ਲੁਧਿਆਣਾ

ਅਜੀਤਵਾਲ ਬਲਵੀਰ ਸਿੰਘ ਬਾਠ

ਢੁੱਡੀਕੇ ਪਿੰਡ ਵਾਸੀਆਂ ਵਲੋਂ ਸ਼ਰਾਬ ਦੇ ਠੇਕਾ ਪਿੰਡ ਤੋਂ ਬਾਹਰ ਕਰਨ ਦੀ ਮੰਗ ਢੁੱਡੀਕੇ ਪਿੰਡ ਵਿਖੇ ਗ੍ਰਾਮ ਪੰਚਾਇਤ, ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਸ਼ਰਾਬ ਦਾ ਠੇਕਾ ਜੋ ਘਰਾਂ ਦੇ ਬਿਲਕੁਲ ਨਾਲ ਹੈ, ਪੰਜਾਬ ਨੈਸ਼ਨਲ ਬੈਂਕ ਦੇ ਸਾਹਮਣੇ, ਤੇ ਸਰਕਾਰ ਸੀਨੀਅਰ ਸੈਕੰਡਰੀ ਸਕੂਲ  ਦੇ ਨੇੜੇ ਹੈ। ਬੈਂਕ ਵਿੱਚ ਆਉਣ ਵਾਲੀਆਂ ਔਰਤਾਂ ਤੇ ਸਕੂਲ ਆਉਣ ਜਾਣ ਵਾਲੀਆਂ ਕੁੜੀਆਂ ਨੂੰ ਬਹੁਤ ਔਖਾ ਹੁੰਦਾ । ਅੱਜ ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ , ਗ੍ਰਾਮ ਪੰਚਾਇਤ, ਪਿੰਡ ਵਾਸੀਆਂ ਵਲੋਂ ਸ਼ਰਾਬ ਦੇ ਠੇਕੇ ਦੇ ਸਾਹਮਣੇ ਧਰਨਾ ਦਿੱਤਾ ਗਿਆ । ਪਹਿਲਾਂ ਵੀ ਇਸ ਵਾਰੇ ਕਿਹਾ ਗਿਆ ਸੀ, ਪਰ ਧਿਆਨ ਨਹੀਂ ਦਿੱਤਾ ਗਿਆ । ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਦੇ ਪ੍ਰਧਾਨ ਗੁਰਸ਼ਰਨ ਸਿੰਘ ,ਗੁਰਮੀਤ ਸਿੰਘ, ਸਤਨਾਮ ਬਾਬਾ, ਦਵਿੰਦਰ ਮਧੋਲਾ,  ਸਾਬਕਾ ਸਰਪੰਚ ਜਗਤਾਰ ਸਿੰਘ ਧਾਲੀਵਾਲ ,ਇਕਬਾਲ ਸਿੰਘ ਨੰਬਰਦਾਰ,  ਸ਼ਮਸ਼ੇਰ ਜੋਤੀ, ਚਮਕੌਰ ਸਿੰਘ ਚੰਨੀ, ਹਰਵਿੰਦਰ ਗੋਲੂ,  ਕਰਤਾਰ ਸਿੰਘ ਮਾਸਟਰ, ਰਾਜਾ, ਸੰਜੂ, ਬੇਅੰਤ,  ਮਨਦੀਪ,ਮੁਕੰਦ, ਮੈਂਬਰ ਪੰਚਾਇਤ ਸੋਨੀ, ਰਣਜੀਤ ਸਿੰਘ, ਗਿਆਨੀ ਡਰਾਈਵਰ ਤੇ ਹੋਰ ਸ਼ਾਮਲ ਸਨ

ਨਿਹਾਲ ਸਿੰਘ ਵਾਲਾ, 1 ਮਈ

ਪੰਜਾਬ ਸਰਕਾਰ ਆਪਣੇ ਵਾਅਦੇ ਮੁਤਾਬਿਕ ਅਕਾਲੀ ਭਾਜਪਾ ਸਰਕਾਰ ਸਮੇਂ ਹੋਏ ਬਿਜਲੀ ਸਮਝੌਤੇ ਤੁਰੰਤ ਰੱਦ ਕਰੇ। ਕਿਉਂ ਕਿ ਇਨ੍ਹਾਂ ਸਮਝੌਤਿਆਂ ਦੇ ਕਾਰਨ ਹੀ ਬਿਜਲੀ ਪੈਦਾ ਕਰਨ ਵਾਲੇ ਸੂਬੇ ਪੰਜਾਬ ਵਿਚ ਹੀ ਬੇ ਅਥਾਹ ਮਹਿੰਗੀ ਬਿਜਲੀ ਮਿਲਦੀ ਹੈ। ਜਿਸ ਕਰਕੇ ਬਿਜਲੀ ਦੇ ਬਿੱਲ ਭਰਨੇ ਗਰੀਬ ਲੋਕਾਂ ਦੀ ਪਹੁੰਚ ਤੋਂ ਬਾਹਰ ਦੀ ਗੱਲ ਹੋ ਚੁੱਕੀ ਹੈ। ਉੱਕਤ ਪ੍ਰਗਟਾਵਾ ਹਲਕਾ ਵਿਧਾਇਕ ਮਨਜੀਤ