੇ ਸ਼ਾਮਲ ਹੋਣ ਦੀ ਕ੍ਰਿਪਾਲਤਾ ਕਰਨੀ ਜੀ । ਪ੍ਰਭੂ ਦੇ ਭਾਣੇ ਵਿਚ ਮਨਜਿੰਦਰ ਸਿੰਘ ਸੁਖਵਿੰਦਰ ਸਿੰਘ ਸਕੱਤਰ ਪ੍ਰਿਥੀਪਾਲ ਸਿੰਘ ਸੰਧੂ ਪਤੀ  ਅੰਸ਼ ਬੰਸ ਬਾਬਾ ਗੁਰਬਖ਼ਸ਼ ਸਿੰਘ ਜੀ ਕੋਹਾਲਾ ਅਤੇ ਬਾਬਾ ਜੋਗਿੰਦਰ ਸਿੰਘ ਸਾਹਿਬ ਜੀ ਮੁਖੀ ਮਿਸਲ ਸ਼ਹੀਦਾਂ ਤਰਨਾ ਦਲ । 9814949749 ਜਾ 9855668893 

 

 

 

 

ਯੂ ਕੇ ਦੇ ਸ਼ਹਿਰ ਲੀਡਜ਼ ਦੇ ਦੋ ਜੁੜਵਾ ਸਿੱਖ ਭਰਾਵਾਂ ਨੇ ਨਵਾਂ ਇਤਿਹਾਸ ਰਚਿਆ  

ਦੋਵੇ ਜੁੜਵੇਂ ਭਰਾਵਾਂ ਨੇ ਮੁੰਬਈ ਚ ਹੋਈ IBF ਅੰਡਰ 16 ਮੂਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤ ਕੇ ਬਣਾਇਆ ਰਿਕਾਰਡ  

ਜਬਰਜੰਗ ਸਿੰਘ ਗਿੱਲ ਨੇ ਬੈਟਮਵੇਟ ਵਰਗ ਵਿੱਚ ਕੀਤੀ ਜਿੱਤ ਹਾਸਲ  

ਉਸ ਦੇ ਜੁੜਵਾ ਭਾਈ ਜਰਨੈਲ ਸਿੰਘ ਗਿੱਲ ਨੇ ਲਾਈਟਵੇਟ ਵਰਗ ਵਿੱਚ ਕੀਤੀ ਜਿੱਤ ਹਾਸਲ  

ਦੋਨੋਂ ਜੁੜਵੇਂ 13 ਸਾਲ ਦੇ ਨੌਜਵਾਨ ਕੇਸਾਧਾਰੀ ਹਨ 

ਲੰਡਨ , 22 ਮਾਰਚ  (ਖੈਹਿਰਾ ) 

ਜਬਰਜੰਗ (ਖੱਬੇ) ਅਤੇ ਜਰਨੈਲ 19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤਣ ਤੋਂ ਬਾਅਦ। ਵਿਚਕਾਰ ਵਿੱਚ ਮੈਡੀਕਲ ਸਟਾਫ ਮੁਖੀ ਬੇਰੇਨਿਸ ਬੇਸੌਫ - (ਫੋਟੋ )

ਜੌੜੇ ਭਰਾ ਜਰਨੈਲ ਸਿੰਘ ਗਿੱਲ ਅਤੇ ਜਬਰਜੰਗ ਸਿੰਘ ਗਿੱਲ ਮੁਏ ਥਾਈ ਮੁੱਕੇਬਾਜ਼ੀ ਦੀ ਦੁਨੀਆ ਵਿੱਚ ਇਤਿਹਾਸ ਰਚ ਰਹੇ ਹਨ। ਉਹ ਚੈਂਪੀਅਨ ਬਣਨ ਵਾਲੇ ਪਹਿਲੇ ਸਿੱਖ ਹਨ ਅਤੇ ਉਹ ਸਿਰਫ਼ 13 ਸਾਲ ਦੇ ਹਨ ! ਲੀਡਜ਼, ਇੰਗਲੈਂਡ ਦੇ ਭਰਾਵਾਂ ਨੇ ਮੁੰਬਈ, ਭਾਰਤ ਵਿੱਚ ਹਾਲ ਹੀ ਵਿੱਚ ਹੋਈ ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਫੈਡਰੇਸ਼ਨ (IBF) ਮੁਏ ਥਾਈ ਚੈਂਪੀਅਨਸ਼ਿਪ ਵਿੱਚ ਆਪੋ-ਆਪਣੇ ਵਰਗਾਂ ਵਿੱਚ ਜਿੱਤ ਪ੍ਰਾਪਤ ਕੀਤੀ। ਜਰਨੈਲ ਸਿੰਘ ਗਿੱਲ ਨੂੰ ਲਾਈਟਵੇਟ ਵਰਗ ਵਿੱਚ ਨਵੇਂ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਦਾ ਤਾਜ ਬਣਾਇਆ ਗਿਆ ਜਦੋਂ ਕਿ ਜਬਰਜੰਗ ਸਿੰਘ ਗਿੱਲ ਨੇ ਅੰਡਰ-16 ਬੈਂਟਮਵੇਟ ਵਿੱਚ ਜਿੱਤ ਦਰਜ ਕੀਤੀ। ਦੋਨੋਂ ਜੁੜਵੇਂ ਭਰਾਵਾਂ ਨੇ 19 ਫਰਵਰੀ ਨੂੰ ਮੁੰਬਈ ਮੁਕਾਬਲੇ ਵਿੱਚ ਉੱਚ ਦਰਜੇ ਦੇ ਲੜਾਕਿਆਂ ਦੇ ਖਿਲਾਫ ਆਪਣੀ ਲੜਾਈ ਦੇ ਪਹਿਲੇ ਗੇੜ ਵਿੱਚ KO ਸਟਾਪੇਜ ਦੇ ਨਾਲ ਸਟਾਈਲ ਵਿੱਚ ਜਿੱਤ ਪ੍ਰਾਪਤ ਕੀਤੀ। “ਉਹ 6 ਸਾਲ ਦੀ ਉਮਰ ਵਿੱਚ 2014 ਤੋਂ ਸਿਖਲਾਈ ਲੈ ਰਹੇ ਹਨ,” ਗੁਰਰਾਜ ਸਿੰਘ ਗਿੱਲ, ਜੋ ਉਨ੍ਹਾਂ ਦੇ ਪਿਤਾ ਇੱਕ ਦੌੜਾਕ ਵੀ ਹਨ। ਉਹ ਇੰਗਲੈਂਡ ਦੇ ਸ਼ਹਿਰ  ਲੀਡਜ਼-ਅਧਾਰਤ ਉਸਾਰੀ ਦੀ ਕੰਪਨੀ ਚਲਾਉਂਦੇ ਹਨ ਉੁਨ੍ਹਾਂ ਜਨ ਸ਼ਕਤੀ ਨਿਊਜ਼ ਤੂੰ ਜਾਣਕਾਰੀ ਦਿੰਦੇ ਦੱਸਿਆ ਕੇ ਉਨ੍ਹਾਂ ਦੇ ਬੇਟੇ ਆਪਣੇ ਵਜ਼ਨ ਦੇ ਕਾਰਨ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਲੜਦੇ ਹਨ।


19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਵਿੱਚ ਜਰਨੈਲ ਸਿੰਘ ਗਿੱਲ (ਸੱਜੇ) - ( ਫੋਟੋ )

ਟਵਿਨ ਸਟਾਲੀਅਨਜ਼  ਦੋਵੇਂ ਭਰਾ 2019 ਵਿੱਚ ਜਰਮਨੀ ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਟੀਮ ਗ੍ਰੇਟ ਬ੍ਰਿਟੇਨ ਲਈ ਸੋਨ ਤਗਮੇ ਜਿੱਤਣ ਵਾਲੇ ਵੀ ਹਨ। ਇਹ ਇੱਕ ਤਿੰਨ ਦਿਨ ਦਾ ਟੂਰਨਾਮੈਂਟ ਸੀ ਜਿੱਥੇ ਉਨ੍ਹਾਂ ਨੇ ਦੁਨੀਆ ਭਰ ਦੇ ਪ੍ਰਤੀਯੋਗੀਆਂ ਨਾਲ 6 ਤੋਂ ਵੱਧ ਲੜਾਈਆਂ ਲੜੀਆਂ ਅਤੇ ਦੋਵੇਂ ਭਰਾ ਜਿੱਤੇ। ਵਿਸ਼ਵ ਕਿੱਕਬਾਕਸਿੰਗ ਅਤੇ ਕਰਾਟੇ ਯੂਨੀਅਨ (WKU) ਵਿਸ਼ਵ ਕੱਪ 2019 ਵਿੱਚ ਆਇਰਲੈਂਡ ਵਿੱਚ। ਉਹ ਮੌਜੂਦਾ WFMC ਵਿਸ਼ਵ ਮੁਏ ਥਾਈ ਮੁੱਕੇਬਾਜ਼ੀ ਚੈਂਪੀਅਨ ਹਨ। WFMC ਦਾ ਅਰਥ ਹੈ ਵਰਲਡ ਫਾਈਟ ਸਪੋਰਟਸ ਅਤੇ ਮਾਰਸ਼ਲ ਆਰਟਸ ਕੌਂਸਲ। ਮਾਸਟਰ ਕਰੂ ਜੋਮਪੌਪ ਦੇ ਅਧੀਨ ਕਿਆਟਫੋਂਟਿਪ ਜਿਮ ਵਿੱਚ ਜਰਨੈਲ ਅਤੇ ਜਬਰਜੰਗ ਟ੍ਰੇਨਿੰਗ ਕਰਦੇ ਹਨ, ਜੋ ਪਹਿਲਾਂ ਰਾਜਾਦਮਨੇਰਨ ਸਟੇਡੀਅਮ, ਥਾਈਲੈਂਡ ਵਿੱਚ ਨੰਬਰ ਇੱਕ ਸੀ ਅਤੇ ਇੱਕ ਸਾਬਕਾ ਦੱਖਣੀ ਥਾਈਲੈਂਡ ਚੈਂਪੀਅਨ ਦੇ ਨਾਲ-ਨਾਲ ਰੋਬਿਨ ਰੀਡ, ਇੱਕ ਸਾਬਕਾ WBC ਅਤੇ IBO ਵਰਲਡ ਸੁਪਰ ਮਿਡਲਵੇਟ ਮੁੱਕੇਬਾਜ਼ੀ ਚੈਂਪੀਅਨ। ਗੁਰੂਰਾਜ ਨੇ ਕਿਹਾ ਕਿ ਉਸਦੇ ਬੱਚੇ ਉੱਚ ਪੱਧਰੀ ਲੜਾਈਆਂ ਵਿੱਚ ਮੁਕਾਬਲਾ ਕਰਨ ਲਈ ਦੁਨੀਆ ਭਰ ਦੀ ਯਾਤਰਾ ਕਰ ਚੁੱਕੇ ਹਨ। ਉਹ ਲਾਸ ਵੇਗਾਸ ਸਥਿਤ ਓਮਨੀ ਗਲੋਬਲ ਸਰਵਿਸਿਜ਼ ਦੇ ਰਾਜਦੂਤ ਹਨ ਜੋ ਆਪਣੇ ਲੜਾਈ ਕੈਂਪਾਂ ਲਈ ਦੁਨੀਆ ਭਰ ਦੀ ਯਾਤਰਾ ਕਰਦੇ ਸਮੇਂ ਤੰਦਰੁਸਤੀ ਦਾ ਧਿਆਨ ਰੱਖਦੇ ਹਨ। ਲੜਕਿਆਂ ਦੇ ਚਾਚਾ ਜਤਿੰਦਰਪਾਲ ਸਿੰਘ ਭੁੱਲਰ, ਜੋ ਪਹਿਲਾਂ ਸਕਾਟਸ ਗਾਰਡਜ਼ ਤੋਂ ਪਹਿਲੀ ਸਿੱਖ ਮਹਾਰਾਣੀ ਐਲੀਜ਼ਿਬੈਥ ਦੇ ਗਾਰਡ ਸਨ ਅਤੇ ਜੋ ਹੁਣ ਯੂਕੇ ਵਿੱਚ ਈਟਨ ਵੈਸਟ ਕੰਸਟ੍ਰਕਸ਼ਨ ਚਲਾਉਂਦੇ ਹਨ  ਨੇ ਵੀ ਮੁੰਬਈ ਵਿੱਚ ਲੜਾਈ ਦੇ ਸਮਾਗਮ ਵਿੱਚ ਸ਼ਿਰਕਤ ਕੀਤੀ।

ਜਬਰਜੰਗ ਸਿੰਘ ਗਿੱਲ (ਸੱਜੇ) 19 ਫਰਵਰੀ 2022 ਨੂੰ ਮੁੰਬਈ ਵਿੱਚ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨ ਵਿੱਚ ਐਕਸ਼ਨ ਵਿੱਚ - (ਫੋਟੋ )

ਲੀਡਜ਼ ਦੇ 13 ਸਾਲਾ ਜੁੜਵਾਂ ਭਰਾਵਾਂ, ਜਬਰਜੰਗ ਸਿੰਘ ਗਿੱਲ ਅਤੇ ਜਰਨੈਲ ਸਿੰਘ ਗਿੱਲ ਨੇ 19.2.2022 ਨੂੰ ਸਿੱਖ ਭਾਈਚਾਰੇ ਲਈ ਇੱਕ ਮਾਣ ਵਾਲਾ ਇਤਿਹਾਸਕ ਪਲ ਸਿਰਜਿਆ ਜਦੋਂ ਉਨ੍ਹਾਂ ਨੇ ਆਪਣੀਆਂ ਸ਼੍ਰੇਣੀਆਂ ਵਿੱਚ ਆਈਬੀਐਫ ਅੰਡਰ-16 ਮੁਏ ਥਾਈ ਬਾਕਸਿੰਗ ਚੈਂਪੀਅਨਸ਼ਿਪ ਜਿੱਤੀ ਅਤੇ ਜਿੱਤੀ। ਇਸ ਸਮਾਗਮ ਦਾ ਆਯੋਜਨ ਵਿਸ਼ਵ ਮੁਏ ਥਾਈ ਕਾਉਂਸਿਲ ਇੰਡੀਆ ਅਤੇ ਉਨ੍ਹਾਂ ਦੀਆਂ ਲੜਾਈਆਂ ਲਈ ਚੈਂਪੀਅਨਸ਼ਿਪਾਂ ਲਈ ਅੰਤਰਰਾਸ਼ਟਰੀ ਮਨਜ਼ੂਰੀ ਸੰਸਥਾ ਦੇ ਸਹਿਯੋਗ ਨਾਲ ਮੁਏ ਐਲੀਟ ਫਾਈਟ ਨਾਈਟ ਦੁਆਰਾ ਕੀਤਾ ਗਿਆ ਸੀ, ਜਿੱਥੇ, (IBF) ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਫੈਡਰੇਸ਼ਨ, ਮੁੰਬਈ ਵਿੱਚ ਜਬਰਜੰਗ ਨੇ ਬੈਂਟਮਵੇਟ ਵਰਗ ਵਿੱਚ ਅਤੇ ਜਰਨੈਲ ਨੇ ਲਾਈਟਵੇਟ ਵਰਗ ਵਿੱਚ ਆਪਣੀ ਲੜਾਈ ਜਿੱਤੀ।

ਟਵਿਨ ਸਟਾਲੀਅਨਜ਼ ਦੇ ਨਾਂ ਨਾਲ ਮਸ਼ਹੂਰ ਜੁੜਵੇਂ ਭਰਾ ਜਿੱਤ ਵਿੱਚ ਸਫਲ ਹੋਏ। ਉਹਨਾਂ ਨੇ ਆਪਣੇ ਉੱਚ ਦਰਜੇ ਦੇ ਵਿਰੋਧੀਆਂ ਨੂੰ ਹਰਾਇਆ । ਉਹਨਾਂ ਨੇ ਆਪਣੇ ਲੰਬੇ ਵਾਲਾਂ ਨੂੰ ਇਕੱਠਾ ਕਰ ਬਣਾਏ ਜੂੜੇ  ਦੇ ਆਲੇ-ਦੁਆਲੇ ਕਾਲੇ ਪਟਕੇ ਬੰਨ੍ਹੇ ਹੋਏ ਸਨ । ਜੋ ਇੱਕ ਮਾਣਮੱਤੀ ਸਿੱਖ ਪਛਾਣ ਨੂੰ ਦਰਸਾਉਂਦੇ ਸਨ।

ਗਿੱਲ ਭਰਾਵਾਂ ਨੇ ਵਿਸ਼ਵ ਭਰ ਵਿੱਚ ਆਪਣੀ ਕਮਿਊਨਿਟੀ ਨੂੰ ਆਪਣੀ ਪਹਿਚਾਣ ਦੇ ਨਾਲ ਜੋ ਗੌਰਵ ਪ੍ਰਦਾਨ ਕੀਤਾ ਸੀ। ਉਸ ਨੂੰ ਦੇਖਦੇ ਹੋਏ ਅਪ੍ਰੈਲ 2020 ਵਿੱਚ ਉਹ ਚੋਟੀ ਦੀਆਂ 100 ਸਿੱਖ ਹਸਤੀਆਂ ਵਿੱਚ 26 ਅਤੇ 27ਵੇਂ ਸਥਾਨ 'ਤੇ ਸਨ। ਜਨਵਰੀ 2022 ਵਿੱਚ ਅਣਗਿਣਤ 100 ਪ੍ਰਮੁੱਖ ਸਿੱਖ ਸ਼ਖਸੀਅਤਾਂ ਦੇ ਇੱਕ ਸਮੂਹ ਵਿੱਚ ਉਹਨਾਂ ਦੀ ਸਥਿਤੀ ਦੀ ਵਧੇਰੇ ਸੁਹਜ ਨਾਲ ਮੁੜ ਪੁਸ਼ਟੀ ਕੀਤੀ ਗਈ ਸੀ।
 

ਯੂਕੇ ਵਿੱਚ ਰਹਿੰਦੇ ਸਿੱਖ ਅਤੇ ਪੰਜਾਬੀ ਭਾਈਚਾਰੇ ਲਈ ਇਹ ਬਹੁਤ ਵੱਡੀ ਖ਼ਬਰ ਹੈ। ਇਹ ਦੋ ਜੁੜਵੇਂ ਨੌਜਵਾਨ ਲੜਕੇ ਜਬਰਜੰਗ ਅਤੇ ਜਰਨੈਲ ਜਦੋਂ ਤੁਸੀਂ ਉਹਨਾਂ ਨੂੰ ਮੱਥੇ 'ਤੇ ਜੂੜਾ ਚ ਲੜਦੇ ਅਤੇ ਜਿੱਤਦੇ ਵੇਖਦੇ ਹੋ ਤਾਂ ਮਾਣ ਮਹਿਸੂਸ ਹੁੰਦਾ ਹੈ  ਕਾਬਲੇ ਤਾਰੀਫ਼ ਉਹ ਸਿੱਖ ਕੌਮ ਦੇ ਨੌਜਵਾਨ ਹਨ ਜਿਨ੍ਹਾਂ ਦੀ ਹੌਸਲਾ ਅਫ਼ਜਾਈ ਕਰਨਾ ਅਤੇ ਸਤਿਕਾਰ ਦੇਣਾ ਸਾਡਾ ਹਰੇਕ ਦਾ ਫ਼ਰਜ਼ ਬਣਦਾ ਹੈ - ਅਮਨਜੀਤ ਸਿੰਘ ਖਹਿਰਾ

 

Two twin British Sikh brothers from Leeds UK, make new history 

London, March 23 (Khaira) 

(Jabarjang (left) and Jarnail after winning the IBF u-16 Muay Thai Boxing championship in Mumbai on 19 February 2022. In the middle is medical staff head Berenice Besouf –Photo)   

Twin brothers Jarnail Singh Gill and Jabarjang Singh Gill are making history in the world of Muay Thai Boxing. They are first Sikhs to emerge champions. And they are just 13 years-old! The brothers from Leeds, England, won in their respective categories at the recent International Boxing Federation (IBF) Muay Thai Championship held in Mumbai, India. Jarnail Singh Gill was crowned new IBF u-16 Muay Thai Boxing Champion in the lightweight category while Jabarjang Singh Gill won in the u-16 bantamweight. Both twin brothers won in style with KO stoppage in the first rounds of their fights against highly ranked fighters in Mumbai bout on Feb 19- 2022.“They have been training since 2014 at the age of 6 years,” Gururaj Singh Gill, their father who runs a Leeds-based construction company, tells Jan Shakti News . “They fight in different categories due to their weights.”  

(Jarnail Singh Gill (right) in action at the u-16 Muay Thai Boxing Champion in Mumbai on 19 February 2022 – Photo)  

Nicknamed the Twin Stallions, both brothers are also gold medalists for Team Great Britain at the World Championships in Germany in 2019. It was a three-day tournament where they fought over 6 fights each with competitors from around the world.Both brothers also won the World Kickboxing & Karate Union (WKU) World Cup in Ireland in 2019. They are the current WFMC World Muay Thai Boxing champions. WFMC stands for World Fight Sports & Martial Arts Council. Jarnail and Jabarjang train at the Kiatphontip Gym under Master Kru Jompop, formerly ranked number one at Rajadamnern Stadium, Thailand and a former South Thailand champion as well as Robin Reid, a former WBC & IBO World Super Middleweight boxing champion. Gururaj Singh Gill said his children have travelled around the world to compete in high class fights. They are ambassadors of Las Vegas-based Omni Global Services who take care of well-being while travelling around the world for their fight camps. The boys’ uncle Jatenderpal Singh Bhullar, previously the 1st Sikh Queen Elizibeth’s Guard from the Scots Guards and who now runs Eton West Constructions in the UK, also attended the fight event in Mumbai.  

(Jabarjang Singh Gill (right) in action at the u-16 Muay Thai Boxing Champion in Mumbai on 19 February 2022 – Photo )  

This is the great news for a Sikh and Punjabi community living in the UK and across the globe. These two twin boys, Jabarjang and Jarnail, make our community proud fighting to victory - Amanjit Singh Khaira

ਪੰਜਾਬ ਦੀ ਨਵੀਂ ਸਰਕਾਰ ਅਤੇ ਆਪ ਹੁਦਰੇ ਲੋਕ ✍️ ਪਰਮਿੰਦਰ ਸਿੰਘ ਬਲ

ਲੋਕ ਇਨਸਾਫ਼ ਦੀ ਜਦ ਗੱਲ ਕਰੀਏ ਤਾਂ ਉਸ ਪੱਖੋਂ ਕਈ ਤੱਤ ਵਿਚਾਰਨੇ ਜ਼ਰੂਰੀ ਹੋ ਜਾਂਦੇ ਹਨ । ਸਮਾਜਿਕ ਅਤੇ ਸੱਤਾ ਦੀਆਂ ਤਬਦੀਲੀਆਂ ਆਮ ਚੱਲਦੇ ਸੰਸਾਰ ਵਿੱਚ ਹੁੰਦੀਆਂ ਆਈਆਂ ਹਨ ।ਜਿਨਾਂ ਆਸਰੇ ਸਮਾਜਿਕ ਸੁਧਾਰ ਦਾ ਰੰਗ ਢੰਗ ਨਵੇਂ ਦੌਰ ਅਤੇ ਨਵੀਆਂ ਤਰੱਕੀਆਂ ਨੂੰ ਮਾਨਣਾ ਸ਼ੁਰੂ ਕਰਦਾ ਹੈ । ਪਰ ਇਹ ਤਾਹੀਓ ਸਫਲ ਹੈ ਜੇ ਲੋਕ ਨਵੀਂ ਤਬਦੀਲੀ ਨੂੰ ਨਵੇਂ ਤੌਰ ਤੇ ਗ੍ਰਹਿਣ ਕਰਨ ਅਤੇ ਹੱਕੀ ਹਾਸਲ ਕਬੂਲ ਕਰਨ । ਪੰਜਾਬ ਵਿੱਚ ਜੋ ਜਿੱਤ ਆਮ ਪਾਰਟੀ ਨੂੰ ਹਾਸਲ ਹੋਈ , ਉਸ ਤੋਂ ਇਕ ਨਵੇਂ ਸੁਚੱਜੇ ਪੰਜਾਬ ਸਿਰਜਣ ਦੀ ਆਸ ਦਿਸਦੀ ਹੈ । ਪਰ ਜੋ ਕੁਝ ਦੇਖਣ ਵਿੱਚ ਸ਼ੁਰੂ ਹੋ ਰਿਹਾ ਹੈ ਲੋਕਾਂ ਦੇ ਆਪਣੇ ਚਾਅ ਅਤੇ ਜਿੱਤ ਦਾ ਦਿਖਾਵਾ ਸਿਆਸੀ ਰਹੁ ਰੀਤ , ਪੁਰਾਣੀਆਂ ਰਵਾਇਤੀ ਪਾਰਟੀਆਂ ਵਰਗਾ ਹੀ ਹੈ । ਪੰਜਾਬ ਵਿਧਾਨ ਸਭਾ ਜਿਸ ਨੂੰ ਲੋਕ ਤੰਤਰ ਦਾ ਮੰਦਰ ਮਨ ਕੇ , ਵਿਧਾਨ ਸਭਾ ਲਈ ਚੁਣ ਕੇ ਇਸ ਮੰਦਰ ਵਿੱਚ ਬੈਠ ਕੇ ਇਨਸਾਫ਼ ਤੇ ਪੰਜਾਬ ਦੀ ਖ਼ੁਸ਼ਹਾਲੀ ਲਈ ਜੋ ਸਹੁੰ ਚੁੱਕ ਕੇ ਕਦਮ ਪੁੱਟਣੇ ਸਨ । ਉਸ ਕਲਮ ਬੰਦੀ ਸਹੁੰ ਨੂੰ ਬਦਲ ਕੇ “ ਖਟਕੜ” ਕਲਾਂ ਵਿਖੇ ਤਬਦੀਲ ਕਰਨਾ ਬਿਲਕੁਲ ਸਹੀ ਕਿਵੇਂ ਕਿਹਾ ਜਾ ਸਕਦਾ ਹੈ ? ਸ਼ਹੀਦ ਭਗਤ ਸ਼ਹੀਦ ਭਗਤ ਸਿੰਘ ਸਾਡਾ ਅਤੇ ਦੇਸ਼ ਦਾ ਮਹਾਨ ਸ਼ਹੀਦ ਹੈ । ਜਿਸ ਆਜ਼ਾਦੀ ਅਤੇ ਸੰਵਿਧਾਨ ਨੂੰ ਅਸੀਂ ਮਾਣ ਰਹੇ ਹਾਂ ਉਹ ਭਗਤ ਸਿੰਘ ਅਤੇ ਹੋਰ ਹਜ਼ਾਰਾਂ ਸ਼ਹੀਦਾਂ ਦੀ ਦੇਣ ਹੈ । ਸਟੇਟ ਅਸੈਬਲੀਆਂ , ਪਾਰਲੀਮੈਂਟ ( ਇਹ ਸਭ ਗਣ ਤੰਤਰ ਦੇ ਮੰਦਰ) ਕੁਰਬਾਨੀਆਂ ਸਦਕਾ ਹੀ ਹਨ। ਇੱਥੇ ਸਹੁੰ ਚੁੱਕਣ ਤੋਂ ਇਨਕਾਰੀ ਹੋਣਾ , ਕੁਰਬਾਨੀਆਂ ਨੂੰ ਪਿੱਠ ਦੇਣੀ ਹੈ। ਕੀ ਇਹ ਪੰਜਾਬ ਅਸੰਬਲੀ ,ਪਾਰਲੀਮੈਂਟ ਅਤੇ ਭਾਰਤੀ ਸੰਵਿਧਾਨ ਅੱਧੀਨ ਸਹੀ ਹੈ ਜਾਂ ਗਲਤ ? ਜਾਂ ਇਹ ਨਵੀਂ ਪਿਰਤ ਅਤੇ ਜਿੱਤ ਦਾ ਨਵਾਂ ਸ਼ੋਸ਼ਾ ਹੈ , ਜੋ ਲੋਕਾਂ ਨੂੰ ਆਪਣੇ ਇਨਸਾਫ਼ ਅਤੇ ਸੁਧਾਰ ਪੱਖੋਂ ਗੁਮਰਾਹ ਕਰੇਗਾ । ਸਾਡੀ ਪੰਜਾਬੀਆਂ ਤੇ ਸਿੱਖਾਂ ਦੀ ਕਾਫ਼ੀ ਜ਼ਿਆਦਾ ਆਬਾਦੀ ਪੱਛਮੀ ਮੁਲਕਾਂ ਵਿੱਚ ਵੱਸਦੀ ਹੈ । ਉਹਨਾਂ ਮੁਲਕਾਂ ਵਿੱਚ ਹਮੇਸ਼ਾ ਚੋਣਾਂ ਹੁੰਦੀਆਂ ਹਨ , ਪਰੰਤੂ ਕਿਸੇ ਪਾਰਟੀ ਦੀ ਜਿੱਤ ਤੋ ਬਾਅਦ ਇਸ ਤਰਾਂ ਦੀ ਆਪੋ-ਧਾਪੀ , ਜਸ਼ਨ ਨਹੀਂ ਕੀਤੇ ਜਾਂਦੇ । ਇਸ ਤਰਾਂ ਲੋਕਾਂ ਦਾ ਪੈਸਾ ਬਰਬਾਦ ਕਰਨ ਦਾ ਕਿਸੇ , ਵਿਧਾਇਕ ,ਐਮ ਪੀ ਜਾਂ ਸਮੁੱਚੀ ਪਾਰਟੀ ਨੂੰ ਕੋਈ ਅਧਿਕਾਰ ਨਹੀਂ ਹੈ । ਇਹ ਲੋਕ ਤੰਤਰ ਵਿੱਚ ਅਜਿਹਾ ਕਰਨਾ ਸਿਰਫ਼ ਗੈਰ ਵਿਧਾਨਕ ਜਾਂ ਗੈਰ ਕਾਨੂੰਨੀ ਹੀ ਨਹੀਂ ਸਗੋਂ ਉਹਨਾਂ ਲੋਕਾਂ ਨਾਲ ਧੋਖਾ ਗਿਣਿਆ ਜਾਂਦਾ ਹੈ , ਜਿਨਾਂ ਵੋਟ ਪਾ ਕੇ ਵਿਧਾਇਕ ਚੁਣ ਕੇ ਭੇਜੇ ਹਨ। ਉਹੀ ਪਿਛਾਂਹ ਖਿੱਚੂ ਪੁਰਾਣੀਆਂ ਸਮਾਜ ਮਾਰੂ ਆਦਤਾਂ । ਮੈਂ ਅੱਜ ਦੀ ਤਰਾਂ 2016 ਫ਼ਰਵਰੀ ਵਿੱਚ ਪੰਜਾਬ ਵਿੱਚ ਸਾਂ , ਜਦ ਕਾਂਗਰਸ ਆਗੂਆਂ ਨੇ ,ਮੋਗੇ ,ਵਿੱਚ ਰਾਹੁਲ ਗਾਂਧੀ ਦੀ ਕਾਨਫਰੰਸ ਰੈਲੀ ਨੂੰ ਕਾਮਯਾਬ ਬਣਾਉਣ ਹਿਤ , 150 ਏਕੜ ਬੀਜੀ ਹੋਈ ਕਣਕ ਦੇ ਖੇਤ , ਵਾਹ ਕੇ , ਖਾਲੀ ਕਰਵਾ ਕੇ , ਕਾਨਫਰੰਸ ਕੀਤੀ ਸੀ । ਅੱਜ ਆਮ ਪਾਰਟੀ ਉਹੀ ਕੁਝ ਦੁਹਰਾਇਆ ਹੈ , ਅੱਜ ਭੀ ਮੈਂ ਇੱਥੇ ਸਭ ਕੁਝ ਹੁੰਦਾ ਦੇਖ ਕੇ ਹੈਰਾਨ ਹੀ ਨਹੀਂ , ਦਿਲੋਂ ਦੁਖੀ ਹਾਂ । ਖਟਕੜ ਕਲਾਂ ਵਿੱਚ “145” ਏਕੜ ਸਿੱਟੇ ਤੇ ਆਈ ਕਣਕ ਨੂੰ ਵਾਹ , ਤਬਾਹ ਕਰਕੇ “ ਆਪ ਪਾਰਟੀ “ ਅਸੰਬਲੀ ਨੂੰ ਚੰਡੀਗੜ੍ਹੇ ਪਿੱਛੇ ਛੱਡ ਕੇ ਸਹੁੰ ਚੁੱਕ ਸਮਾਗਮ , ਰੈਲੀ ਕਰ ਰਹੀ ਹੈ । ਦੇਸ਼ ਵਿੱਚ ਅੰਤ ਦੀ ਗਰੀਬੀ , ਇਹੀ ਦਾਣੇ ਇਕ ਗਰੀਬ ਦੇ ਪੇਟ ਦੀ ਖੁਰਾਕ ਹੋਣ ਦਾ ਹੱਕ ਹੋ ਸਕਦਾ ਸੀ ! ਇਹ ਕਣਕ ਦੇ ਦਾਣੇ ਗੁਮਰਾਹ ਹੋਏ ਲੋਕਾਂ ਅਤੇ ਚੁਣੇ ਵਿਧਾਇਕਾਂ ਦੇ ਪੈਰਾਂ ਥੱਲੇ ਕੁਚਲੇ ਜਾਣ ਦੇ ਸਾਧਨ ਹੀ ਰਹਿ ਗਏ ਹਨ । “ਕੌਣ  ਆਖੇ  ਰਾਣੀਏ ਅਗਾ ਢੱਕ” , ਅੱਜ ਇਹ ਪੰਜਾਬ ਦੇ ਨਵੇਂ ਰਾਜੇ ਹਨ । ਸੱਤਾ ਅੱਗੇ ਕਿਸ ਦੀ ਓਕ ਟੋਕ ਹੋ ਸਕਦੀ ਹੈ ? ਇਕ ਸਵਾਲ ਹੈ ਚੋਣ ਤਾਂ  , ਫਿਰ ਤੋਂ ਅਦਿਤਿਆਨਾਥ ਯੋਗੀ ਯੂ ਪੀ ਵਿੱਚ ਪਹਿਲਾਂ ਨਾਲ਼ੋਂ ਵਧ ਬਹੁਮਤ ਨਾਲ ਜਿੱਤ ਚੁੱਕੇ ਹਨ , ਕੀ ਉਹ ਭੀ ਅਜਿਹਾ ਸੋਚ ਸਕਦੇ ਹਨ ਕਿ ਮੈਂ (ਯੋਗੀ) ਰਾਮ ਮੰਦਰ ਜਾ ਕਾ ਸਹੁੰ ਚੁੱਕ ਲਵਾਂ ! ਇਹ ਅਸੰਭਵ ਹੈ , ਲੋਕ ਤੰਤਰ ਦੇ ਸੰਵਿਧਾਨ ਦੇ ਵਿਰੁੱਧ ਹੈ । ਜਿੱਥੋਂ ਤੱਕ ਸ਼ਹੀਦ ਭਗਤ ਸਿੰਘ ਨਾਲ ਸਬੰਧਤ ਹੈ , ਇਹੀ ਕਣਕ ਦੇ ਖੇਤ ਬਚਾਏ ਜਾਂਦੇ ਅਤੇ ਕਰੋੜਾਂ ਰੁਪਏ ਦੀ  ਬਰਬਾਦੀ ਬੱਚਾ ਕੇ , ਭਗਤ ਸਿੰਘ ਦੇ ਦੇਸ਼ ਦੇ ਲੋਕਾਂ ਦੇ ਪੇਟੀਂ ਪੈਦਾ , ਇਕ  ਸ਼ਹੀਦ ਦੇ ਸੁਪਨਿਆਂ ਵੱਲ ਨੂੰ ਰਾਹ ਤੁਰਦਾ । ਪੰਜਾਬ ਦੇ ਲੋਕਾਂ ਨੇ ਬੜੇ ਸਿਆਸੀ ਤੇ ਭਰਿਸ਼ਟਾਚਾਰ ਦੀ ਦਹਾਕਿਆਂ ਦੀ ਤੰਗੀ ਤੋਂ ਬਾਅਦ ਇਕ ਨਵੀਂ  “ਆਮ ਪਾਰਟੀ” ਦੇ ਹੱਥ ਆਪਣੀ ਕਿਸਮਤ ਦਾ ਫੈਸਲਾ ਦਿੱਤਾ ਹੈ । ਇਸ ਨਵੇਂ ਦੌਰ ਵਿੱਚ ਹਰ ਚੰਗੇ ਪਰੀਵਰਤਨ ਲਈ ਉਹ ਤਾਂ ਆਸਵੰਦ ਹੀ ਰਹਿਣਗੇ । ਪਰੰਤੂ ਇਸ ਨਵੇਂ ਰਾਜ ਪ੍ਰਬੰਧ ਨੂੰ ਸ਼ੁਰੂ ਵਿੱਚ ਹੀ ਜੇ “ਪੀੜੀ ਥੱਲੇ ਸੋਟਾ ਫੇਰਨ “ ਵਾਲੀ ਗੱਲ ਕਹੀਏ ਤਾਂ ਸ਼ਾਇਦ ਰਾਜ ਪ੍ਰਬੰਧ ਤੇ ਬੇ- ਵਿਸ਼ਵਾਸੀ ਵਾਲੀ ਗੱਲ ਲੱਗਣ ਲੱਗ ਜਾਂਦੀ ਹੈ । —- ਪਰਮਿੰਦਰ ਸਿੰਘ ਬਲ , ਯੂ ਕੇ- psbal46@hotmail.com

ਹੋਲਿਕਾ ਬਨਾਮ ਮਨੀਸ਼ਾ ! ✍️ ਸਲੇਮਪੁਰੀ ਦੀ ਚੂੰਢੀ

ਅੱਜ ਦੇਸ਼ ਵਿਚ  ਹੋਲੀ ਮਨਾਈ ਜਾ ਰਹੀ ਹੈ। ਕਈ ਲੋਕ ਇੱਕ ਦੂਜੇ ਉਪਰ ਰੰਗ ਸੁੱਟ ਰਹੇ ਹਨ ਅਤੇ ਖੁਸ਼ੀ ਮਨਾ ਰਹੇ ਹਨ । ਮਿਥਿਹਾਸ ਮੁਤਾਬਿਕ ਹੋਲਿਕਾ ਨਾਂ ਦੀ ਇਕ ਲੜਕੀ ਨੂੰ ਹੋਲੀ ਤਿਉਹਾਰ ਦੀ ਮੁੱਖ ਨਾਇਕਾ ਮੰਨਿਆ ਜਾ ਰਿਹਾ ਹੈ, ਜਿਸ ਕਰਕੇ ਉਸ ਨੂੰ ਪੂਜਿਆ ਵੀ ਜਾ ਰਿਹਾ ਹੈ ਅਤੇ ਜਲਾਇਆ ਵੀ ਜਾ ਰਿਹਾ ਹੈ। ਹੁਣ ਸੋਚਣ ਵਾਲੀ ਗੱਲ ਇਹ ਹੈ ਕਿ ਜੇਕਰ ਹੋਲਿਕਾ ਬੁਰੀ ਸੀ ਤਾਂ, ਫਿਰ ਉਸ ਨੂੰ ਪੂਜਿਆ ਕਿਉਂ ਜਾ ਰਿਹਾ ਹੈ ਅਤੇ ਜੇਕਰ ਉਹ ਚੰਗੀ ਸੀ ਤਾਂ, ਫਿਰ ਉਸ ਨੂੰ ਜਲਾਇਆ ਕਿਉਂ ਜਾ ਰਿਹਾ ਹੈ?
ਮਿਥਿਹਾਸ ਮੁਤਾਬਿਕ  ਹੋਲਿਕਾ ਨੂੰ ਜਿਉਂਦੀ ਨੂੰ ਹੀ ਅੱਗ ਲਗਾ ਕੇ ਜਲਾ ਦਿੱਤਾ ਗਿਆ ਸੀ। ਮਿਥਿਹਾਸ ਮੁਤਾਬਿਕ ਜਲਾਇਆ ਵੀ ਉਸ ਨੂੰ ਉਸ ਦੇ ਵਿਆਹ ਤੋਂ ਇੱਕ ਦਿਨ ਪਹਿਲਾਂ ਗਿਆ ਸੀ ਕਿਉਂ?
ਦੇਸ਼ ਦੇ ਉੱਤਰ ਪ੍ਰਦੇਸ਼ ਰਾਜ ਦੇ ਸ਼ਹਿਰ ਹਾਥਰਸ ਵਿਚ ਵੀ 20 ਸਤੰਬਰ, 2020 ਨੂੰ 19 ਸਾਲਾ ਮਨੀਸ਼ਾ ਨਾਂ ਦੀ  ਇਕ 'ਹੋਲਿਕਾ' ਨੂੰ ਜਿਊਂਦਿਆਂ ਜਲਾ ਦਿੱਤਾ ਗਿਆ ਸੀ!
ਮਿਥਿਹਾਸ ਮੁਤਾਬਿਕ ਹੋਲਿਕਾ ਵੀ ਭਾਰਤ ਦੀ ਮੂਲ-ਨਿਵਾਸੀ ਲੜਕੀ ਸੀ, ਜਿਵੇਂ ਮਨੀਸ਼ਾ ਮੂਲ-ਨਿਵਾਸੀ (ਦਲਿਤ) ਪਰਿਵਾਰ ਦੀ ਬੇਟੀ ਸੀ।
ਬਾਬਾ ਸਾਹਿਬ ਡਾ ਬੀ ਆਰ ਅੰਬੇਦਕਰ ਨੇ 25 ਦਸੰਬਰ, 1927 ਨੂੰ ਇੱਕ ਅਜਿਹੇ ਗ੍ਰੰਥ ਨੂੰ ਜਲਾ ਕੇ ਰੋਸ ਪ੍ਰਗਟ ਕੀਤਾ ਸੀ, ਜਿਸ ਵਿਚ ਸਦੀਆਂ ਤੋਂ ਔਰਤਾਂ ਅਤੇ ਦਲਿਤਾਂ ਨੂੰ ਗੁਲਾਮ ਬਣਾ ਕੇ ਰੱਖਣ ਲਈ ਗੈਰ-ਮਨੁੱਖੀ ਕਾਨੂੰਨ ਦਰਜ ਹੈ।
ਜਾਪਦਾ ਹੈ ਕਿ ਹਾਥਰਸ ਦੀ ਬੇਟੀ ਮਨੀਸ਼ਾ ਦੀ ਤਰ੍ਹਾਂ ਹੀ ਹੋਲਿਕਾ ਜਲਾਈ ਹੋਵੇਗੀ?
ਇੱਕ ਹੋਰ ਮਿਥਿਹਾਸਿਕ ਜਾਣਕਾਰੀ ਮੁਤਾਬਿਕ ਹੋਲਿਕਾ ਪ੍ਰਹਿਲਾਦ ਨੂੰ ਆਪਣੀ ਗੋਦ ਵਿਚ ਲੈ ਕੇ ਅੱਗ ਵਿਚ ਬੈਠੀ ਸੀ, ਦੇ ਦੌਰਾਨ ਹੋਲਿਕਾ ਜਲ ਗਈ ਸੀ, ਜਦਕਿ ਪ੍ਰਹਿਲਾਦ ਬਚ ਗਿਆ ਸੀ!
ਦੋਸਤੋ! ਜੇ ਪ੍ਰਹਿਲਾਦ ਬਚ ਗਿਆ ਸੀ ਤਾਂ ਫਿਰ 'ਹੈਪੀ ਪ੍ਰਹਿਲਾਦ' ਦਾ ਤਿਉਹਾਰ ਮਨਾਇਆ ਜਾਣਾ ਚਾਹੀਦਾ ਸੀ, 'ਹੈਪੀ ਹੋਲੀ' ਤਿਉਹਾਰ ਕਿਉਂ?
ਇਸ ਲਈ ਚਾਹੀਦਾ ਹੈ ਕਿ ਅਸੀਂ ਆਪਣੇ ਦਿਮਾਗ ਦੀ ਬੱਤੀ ਜਲਾ ਕੇ, ਸੱਚ ਦੀ ਖੋਜ ਕਰੀਏ।
 ਆਉ!  ਵਿਗਿਆਨ ਅਤੇ ਇਤਿਹਾਸ ਦੀ ਸਾਣ 'ਤੇ ਦਿਮਾਗ ਨੂੰ ਤਿੱਖਾ ਕਰਕੇ ਸੱਚ ਦੀ ਖੋਜ ਕਰੀਏ, ਇਸੇ ਵਿਚ ਸਮਾਜ ਦਾ ਭਲਾ ਹੈ।
ਦੋਸਤੋ! ਆਮ ਤੌਰ 'ਤੇ ਮਿਥਿਹਾਸਿਕ ਤਿਉਹਾਰ  ਪੁਜਾਰੀਆਂ, ਵਪਾਰੀਆਂ ਅਤੇ ਸਿਆਸਤਦਾਨਾਂ ਲਈ ਵਰਦਾਨ ਹੁੰਦੇ ਹਨ, ਜਦ ਕਿ ਆਮ ਲੋਕਾਂ ਲਈ ਖਰਚ ਦਾ ਖੌ ਅਤੇ ਲੜਾਈਆਂ ਦਾ ਕਾਰਨ ਬਣਦੇ ਹਨ!
ਦੋਸਤੋ! ਸਾਨੂੰ ਇੱਕ ਗੱਲ ਸਮਝ ਲੈਣੀ ਚਾਹੀਦੀ ਹੈ ਕਿ, ਜਿਹੜੇ ਲੋਕ ਰਾਜ-ਸੱਤਾ 'ਤੇ ਕਾਬਜ ਹੁੰਦੇ ਹਨ, ਉਹ ਵਿਕਾਊ ਲੇਖਕਾਂ /ਪੱਤਰਕਾਰਾਂ / ਇਤਿਹਾਸਕਾਰਾਂ /ਕਹਾਣੀਕਾਰਾਂ /ਕਵੀਆਂ /ਨਾਵਲਕਾਰਾਂ/ਨਾਵਲਕਾਰਾਂ ਕੋਲੋਂ ਆਪਣੀ ਪ੍ਰਸੰਸਾ ਵਿਚ ਗ੍ਰੰਥ / ਕਿਤਾਬਾਂ ਲਿਖਵਾਉਂਦੇ ਹਨ। ਵਿਕਾਊ ਲੇਖਕ  ਸੱਚ ਨੂੰ ਝੂਠ, ਝੂਠ ਨੂੰ ਸੱਚ, ਇਤਿਹਾਸ ਨੂੰ ਮਿਥਿਹਾਸ, ਮਿਥਿਹਾਸ ਨੂੰ ਇਤਿਹਾਸ, ਵਿਗਿਆਨ ਨੂੰ ਅੰਧ-ਵਿਸ਼ਵਾਸ਼ ਅਤੇ ਅੰਧ-ਵਿਸ਼ਵਾਸ਼ ਨੂੰ ਵਿਗਿਆਨਕ ਲੀਹਾਂ 'ਤੇ ਤੋਰਕੇ ਲੋਕਾਂ ਦੀ ਮਾਨਸਿਕਤਾ ਬਦਲਾਉਣ ਲਈ ਰੁੱਝੇ ਰਹਿੰਦੇ ਹਨ। ਜਾਪਦਾ ਹੈ ਕਿ ਹੋਲਿਕਾ ਨਾਲ ਸਬੰਧਿਤ ਕਹਾਣੀ ਵੀ ਇਤਿਹਾਸਕ ਨਾ ਹੋ ਕੇ ਮਿਥਿਹਾਸਿਕ ਸਿਰਜਣਾ ਹੈ, ਜਿਸ ਨੂੰ ਉਸ ਸਮੇਂ ਦੇ ਰਾਜੇ ਨੇ ਲਿਖਵਾਇਆ ਹੋਵੇਗਾ, ਕਿਉਂਕਿ ਜਿਸ ਦੀ ਸੋਟੀ ਹੁੰਦੀ ਹੈ, ਉਸ ਦੀ ਮੱਝ ਹੁੰਦੀ ਹੈ!
ਦੇਸ਼ ਦੀ ਰਾਜ-ਸੱਤਾ 'ਤੇ ਲੰਬਾ ਸਮਾਂ ਕਾਬਜ ਰਹੀ ਕਾਂਗਰਸ ਨੇ ਆਪਣੀ ਮਰਜੀ /ਆਪਣੇ ਢੰਗ ਨਾਲ ਰਾਜ ਕੀਤਾ। ਕਾਂਗਰਸ ਨੇ ਕਦੀ ਸੋਚਿਆ ਵੀ ਨਹੀਂ ਹੋਵੇਗਾ ਕਿ, ਉਹ ਇਕ ਦਿਨ ਦੇਸ਼ ਦੀ ਰਾਜ-ਸੱਤਾ ਤੋਂ ਲਾਂਭੇ ਹੋ ਕੇ ਰਹਿ ਜਾਵੇਗੀ।  ਇਸੇ ਤਰ੍ਹਾਂ ਹੀ ਸ੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਦਿਮਾਗ ਵਿਚ ਵੀ ਇਹ ਹੀ ਗੱਲ ਹੋਵੇਗੀ ਕਿ ਪੰਜਾਬ ਉਪਰ ਅਕਾਲੀ ਦਲ ਤੋਂ ਸਿਵਾਏ ਹੋਰ ਕਿਸੇ ਪਾਰਟੀ ਦਾ ਰਾਜ ਕਾਇਮ ਨਹੀਂ ਹੋਵੇਗਾ, ਇਸੇ ਲਈ ਅਕਾਲੀ ਦਲ ਨੇ 20 ਅਪ੍ਰੈਲ, 1979 ਵਿਚ  ਪੰਜਾਬ ਦੇ ਸਰਕਾਰੀ ਦਫਤਰਾਂ ਵਿਚ ਮੌਜੂਦਾ ਮੁੱਖ ਮੰਤਰੀ, ਪ੍ਰਧਾਨ ਮੰਤਰੀ, ਰਾਸ਼ਟਰਪਤੀ ਅਤੇ ਮਹਾਤਮਾ ਗਾਂਧੀ ਦੀ ਤਸਵੀਰ   ਲਗਾਉਣ ਲਈ ਕਾਨੂੰਨ ਪਾਸ ਕਰ ਦਿੱਤਾ ਸੀ, ਜੋ ਹੁਣ ਤਕ ਚਲਦਾ ਆ ਰਿਹਾ ਸੀ।ਅਕਾਲੀ ਦਲ ਨੂੰ ਇਹ ਲੱਗ ਰਿਹਾ ਸੀ ਕਿ ਪੰਜਾਬ ਵਿਚ ਅਕਾਲੀ ਦਲ ਦਾ ਹੀ ਰਾਜ ਰਹੇਗਾ, ਜਿਸ ਕਰਕੇ ਦਫਤਰਾਂ ਵਿਚ ਉਸ ਨਾਲ ਸਬੰਧਿਤ ਮੁੱਖ ਮੰਤਰੀ ਦੀ ਤਸਵੀਰ ਹੀ ਦਿਖਾਈ ਦੇਵੇਗੀ। ਪਰ ਅੱਜ ਪੰਜਾਬ ਵਿਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਆਉਂਦਿਆਂ ਹੀ ,  ਸੂਬੇ ਦੇ ਸਾਰੇ ਸਰਕਾਰੀ ਦਫਤਰਾਂ ਵਿਚ ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ ਬਾਬਾ ਸਾਹਿਬ ਡਾ ਬੀ ਆਰ ਅੰਬੇਦਕਰ ਸਾਹਿਬ ਅਤੇ ਸ਼ਹੀਦ-ਏ-ਆਜਮ ਭਗਤ ਸਿੰਘ ਦੀਆਂ ਤਸਵੀਰਾਂ ਲਗਾਉਣ ਲਈ ਹੁਕਮ ਜਾਰੀ ਕੀਤੇ ਹਨ। ਇਸੇ ਲਈ ਤਾਂ ਕਹਿੰਦੇ ਹਨ ਕਿ, ਜਿਸ ਦੀ ਸੋਟੀ, ਉਸ ਦੀ ਮੱਝ!

-ਸੁਖਦੇਵ ਸਲੇਮਪੁਰੀ
09780620233
18 ਮਾਰਚ, 2022.

ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸੰਦੀਪ ਨੰਗਲ ਅੰਬੀਆ ਨੂੰ ਅੰਤਿਮ ਵਿਦਾਇਗੀ

ਕੁਝ ਦਿਨ ਪਹਿਲਾਂ ਸ਼ਰੇਆਮ ਚੱਲਦੇ ਪ੍ਰੋਗਰਾਮ ਵਿੱਚ ਹੋਇਆ ਸੀ ਕਤਲ

ਨਕੋਦਰ , 19 ਮਾਰਚ  (ਜਨ ਸ਼ਕਤੀ ਨਿਊਜ਼ ਬਿਊਰੋ)  ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸੰਦੀਪ ਨੰਗਲ ਅੰਬੀਆਂ ਨੂੰ ਲੱਖਾਂ ਹੀ ਲੋਕਾਂ ਨੇ ਸੇਜਲ ਅੱਖਾਂ ਨਾਲ ਦਿੱਤੀ ਅੰਤਿਮ ਵਿਦਾਇਗੀ । ਸਮੁੱਚੇ ਕਬੱਡੀ ਜਗਤ ਚੋਂ ਅਤੇ ਪੂਰੀ ਦੁਨੀਆਂ ਦੇ ਕੋਨੇ ਕੋਨੇ ਤੋਂ ਪਹੁੰਚੀਆਂ ਸੰਗਤਾਂ ਨੇ ਅੱਜ ਮਾਂ ਖੇਡ ਕਬੱਡੀ ਜਗਤ ਨਾਲ ਜੁੜੇ ਹੋਏ ਨੌਜਵਾਨ ਕਬੱਡੀ ਖਿਡਾਰੀ ਸੰਦੀਪ ਨੰਗਲ ਅੰਬੀਆਂ ਨੂੰ ਕਿਤੇ ਸ਼ਰਧਾ ਦੇ ਫੁੱਲ ਭੇਟ । ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸੰਦੀਪ ਨੰਗਲ ਅੰਬੀਆਂ ਦਾ ਪਿਛਲੇ ਦਿਨੀਂ ਇਕ ਖੇਡ ਮੇਲੇ ਦੌਰਾਨ ਗੋਲੀਆਂ ਮਾਰ ਕੇ ਦਿਨ ਦਿਹਾੜੇ ਕਤਲ ਕਰ ਦਿੱਤਾ ਗਿਆ ਸੀ । ਜਿਸ ਨਾਲ ਕਬੱਡੀ ਖੇਡ ਜਗਤ ਉੱਪਰ ਇੱਕ ਨਾ ਮਿਟਣ ਵਾਲਾ ਧੱਬਾ ਵੀ ਲੱਗਾ ਜਿਸ ਤਰੀਕੇ ਨਾਲ ਇਸ ਮਾਣ ਮੱਤੇ ਇਤਿਹਾਸ ਵਾਲੇ ਕਬੱਡੀ ਖਿਡਾਰੀ ਦਾ ਕਤਲ ਕੀਤਾ ਗਿਆ ਉਹ ਇੱਕ ਬਹੁਤ ਹੀ ਵੱਡੇ ਵਿਸ਼ੇ ਵਾਲੀ ਗੱਲ ਹੈ । ਪਰ ਅੱਜ ਬਹੁਤ ਅਫਸੋਸ ਹੈ ਇਸ ਗੱਲ ਦਾ ਦੋ ਬੱਚਿਆਂ ਦਾ ਬਾਪ ਆਪਣੇ ਪਿੱਛੇ ਨੌਜਵਾਨ ਲੜਕੀ ਨੂੰ ਵਿਧਵਾ ਕਰ ਗਿਆ ਜਿਸ ਵਿੱਚ ਪੰਜਾਬ ਦੇ ਇਨ੍ਹਾਂ ਨੌਜਵਾਨਾਂ ਦੀ ਆਪਹੁਦਰੇਪਣ ਦੀ ਇਕ ਮੂੰਹ ਬੋਲਦੀ ਦੁਖਦਾਈ ਤਸਵੀਰ ਸਾਹਮਣੇ ਆਉਂਦੀ ਹੈ । ਅੱਜ ਸਾਨੂੰ ਵਿਚਾਰ ਲਈ ਮਜਬੂਰ ਕਰਦੀ ਹੈ ਕਦੋਂ ਤਕ ਇਸ ਤਰ੍ਹਾਂ ਹੀ ਸਾਡੇ ਹੋਣਹਾਰ ਨੌਜਵਾਨ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਵਿੱਚ ਬਲੀ ਚੜ੍ਹਦੇ ਰਹਿਣਗੇ । ਅੱਜ ਸਮੁੱਚਾ ਪੰਜਾਬ , ਪੰਜਾਬ ਸਰਕਾਰ ਤੋਂ ਇਸ ਦੀ ਪੁਖ਼ਤਾ ਅਤੇ ਸਹੀ ਜਾਂਚ ਤੋਂ ਬਾਅਦ ਜਲਦੀ ਤੋਂ ਜਲਦੀ ਦੋਸ਼ੀਆਂ ਨੂੰ ਕਟਹਿਰੇ ਵਿੱਚ ਖੜ੍ਹਾ ਕਰ ਕੇ ਸਖ਼ਤ ਤੋਂ ਸਖ਼ਤ ਸਜ਼ਾਵਾਂ ਦੇ ਕੇ ਇਸ ਮਾਂ ਖੇਡ ਕਬੱਡੀ ਦੇ ਹੋਣਹਾਰ ਸਪੂਤ ਨੂੰ ਅਤੇ ਸਮੁੱਚੇ ਪੰਜਾਬ ਵਾਸੀਆਂ ਨੂੰ ਇਨਸਾਫ ਦੀ ਮੰਗ ਕਰਦਾ ।

 

ਗੁਰਦੁਆਰਾ ਸਾਹਿਬਾਨ ਅੰਦਰ ਹੁੱਲੜਬਾਜ਼ੀ ਅਤੇ ਗੁੰਡਾਗਰਦੀ ਕੌਣ ਕਰਵਾ ਰਿਹਾ - ਪਰਮਿੰਦਰ ਸਿੰਘ ਬਲ

ਬਦੇਸ਼ਾਂ ਵਿੱਚ ਗੁਰਦੁਆਰਿਆ ,ਸੰਸਥਾਵਾਂ ਅਤੇ ਸਿੱਖ ਸੰਗਤਾਂ ਵਿੱਚ ਮੌਜੂਦਾ ਸਮੇਂ , ਹੁੱਲੜਬਾਜ਼ੀ ਅਤੇ ਗੁੰਡਾ-ਗਰਦੀ ਕੌਣ ਕਰਵਾ ਰਿਹਾ ਹੈ । ਨਿਰਸੰਦੇਹ ਇਹ ਕੰਮ ਇੰਦਰਾ ਭਗਤਾਂ ,ਕਾਂਗਰਸੀ ,ਕਾਮਰੇਡਾਂ ਅਤੇ ਕੇ ਪੀ ਗਿੱਲ ਦੇ ਟਾਊਟਾਂ ਦਾ ਹੈ । ਇਹ ਲੋਕ ਸਿੱਖੀ ਭੇਸ ਵਿੱਚ ਕੁਝ ਉਹ ਨੌਜਵਾਨੀ ਦੇ ਲੋਕ ਦਿਸ  ਰਹੇ ਹਨ ਜਿਨਾਂ ਦੇ ਵਡਿਆਂ ਨੇ ਸਿੱਖ ਕੌਮ ਨਾਲ ਮੁਖਬਰੀਆਂ ਕੀਤੀਆਂ । ਇਨ੍ਹਾਂ ਹੀ ਲੋਕ ਜ਼ੁਲਮ ਦੇ ਕੁਹਾੜੇ ਦਾ ਦਸਤਾ ਬਣੇ ਜਦੋਂ , ਇੰਦਰਾ , ਰਾਜੀਵ ਨੇ ਸਿੱਖ ਕੌਮ ਤੇ ਅੱਤਿਆਚਾਰ ਕੀਤੇ । ਯੂ ਕੇ ਵਿਚ ਸਿੱਖਾਂ ਦੀ ਪੁਲੀਸ ਵਿਚ ਭਰਤੀ ਰੋਕਣੀ । “ਸਰਬੱਤ ਦੇ ਭਲੇ ਦੀ ਅਰਦਾਸ “ਨੂੰ ਪਿੱਠ ਦੇ ਕੇ ਗੁਰਦੁਆਰੇ ਦੇ ਗ੍ਰੰਥੀ ਸਾਹਿਬਾਨ ਨੂੰ ਮੰਦਾ ਬੋਲਣਾ , ਮੁਆਫ਼ੀ ਮੰਗਣ ਲਈ ਧਮਕੀਆਂ ਦੇਣੀਆਂ । ਕੁਝ ਕੁ ਗੁੰਡਿਆਂ ਦਾ ਰੂਪ ਸੰਗਤ ਵਿਚ ਭੈ ਭੀਤ ਕਰੇ  , ਡਰਾਵੇ ਦੇਵੇ , ਮੰਦਭਾਗੀ ਨਿੰਦਣਯੋਗ ਵਾਰਤਾ ਹੈ ।84 ਸਮੇਂ ਤੋਂ ਪਹਿਲਾਂ ਇੰਦਰਾ ਭਗਤ ਜੋ “ਲਲਕਾਰ” ਅਖਬਾਰ ਕਡਦੇ ਸਿੱਖ , ਪੰਥ ਵਿਰੋਧੀ ਪੱਖ ਪੂਰਦੇ ਸਨ ਅੱਜ ਉਹਨਾਂ ਦੀ ਹੀ ਔਲਾਦ ਨਵੇਂ ਰੂਪ ਵਿੱਚ ਸਿੱਖ ਪੰਥ ਵਿੱਚ ਨਫ਼ਰਤ ਪੈਦਾ ਕਰਕੇ ਇੰਦਰਾ ਟੱਬਰ ਦੀ ਹੀ ਜੈ ਜੈ ਕਾਰ ਦਾ ਕੰਮ ਕਰ ਰਹੇ ਹਨ । ਇੰਦਰਾ ਟੱਬਰ ਦੀ ਸਿਆਸੀ ਸੱਤਾ ਖਤਮ ਹੋਣ ਉਪਰੰਤ ਜਦ ਤੋਂ ਮੋਦੀ ਸਰਕਾਰ ਨੇ ਰਾਜ-ਕਾਜ  ਸੰਭਾਲ਼ਿਆ , ਇਹਨਾਂ ਨੂੰ ਜਿਵੇਂ ਸੱਪ ਸੁੰਘ ਗਿਆ ਹੈ । ਮੋਦੀ ਸਰਕਾਰ ਜੇ ਕਾਂਗਰਸੀ ਕਾਤਲਾਂ ( ਜਿਨਾਂ 1984 ਵਿੱਚ ਸਿੱਖਾਂ ਨੂੰ ਸਾੜਿਆ ,ਮਾਰਿਆ) ਨੂੰ ਜੇਲ੍ਹਾਂ ਅੰਦਰ ਡਕਦੀ ਹੈ , ਤਾਂ ਇਹਨਾਂ ਸਿੱਖੀ ਭੇਖ ਵਿੱਚ ਭੇਖੀ ਟਾਊਟਾਂ ਦੀ ਔਲਾਦ ਨੂੰ ਤਕਲੀਫ਼ ਹੁੰਦੀ ਹੈ । ਭਾਰਤ ਸਰਕਾਰ ਨੇ 400 ਤੋਂ ਵੱਧ ਦਿੱਲੀ ਦੰਗਿਆਂ ਦੇ ਕੇਸ ਫਿਰ ਤੋਂ ਖੋਲੇ , ਉਹਨਾਂ ਵਿੱਚੋਂ ਕਈ ਦੋਸ਼ੀਆਂ ਨੂੰ ਜੇਲੀ ਭੇਜਿਆ , ਜ਼ਿਹਨਾਂ ਨੇ ਸਿੱਖਾਂ ਤੇ ਤਸ਼ਦੱਦ ਕੀਤਾ ਸੀ । ਬਦੇਸ਼ ਵੱਸਦੇ ਸਿੱਖਾਂ ਵਿੱਚ ਗਲਤ ਅੰਸ਼ ਨੂੰ ਜੋ ਉੱਪਰ ਦੱਸੇ ਅਨੁਸਾਰ ਜਨਮ ਦੇ ਰਹੇ ਹਨ । ਉਹ ਲੋਕ ਸਮੁੱਚੀ ਕੌਮ ਨਾਲ ਗਦਾਰੀ ਕਰ ਰਹੇ ਹਨ। ਪਿੱਛੇ ਜਿਹੇ ਇਕ ਟੈਲੀਵੀਜ਼ਨ ਪਰੇਜੈਟਰ ਨੇ ਯੂ ਕੇ ਵਿੱਚ ਕੁਝ ਅੱਖੌਤੀ ਖਾਲਿਸਤਾਨੀਆਂ ਦੇ ਮੂੰਹ ਤੋਂ ਜਿਉਂ ਹੀ ਮਖੌਟਾ ਉਤਾਰਿਆ , ਇਹਨਾਂ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ ।ਇਹ ਉਸ ਨੂੰ ਘੂਰਦੇ ਹੋਏ , ਮਿੰਨਤਾਂ ਕਰਦੇ ਹੋਇਆਂ ਨੇ , ਉੱਡਦੀ ਕਾਲਖ ਉੱਤੇ ਪਾਣੀ ਪਾਇਆ । ਪਰ ਕਰਤੂਤਾਂ ਤੇ ਸਿੱਖ ਸੰਗਤਾਂ ਨਾਲ ਕੀਤੇ ਧੋਖਿਆਂ ਦਾ ਸੱਚ ਤਾਂ ਬਾਹਰ ਆ ਚੁੱਕਾ ਸੀ । ਪਰ ਅੱਜ ਮਸਲਾ ਹੋਰ ਕਦਮ ਟੱਪ ਕੇ ਅੱਗੇ ਆ ਚੁੱਕਾ ਹੈ ਕਿ ਸਮਾਜ ਵਿੱਚ ਨਫ਼ਰਤ ਫੈਲਾਉਣ ਅਤੇ ਭੈ ਭੀਤ (hate and terrorism ) ਕਰਨ ਵਾਲਿਆਂ ਲਈ ਅਤੇ ਉਹਨਾਂ ਨੂੰ ਦਰੁਸਤ ਰਾਹ ਦੱਸਣ ਲਈ ਯੂ ਕੇ ਵਿੱਚ ਦੋ ਵੱਖਰੇ ਕਾਨੂੰਨ ਹਨ । ਇਹਨਾਂ ਕਾਨੂੰਨਾਂ ਰਾਹੀ ਕਿਸੇ ਵੀ ਉਪਰੋਕਤ ਗੁੰਡਾ -ਗਰਦੀ ਨੂੰ ਨੱਥ ਪਾਈ ਜਾ ਸਕਦੀ ਹੈ । ਇਹੀ ਕਾਨੂੰਨ ਅਸੀਂ ਬਦੇਸੀ ਵੱਸੋਂ ਨੇ ਖੁਦ ਹੀ ਮੰਗੇ , ਦਹਾਕਿਆਂ ਬਾਦ ਸਾਡੇ ਹੀ ਬਚਾਅ ਲਈ ਬਣਾਏ ਗਏ । ਅੱਜ ਭੇਖੀ ਬਹੁਰੂਪੀਏ ਜੇ ਇਸ ਤਰਾਂ ਸੁਸਾਇਟੀ ਲਈ ਨਫ਼ਰਤ ਅਤੇ ਭੈ ਭੀਤ ਦਾ ਮਾਹੌਲ ਪੈਦਾ ਕਰਨਗੇ ਤਾਂ ਉਸ ਦਾ ਉੱਤਰ ਕਾਨੂੰਨ ਹੀ ਦੇਵੇਗਾ । ਏਸ਼ੀਅਨ ਆਬਾਦੀ ਅਤੇ ਖਾਸਕਰਕੇ ਸਿੱਖਾਂ ਲਈ ਸੋਚਣਾ ਲਾਜ਼ਮੀ ਬਣ ਗਿਆ ਹੈ ਕਿ ਉਹ ਬਰਿਟਿਸ਼ ਸ਼ਹਿਰੀ ਹੁੰਦੇ ਹੋਏ , ਆਪਣੇ ਧਰਮ , ਵਿਰਾਸਤੀ ਸਵੈ-ਮਾਣ ਨੂੰ ਕਿਵੇਂ ਮਹਿਫੂਜ ਰੱਖ ਸਕਦੇ ਹਨ ? ਜਿਸ ਦੇਸ਼ ਵਿੱਚ ਜਨਮ ਭੂਮੀ ਹੋਵੇ , ਆਪਣੇ ਪਰਵਾਰਾਂ ਦਾ ਪਸਾਰਾ ਹੋਵੇ , ਕਾਰੋਬਾਰੀ ਖ਼ਿੱਤੇ ਹੋਣ , ਉਸ ਮੁਲਕ ਦੇ ਸਮਾਜ , ਜਾਨ ਮਾਲ ਦੀ ਰਾਖੀ ਕਰਨੀ ਦੁਨੀਆ ਵਿੱਚ ਰਹਿੰਦਿਆਂ ਇਕ ਮੁੱਖ ਕਰਤੱਵ ਹੁੰਦਾ ਹੈ । ਯੂ .ਕੇ .ਸਾਡਾ ਅਤੇ ਸਾਡੀਆਂ ਆਉਂਦੀਆਂ ਪੀੜੀਆਂ ਦਾ ਆਪਣਾ ਦੇਸ਼ ਹੈ । ਇਸ ਦੇਸ਼ ਦੀ ਪੁਲੀਸ , ਫ਼ੌਜ , ਏਅਰਫੋਰਸ, ਨੇਵੀ ਇਤਿਆਦਿਕ ਵਿੱਚ ਸੇਵਾ ਕਰਨਾ ਸਿੱਖਾਂ ਅਤੇ ਪਰਵਾਸੀ ਕਮਿਊਨਿਟੀਆ ਲਈ ਮਾਣ ਵਾਲੀ ਗੱਲ ਹੋਵੇਗੀ । ਜੋ ਲੋਕ ਇਸ ਵਿੱਚ ਅੜਿੱਕਾ ਬਣਦੇ ਹਨ , ਉਹ ਕੌਮ ਅਤੇ ਸਿੱਖ ਬਹਾਦਰ ਵਿਰਸੇ ਨਾਲ ਗਦਾਰੀ ਕਰ ਰਹੇ ਹਨ । ਅਜਿਹੇ ਧੋਖੇਬਾਜ਼ ਲੋਕ ਜਦ ਖੁਦ ਬਰਿਟਿਸ਼ ਸ਼ਹਿਰੀਅਤ ਲਈ ਲੇਲੜੀਆਂ ਕੱਢਦੇ ਹਨ , ਪਰੰਤੂ ਜਦੋਂ  ਸਮੇਂ ਦੀ ਲੋੜ  ਮੁਲਕ ਨੂੰ ਹੋਵੇ ਤਾਂ ਦੁੰਮ-ਦੁੰਬਾ ਕੇ ਖੁਦ ਨਿਪੁੰਸਕ ਚਿਹਰਾ ਦਿਖਾਲ ਕੇ ਸਮਾਜ ਨੂੰ ਪਿੱਠ ਦਿੰਦੇ ਹਨ । ਆਪਣਾ ਮੁੰਹ ਲੁਕਾਉਣ ਦੀ ਬਜਾਏ , ਸਿੱਖ ਕੌਮ ਨੂੰ ਹੀ ਗੁਮਰਾਹ ਕਰਦੇ ਹਨ ।ਜਿਹੜੀ ਸਿੱਖ ਕੌਮ ਬਹਾਦਰੀਆਂ , ਜਰਨੈਲੀਆਂ , ਕੁਰਬਾਨੀਆਂ ਲਈ ਸੰਸਾਰ ਪ੍ਰਸਿੱਧ ਰਹੀ ਹੈ । ਗੁਮਰਾਹ ਕਰਨ ਵਾਲੇ ਇਹ ਲੋਕ ਸਾਡੇ ਮਾਣਮੱਤੇ ਇਤਿਹਾਸ ਲਈ ਕਲੰਕ ਬਣ ਰਹੇ ਹਨ । ਇੰਦਰਾ ਤੇ ਉਸ ਦਾ ਪਰਵਾਰ ਇਸ ਪੱਖੋ ਹੀ ਸਿੱਖਾਂ ਨੂੰ ਖਤਮ ਕਰਨ ਤੇ ਤੁਲਿਆ ਰਿਹਾ , ਅੱਜ ਇਹੀ ਇੰਦਰਾ ਭਗਤ ਅਤੇ ਏਜੰਟ ਸਿੱਖੀ ਭੇਸ ਵਿੱਚ ਛੁਪ ਕੇ ਸਿੱਖਾਂ ਵਿਰੁੱਧ ਉਪਰੋਕਤ ਹਰਕਤਾਂ ਨਫ਼ਰਤ ਭਰੀਆਂ , ਭੈ ਭੀਤ ਕਰਨ( hate crime and terrorised) ਵਾਲੀਆਂ ਹਰਕਤਾਂ ਕਰ ਰਹੇ ਹਨ । ਸਿੱਖ ਅਤੇ ਹੋਰ ਪਰਵਾਸੀ ਲੋਕ ਇਹਨਾਂ ਧੋਖੇਬਾਜ਼ ਲੋਕਾਂ ਦੀ ਪਛਾਣ ਕਰੇ ਅਤੇ ਆਪਣੇ ਸ਼ਹਿਰੀ ਹੱਕਾਂ ਦੀ ਡਟ ਕੇ ਰਾਖੀ ਕਰੇ । —-ਪਰਮਿੰਦਰ ਸਿੰਘ ਬਲ , ਪ੍ਰਧਾਨ , ਸਿੱਖ ਫੈਡਰੇਸ਼ਨ  ਯੂ ਕੇ । email: psbal46@gmail.com

ਸ ਗੁਰਦੇਵ ਸਿੰਘ ਧਾਲੀਵਾਲ ਵਾਸੀ ਵਾਰਿੰਗਟਨ ਇੰਗਲੈਂਡ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਏ  

ਮਨਚੈਸਟਰ , 12 ਮਾਰਚ ( ਖਹਿਰਾ ) ਪੰਜਾਬ ਦੀ ਧਰਤੀ ਤੇ 1932 ਵਿੱਚ ਜਨਮੇ ਜਿਨ੍ਹਾਂ ਨੇ ਆਪਣੀ ਜ਼ਿੰਦਗੀ ਦਾ ਬਹੁਤਾ ਸਮਾਂ ਇੰਗਲੈਂਡ ਦੀ ਧਰਤੀ ਤੇ ਸ਼ਹਿਰ ਵਾਰਿੰਗਟਨ ਵਿਚ ਆਪਣੇ ਪਰਿਵਾਰ ਦੇ ਨਾਲ ਗੁਜ਼ਾਰਿਆ ਜਿਨ੍ਹਾਂ ਦਾ ਪਿਛਲਾ ਪਿੰਡ ਜ਼ਿਲ੍ਹਾ ਲੁਧਿਆਣਾ ਤਹਿਸੀਲ ਜਗਰਾਉਂ ਅੰਦਰ ਭੰਮੀਪੁਰਾ ਸੀ 7 ਮਾਰਚ ਨੂੰ ਆਪਣੇ ਸਵਾਸਾਂ ਦੀ ਪੂੰਜੀ ਪੂਰੀ ਕਰ ਇਸ ਫ਼ਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗਏ । ਸਰਦਾਰ ਗੁਰਦੇਵ ਸਿੰਘ ਧਾਲੀਵਾਲ ਆਪਣੇ ਤਕੜੇ ਜੁੱਸੇ ਇਕ ਹਸਮੁੱਖ ਅਤੇ ਵਧੀਆ ਸਮਾਜ ਸੇਵੀ ਇਨਸਾਨ ਦੇ ਤੌਰ ਤੇ ਪਿਛਲੇ 50 ਸਾਲਾਂ ਤੋਂ ਆਪਣੀ ਕਮਿਊਨਿਟੀ ਅਤੇ ਆਪਣੇ ਪਰਿਵਾਰ ਲਈ ਵਧੀਆ ਯੋਗਦਾਨ ਪਾ ਰਹੇ ਸਨ। ਪਿਛਲੇ ਕੁਝ ਸਮੇਂ ਤੋਂ ਵੱਡੀ ਉਮਰ ਦੇ ਲਿਹਾਜ਼ ਨਾਲ ਕੁਝ ਇੱਕਾ ਦੁੱਕਾ ਬਿਮਾਰੀਆਂ ਦਾ ਵੀ ਸਾਹਮਣਾ ਕਰਦੇ ਰਹੇ । ਸਰਦਾਰ ਗੁਰਦੇਵ ਸਿੰਘ ਧਾਲੀਵਾਲ ਆਪਣੇ ਪਿੱਛੇ ਪੁੱਤ, ਧੀਆਂ, ਪੋਤੇ, ਪੋਤੀਆਂ, ਦੋਹਤੇ ,ਦੋਹਤੀਆਂ ਹੱਸਦਾ ਵੱਸਦਾ ਪਰਿਵਾਰ ਛੱਡ ਗਏ ਹਨ । ਸਰਦਾਰ ਗੁਰਦੇਵ ਸਿੰਘ ਧਾਲੀਵਾਲ ਦੇ ਵੱਡੇ ਜਵਾਈ ਸਰਦਾਰ ਮੁਕੰਦ ਸਿੰਘ ਰਾਏ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਫਿਊਨਰਲ  16 ਮਾਰਚ ਦਿਨ ਬੁੱਧਵਾਰ ਨੂੰ ( ਪੂਰੀ ਜਾਣਕਾਰੀ ਲਈ ਫੋਟੋ ਵਿਚ ਦਿੱਤੇ ਇਸ਼ਤਿਹਾਰ ਨੂੰ ਪੜ੍ਹੋ ) ਨੌਰਥਵਿੱਚ ਵਿਖੇ ਸਵੇਰੇ 9 ਵਜੇ ਹੋਵੇਗਾ । ਉਸ ਤੋਂ ਉਪਰੰਤ ਗੁਰੂ ਨਾਨਕ ਗੁਰਦੁਆਰਾ ਵਾਰਿੰਗਟਨ ਵਿਖੇ ਭੋਗ ਪੈਣਗੇ ਅਤੇ ਅੰਤਿਮ ਅਰਦਾਸ ਹੋਵੇਗੀ । 

ਅੰਤਰਰਾਸ਼ਟਰੀ ਔਰਤ ਦਿਵਸ ✍️ ਜਸਵੰਤ ਕੌਰ ਬੈਂਸ ਲੈਸਟਰ ਯੂ ਕੇ

ਔਰਤਾਂ ਦਾ ਹਮੇਸ਼ਾ ਤੋਂ ਹੀ ਦੁਨੀਆਂ ਦੇ ਹਰ ਸਮਾਜ ਵਿੱਚ ਬਹੁਤ ਸਾਰੇ ਕੰਮਾਂ ਵਿੱਚ ਯੋਗਦਾਨ ਰਿਹਾ ਹੈ। ਜਿਸ ਨੂੰ ਕੋਈ ਵੀ ਕੌਮ ਅੱਖੋਂ ਉਹਲੇ ਨਹੀਂ ਕਰ ਸਕਦੀ। ਔਰਤ ਦੀ ਹੋਂਦ ਤੋਂ ਬਿਨਾ ਦੁਨੀਆ ਵਿੱਚ ਸਮਾਜ ਦਾ ਵਿਕਾਸ ਜਾਂ ਸਮਾਜ ਦਾ ਹੋਣਾ ਹੀ ਨਾਮੁਮਕਿੰਨ ਹੈ। ਦੁਨੀਆਂ ਵਿੱਚ ਅੱਜ ਦੇ ਸਮੇਂ ਵਿੱਚ ਔਰਤ ਦਿਵਸ ਅੰਤਰਰਾਸ਼ਟਰੀ ਪੱਧਰ ਤੇ ਦੁਨੀਆਂ ਭਰ ਵਿੱਚ ਮਨਾਇਆ ਜਾਂਦਾ ਹੈ। ਸ਼ਾਇਦ ਔਰਤਾਂ ਨੂੰ ਬਹੁਤ ਹੀ ਵਧੀਆ ਮਹਿਸੂਸ ਹੁੰਦਾ ਹੋਵੇ ਕਿ ਦੁਨੀਆਂ ਔਰਤ ਦਿਵਸ ਨੂੰ ਮਨਾਉਣ ਲਈ ਮਾਨਤਾ ਦਿੰਦੀ ਹੈ ਅਤੇ ਐਨੀ ਉੱਚੀ ਪੱਧਰ ਤੇ ਮਨਾਇਆ ਜਾਂਦਾ ਹੈ। ਔਰਤਾਂ ਵੀ ਹਰ ਕੰਮ ਵਿੱਚ ਅੱਗੇ ਹੋ ਕੇ ਕੰਮ ਕਰਦੀਆਂ ਹਨ। ਔਰਤਾਂ ਵੱਡੇ ਵੱਡੇ ਅਹੁਦਿਆਂ ਤੇ ਕੰਮ ਕਰਦੀਆਂ ਹਨ। ਪੜਾਈ, ਲਿਖਾਈ, ਘਰ ਦੇ ਕੰਮ, ਬਾਹਰ ਦੇ ਕੰਮ ਔਰਤਾਂ ਕਰਦੀਆਂ ਹਨ। ਪ੍ਰੀਵਾਰਾਂ ਦੀ ਦੇਖ ਭਾਲ, ਬੱਚਿਆਂ ਦੀ ਦੇਖ ਭਾਲ, ਜੌਬ ਹਰ ਕੰਮ ਦੌੜ ਭੱਜ ਕੇ ਖੁਸ਼ ਹੋ ਕੇ ਕਰਦੀਆਂ ਹਨ। ਔਰਤ ਦਿਵਸ ਦੇ ਇਤਿਹਾਸ ਅਨੁਸਾਰ ਇਸ ਦਿਨ ਨੂੰ ਇਸ ਲਈ ਮਨਾਉਣਾ ਸ਼ੁਰੂ ਕੀਤਾ ਸੀ ।ਕਿਉਂਕਿ ਔਰਤਾਂ ਨੇ ਵੀ  ਉਸ ਸਮੇਂ ਵਿੱਚ ਆਰਥਿਕ, ਰਾਜਨੀਤਕ, ਸਮਾਜਿਕ ਖੇਤਰ ਵਿੱਚ ਆਪਣਾ ਬਹੁਤ ਯੋਗਦਾਨ ਪਾਇਆ ।ਔਰਤਾਂ ਦਾ ਯੋਗਦਾਨ ਵਿਰਸੇ ਅਤੇ ਸਭਿਆਚਾਰ ਦੀ ਪ੍ਰਫੁਲਤਾ ਲਈ, ਸੁਸਾਇਟੀ ਵਿੱਚ ਵਧੀਆ ਯੋਗਦਾਨ ਪਾਉਣ ਲਈ ਔਰਤਾਂ ਲਈ ਸਾਲ ਵਿੱਚ ਇਹ ਇੱਕ ਦਿਨ ਚੁਣਿਆ ਗਿਆ ਅਤੇ ਜਿਸਨੂੰ  ਔਰਤ ਦਿਵਸ ਕਹਿ ਕੇ ਮਾਨਤਾ ਦਿੱਤੀ ਗਈ।
  ਔਰਤ ਦਿਵਸ history. com ਅਨੁਸਾਰ ਔਰਤਾਂ ਵੱਲੋਂ ਸਮਾਜਿਕ ਖੇਤਰ, ਆਰਥਿਕ ਖੇਤਰ, ਕਲਚਰ ਵਿੱਚ ਅਤੇ ਸੁਸਾਇਟੀ ਦੇ ਲਈ ਪਾਏ ਯੋਗਦਾਨ ਕਰਕੇ ਸਭ ਤੋਂ ਪਹਿਲੀ ਵਾਰ 8 ਮਾਰਚ ਸੰਨ 1911 ਵਿੱਚ ਪਹਿਲੀ ਵਾਰ ਕਈ ਦੇਸ਼ਾਂ ਵੱਲੋਂ ਛੁੱਟੀ ਕਰਕੇ ਉੱਚੀ ਪੱਧਰ ਨਾਲ ਮਨਾਇਆ ਗਿਆ। ਔਰਤਾਂ ਨੂੰ ਤੋਹਫ਼ੇ ਅਤੇ ਫੁੱਲ ਵੀ ਮਾਣ ਦੇ ਤੌਰ ਤੇ ਭੇਂਟ ਕੀਤੇ ਗਏ। ਯੂਨਾਈਟਡ ਨੇਸ਼ਨ ( United Nation) ਸੰਨ 1975 ਤੋਂ ਲੈ ਕੇ ਹੁਣ ਤੱਕ ਅੰਤਰਰਾਸ਼ਟਰੀ ਔਰਤ ਦਿਵਸ ਨੂੰ ਸਪੌਂਸਰ ਕਰ ਰਿਹਾ ਹੈ। ਜਦੋਂ ਇਸ ਦਿਨ ਨੂੰ ਮਾਨਤਾ ਦੇ ਨਾਲ ਮਨਾਇਆ ਜਾਣ ਲੱਗਾ। ਫੇਰ ਯੂਨਾਈਡ ਨੇਸ਼ਨਜ਼ ਜਨਰਲ ਅਸੈਂਬਲੀ ਇਸ ਦਿਵਸ ਨੂੰ ਮਨਾਉਣ ਦਾ ਇਹ ਵੀ ਕਾਰਨ ਕਹਿ ਰਹੀ ਹੈ ਕਿ ……..
ਸਮਾਜਿਕ ਸ਼ਾਂਤੀ ਕਾਇਮ ਕਰਨਾ, ਸਮਾਜਿਕ ਤਰੱਕੀ ਕਰਨਾ, ਮਨੁੱਖਤਾ ਦੇ ਅਧਿਕਾਰਾਂ ਦਾ ਅਤੇ ਪੂਰਣ ਅਜ਼ਾਦੀ ਦਾ ਪ੍ਰਯੋਗ ਕਰਨਾ, ਖੁਸ਼ੀ ਮਾਨਣਾ, ਔਰਤਾਂ ਵਿੱਚ ਏਕਤਾ ਦਾ ਵਿਕਾਸ ਕਰਨਾ ਆਦਿ। ਔਰਤਾਂ ਦੀ ਏਕਤਾ, ਤਾਕਤ, ਸੁਰੱਖਿਆ ਅਤੇ ਸ਼ਾਂਤੀ ਕਾਇਮ ਰੱਖਣ ਨੂੰ ਮਾਨਤਾ ਦਿੱਤੀ ਗਈ ਹੈ।
ਦਾ ਨੈਸ਼ਨਲ ਵੋਮਨਜ਼ ਹਿਸਟਰੀ ਅਲਾਂਇੰਸ( The National women’s History Alliance) ਨੇ ਵੋਮੈਨ ਹਿਸਟਰੀ ਮੰਥ( Women History Month) ਮਨਾਉਣੇ ਲਈ ਥੀਮ ਕਰਨ ਦਾ ਅਹੁਦਾ ਸੌਂਪਿਆ ਹੈ ਜਿਸ ਵਿੱਚ ਸਾਲ 2022 ਦਾ ਥੀਮ ਤੇ ਕੰਮ ਕਰਨ ਲਈ ਕਿਹਾ ਹੈ ਜੋ ਥੀਮ ਹਨ “ਔਰਤਾਂ ਇਲਾਜ ਪ੍ਰਦਾਨ ਕਰਦੀਆਂ ਹਨ”  ਅਤੇ “ਉਮੀਦ ਨੂੰ ਉਤਸ਼ਾਹਿਤ ਕਰਨਾ” ਹੈ, ਜੋ ਅੰਗਰੇਜ਼ੀ ਵਿੱਚ “Women Providing Healing” and “ Promoting Hope”  ਹਨ। ਇਹ ਥੀਮ
ਕੇਅਰ ਵਰਕਰ ਅਤੇ ਫਰੰਟ ਲਾਈਨ ਵਰਕਰਾਂ ਨੂੰ ਉਤਸ਼ਾਹਿਤ ਕਰ ਕੇ ਉੱਨਾਂ ਨੂੰ ਸਮਾਜ ਵਿੱਚ ਪਹਿਚਾਣ ਦੇਣਾ ਹੈ (history .com)।
ਕੋਵਿਡ-19 ਦਾ ਦੌਰ ਭਿਆਨਕ ਮਹਾਂਮਾਰੀ ਦਾ ਦੌਰ ਰਿਹਾ। ਜਿਸ ਨੂੰ ਸਾਰੀ ਦੁਨੀਆ ਨੇ ਦੇਖਿਆ ਅਤੇ ਪਿੰਡੇ ਤੇ ਹੰਢਾਇਆ। ਇਹ ਸਮਾਂ ਸਾਰੀ ਦੁਨੀਆਂ ਤੇ ਭਾਰੀ ਸਮਾਂ ਸੀ। ਇਸ ਸਮੇਂ ਵਿੱਚ ਵੀ ਕੇਅਰ ਵਰਕਰਾਂ ਅਤੇ ਫਰੰਟ ਲਾਈਨ ਵਰਕਰਾਂ ਨੇ ਆਪਣੀ ਜਾਨ ਤੇ ਖੇਲ ਕੇ, ਆਪਣੇ ਪ੍ਰੀਵਾਰਾਂ ਨੂੰ ਰੋਲ ਕੇ , ਸਾਰੀ ਦੁਨੀਆਂ ਵਿੱਚ ਕੋਵਿਡ-19 ਮਹਾਂਮਾਰੀ ਦੇ ਸ਼ਿਕਾਰ ਮਰੀਜ਼ਾਂ ਨੂੰ ਬਚਾਇਆ ਅਤੇ ਬਹੁਤ ਸਾਰੇ ਮਰੀਜ਼ਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਰਹੇ। ਲੰਬੀਆਂ ਸ਼ਿਫਟਾਂ ਤੇ ਬਿਨਾਂ ਅਰਾਮ ਕੀਤਿਆਂ ਲਗਾਤਾਰ ਹਸਪਤਾਲਾਂ ਵਿੱਚ ਮਰੀਜ਼ਾਂ ਦੀਆਂ ਸੇਵਾਵਾਂ ਨਿਭਾਈਆਂ। ਔਰਤਾਂ ਨੇ ਅੱਗੇ ਹੋ ਕੇ ਸੇਵਾਵਾਂ ਨਿਭਾ ਕੇ ਸਾਬਤ ਕਰ ਕੇ ਦਿਖਾ ਦਿੱਤਾ ਕਿ ਔਰਤਾਂ ਇਲਾਜ ਪ੍ਰਦਾਨ ਕਰਦੀਆਂ ਹਨ। ਉਮੀਦ ਨੂੰ ਉਤਸ਼ਾਹਿਤ ਕਰਦੀਆਂ ਹਨ। ਸਾਡਾ ਸਭ ਦਾ ਫਰਜ਼ ਬਣਦਾ ਹੈ ਕਿ ਅਸੀਂ ਉਨਾਂ ਦੀ ਉਮੀਦ ਨੂੰ ਉਤਸ਼ਾਹਿਤ ਕਰੀਏ। ਜਿਨਾਂ ਨੇ ਕੋਵਿਡ 19 ਦੇ ਭਿਆਨਕ ਦੌਰ ਵਿੱਚ ਦੁਨੀਆਂ ਦੀ ਜਾਨ ਬਚਾਈ ਹੈ। ਸਭ ਦਾ ਵੀ ਫਰਜ਼ ਬਣਦਾ ਹੈ ਕਿ 2022 ਦੇ ਔਰਤ ਦਿਵਸ ਨੂੰ ਕੇਅਰ ਵਰਕਰਾਂ ਅਤੇ ਫਰੰਟ ਲਾਈਨ ਵਰਕਰਾਂ ਦਾ ਦਿਲੋਂ ਧੰਨਵਾਦ ਕਰੀਏ।
ਇਸੇ ਤਰਾਂ ਪੰਜਾਬ ਵਿੱਚ ਇਸ ਮਹਾਮਾਰੀ ਦੇ ਸਮੇਂ ਵਿੱਚ ਪਿੰਡੇ ਤੇ ਲੂੰ ਕੰਡੇ ਖੜੇ ਕਰਨ ਵਾਲਾ ਕਿਸਾਨੀ ਸਘੰਰਸ਼ ਸ਼ੁਰੂ ਹੋਇਆ। ਜਿਸ ਵਿੱਚ ਵੀ ਔਰਤਾਂ ਦਿੱਲੀ ਦੇ ਵਾਡਰਾਂ ਤੇ ਪੂਰੇ ਸਾਲ ਤੋਂ ਵੀ ਵੱਧ ਸਮਾਂ ਸੜਕਾਂ ਤੇ ਧਰਨੇ ਦੇ ਕੇ ਕਿਸਾਨਾਂ ਨਾਲ ਬੈਠੀਆਂ ਰਹੀਆਂ ਸਨ। ਅਖੀਰ ਤੱਕ ਪੂਰਾ ਸਾਥ ਦੇ ਕੇ ਕਿਸਾਨਾਂ ਨਾਲ ਜਿੱਤ ਪਾ ਕੇ ਵਾਪਸ ਮੁੜੀਆਂ। ਉਨਾਂ ਦੇ ਹੌਸਲੇ ਪੂਰਾ ਸਾਲ ਬੁਲੰਦ ਰਹੇ। ਉਨ੍ਹਾਂ ਦੇ ਜੈਕਾਰੇ ਵੀ ਉੱਚੀ ਉੱਚੀ ਹਵਾਵਾਂ ਵਿੱਚ ਗੂੰਜਦੇ ਰਹੇ।ਦੁੱਖ ਦੀਆਂ ਕਾਲੀਆਂ ਰਾਤਾਂ ਔਰਤਾਂ ਨੇ ਵੀ ਕਿਸਾਨਾਂ ਨਾਲ ਮਿਲ ਕੇ ਆਪਣੇ ਪਿੰਡੇ ਤੇ ਹੰਢਾਈਆਂ। ਸਾਡਾ ਵੀ ਫਰਜ਼ ਬਣਦਾ ਹੈ ਜੋ ਔਰਤਾਂ ਕਿਸਾਨੀ ਸਘੰਰਸ਼ ਦਾ ਹਿੱਸਾ ਬਣ ਕੇ ਜੂਝੀਆਂ ਉਨ੍ਹਾਂ ਨੂੰ ਸਤਿਕਾਰ ਅਤੇ ਦੁਆਵਾਂ ਦਈਏ। ਜਿਨਾਂ ਦੇ ਪੁੱਤਰ, ਪਤੀ, ਪਿਤਾ ਸਘੰਰਸ਼ ਵਿੱਚ ਸ਼ਹੀਦੀਆਂ ਪਾ ਗਏ। ਉਨਾਂ ਲਈ ਦੁਆ ਕਰੀਏ।

ਪੈਰੀਂ ਕੰਡੇ, ਰੋੜ ਤੇ ਪੱਥਰ,
ਬੇਸ਼ੱਕ ਸਿਰ ਤੇ ਬਿਜਲੀਆਂ ਗੜ੍ਹਕਦੀਆਂ।
ਰਾਤਾਂ ਦੀਆਂ ਹਨ੍ਹੇਰੀਆਂ ਤੇ ਤੁਫ਼ਾਨ ਦੇਖੇ,
ਪਿੰਡੇ ਤੇ ਝੱਲੀਆਂ ਧੁੱਪਾਂ ਵੀ ਕੱੜਕਦੀਆਂ।

ਔਰਤ ਨੂੰ ਹਰ ਸਮਾਜ ਵਿੱਚ ਬਣਦਾ ਸਤਿਕਾਰ ਮਿਲਣਾ ਚਾਹੀਦਾ ਹੈ।ਅੱਜ ਦੀ ਔਰਤ ਚੰਦ ਤੇ ਪਹੁੰਚ ਚੁੱਕੀ ਹੈ। ਔਰਤਾਂ ਨੇ ਹਰ ਖੇਤਰ ਵਿੱਚ ਮੱਲਾਂ ਮਾਰੀਆਂ ਹਨ। ਔਰਤ ਨੂੰ ਔਰਤ ਦਾ ਪਿਆਰ, ਸਤਿਕਾਰ ਕਰਨਾ ਬੜਾ ਜਰੂਰੀ ਹੈ। ਆਪਸੀ ਪਿਆਰ ਮਿਲਵਰਤਣ ਦਾ ਜਜ਼ਬਾ ਅੰਦਰ ਹੋਣਾ ਚਾਹੀਦਾ ਹੈ। ਦੁਨੀਆਂ ਦੀ ਹਰ ਔਰਤ ਸੁਰੱਖਿਅਤ ਹੋਣੀ ਚਾਹੀਦੀ ਹੈ। ਹਰ ਔਰਤ ਨੂੰ ਉਸਦੇ ਬਣਦੇ ਅਧਿਕਾਰ ਮਿਲਣੇ ਚਾਹੀਦੇ ਹਨ। ਤਾਂ ਜੋ ਉਹ ਆਪਣਾ ਜੀਵਨ ਖੁਸ਼ੀਆਂ ਭਰਿਆ ਬਸ਼ਰ ਕਰ ਸਕੇ।
…….ਅੰਤਰਰਾਸ਼ਟਰੀ ਔਰਤ ਦਿਵਸ ਦੀ ਵਧਾਈ ਹੋਵੇ………
-- ਜਸਵੰਤ ਕੌਰ ਬੈਂਸ ਲੈਸਟਰ ਯੂ ਕੇ

ਸਿੱਖ ਫੈਡਰੇਸ਼ਨ ਪ੍ਰਧਾਨ ਪਰਮਿੰਦਰ ਸਿੰਘ ਬੱਲ ਵੱਲੋਂ ਯੂ ਕੇ ਵਿਚ ਵੱਸਦੇ ਨੌਜਵਾਨ ਸਿੱਖਾਂ ਨੂੰ ਪੁਲੀਸ ਵਿੱਚ ਭਰਤੀ ਹੋਣ ਦੀ ਅਪੀਲ

 ਲੰਡਨ , 04 ਮਾਰਚ  (ਖਹਿਰਾ ) ਪ੍ਰੈਸ ਨਾਲ ਜਾਣਕਾਰੀ ਸਾਂਝੀ ਕਰਦੇ ਹੋਏ ਫੈਡਰੇਸ਼ਨ ਆਗੂ ਪਰਮਿੰਦਰ ਸਿੰਘ ਬੱਲ  ਜਾਣਕਾਰੀ ਦਿੰਦੇ ਦੱਸਿਆ ਕੇ ਸਿੰਘ ਸਭਾ ਗੁਰਦੁਆਰਾ ਸਾਊਥਾਲ ਵਿਖੇ , ਬਿਰਿਟਿਸ਼ ਪੁਲੀਸ  ਵੱਲੋਂ ਸਿੱਖਾਂ , ਪੰਜਾਬੀਆਂ ਨੂੰ ਪੁਲੀਸ ਵਿੱਚ ਭਰਤੀ ਹੋਣ ਲਈ ਇਕ ਬੈਂਚ ਲਗਵਾਇਆ ਸੀ । ਅਜਿਹਾ ਹੋਣ ਨਾਲ ਬਰਿਟਿਸ਼  ਪੁਲੀਸ ਵਿੱਚ ਸਿੱਖ , ਪੰਜਾਬੀ ਕਮਿਊਨਿਟੀ ਨੂੰ ਸਮਾਜ ਸੇਵਾ ਦਾ ਢੁਕਵਾਂ ਸਥਾਨ ਮਿਲਣਾਂ ਹੈ । ਸਾਲਾਂ ਤੋਂ ਇਸ ਪੱਖੋਂ ਪਿੱਛੇ ਰਹਿ ਗਈਆਂ ਸਿੱਖ , ਪੰਜਾਬੀ ਅਸਾਮੀਆਂ ( ਵੈਕੇੰਸੀਜ-ਗਿਣਤੀਆਂ) ਦਾ ਪੂਰਾ ਹੋਣਾ ਹੈ , ਜੋ ਸਾਲਾਂ ਤੋਂ ਸਾਡੀ ਬਰਿਟਿਸ਼ ਸਿਸਟਮ ਤੋਂ ਮੰਗ ਰਹੀ ਹੈ । ਪਰੰਤੂ ਕੁਝ ਗੁਮਰਾਹ ਹੋਏ ਲੋਕਾਂ ਨੇ ਇਸ ਮੰਤਵ ਦੀ ਪੂਰਤੀ ਵਿੱਚ ਰੋੜੇ ਅਟਕਾਉਣੇ ਸ਼ੁਰੂ ਕੀਤੇ ਹਨ । ਬਰਿਟਿਸ਼ ਪੁਲਸ ਵਿੱਚ ਭਰਤੀ ਹੋਣਾ ਸਾਡੇ ਲਈ ਸਿਰਫ਼ ਜ਼ਰੂਰੀ ਹੀ ਨਹੀਂ ,ਸਗੋਂ ਲਾਜ਼ਮੀ ਹੈ । ਇਸ ਕੰਮ ਨੂੰ ਸਿਰੇ ਚਾੜਨਾ ਸਾਡੀਆਂ ਸੰਸਥਾਵਾਂ , ਗੁਰਦੁਆਰੇ , ਮੰਦਰਾਂ ,ਮਸਜਿਦਾਂ ਦੀ ਜ਼ੁੰਮੇਵਾਰੀ ਹੈ । ਪ੍ਰਬੰਧਕਾਂ ਦੀ ਜ਼ੁੰਮੇਵਾਰੀ ਬਣਦੀ ਹੈ ਕਿ ਉਹ ਅੱਗੇ ਹੋ ਕੇ ਸਿਹਯੋਗ ਦੇਣ ਅੱਤੇ ਇਸ ਕਾਰਜ ਨੂੰ ਨੇਪਰੇ   ਚਾੜਨ ਲਈ ਇਕ ਜੁਟ ਹੋਣ । ਅਪੀਲ ਹੈ ਕਿ ਪੁਲੀਸ ਵਿੱਚ ਜ਼ਿਆਦਾ ਤੋਂ ਜ਼ਿਆਦਾ ਭਰਤੀ ਹੋ ਕੇ ਸਾਨੂੰ ਆਪਣੀ ਪੂਰੀ ਨੰਮਾਇੰਦੀਗੀ ਦਾ ਹਿੱਸਾ ਹਾਸਲ ਕਰਨਾ ਚਾਹੀਦਾ ਹੈ । —- ਪਰਮਿੰਦਰ ਸਿੰਘ ਬਲ , ਯੂ ਕੇ ।

ਰੂਸ ਅਤੇ ਯੂਕਰੇਨ ਦੀ ਜੰਗ ਦੇ ਪੀਡ਼ਤ ਲੋਕਾਂ ਦੀ ਮਦਦ ਲਈ ਖਾਲਸਾ ਏਡ ਵੱਲੋਂ ਨੰਬਰ ਜਾਰੀ

ਲੰਡਨ, 27 ਫ਼ਰਵਰੀ ( ਖਹਿਰਾ  )ਸਿੱਖਾਂ ਦੀ ਸਭ ਤੋਂ ਵੱਡੀ ਚੈਰੀਟੇਬਲ ਸੰਸਥਾ ਖ਼ਾਲਸਾ ਏਡ ਨੇ ਯੂਕਰੇਨ ਅਤੇ ਰਸ਼ੀਆ ਵਿਚਕਾਰ ਲੱਗੀ ਜੰਗ ਤੋਂ ਪ੍ਰਭਾਵਤ ਭਾਰਤ ਵਾਸੀਆਂ ਦੀ ਮਦਦ ਲਈ ਨੰਬਰ ਕੀਤੇ ਜਾਰੀ  । ਰਵੀ ਸਿੰਘ ਖ਼ਾਲਸਾ ਏਡ ਦੀ ਫੇਸਬੁੱਕ ਰਾਹੀਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਉਨ੍ਹਾਂ ਇਹ ਨੰਬਰ ਜਾਰੀ ਕੀਤੇ  

ਰੋਮੇਨਿਆ ਵਿੱਚ ਰਹਿੰਦੇ ਪੰਜਾਬੀਆਂ ਨੂੰ ਖ਼ਾਲਸਾ ਏਡ ਵੱਲੋਂ ਸੰਪਰਕ ਕਰਨ ਲਈ ਨੰਬਰ ਜਾਰੀ ਕੀਤਾ ਗਿਆ 00447487270969

Kralow ਅਤੇ  Rzeszow ਸ਼ਹਿਰ ਵਿੱਚ ਰਹਿੰਦੇ ਪੰਜਾਬੀਆਂ ਲਈ ਖ਼ਾਲਸਾ ਏਡ ਨੇ ਸੰਪਰਕ ਕਰਨ ਲਈ ਨੰਬਰ ਜਾਰੀ ਕੀਤਾ 00447487270969 

ਯੂਕਰੇਨ ਦੇ ਸ਼ਹਿਰ ਲਵੀਵ ਵਿੱਚ ਵੱਸਦੇ ਪੰਜਾਬੀਆਂ ਨੂੰ ਸੰਪਰਕ ਕਰਨ ਲਈ ਖਾਲਸਾ ਏਡ ਨੇ ਨੰਬਰ ਜਾਰੀ ਕੀਤਾ  00447487270969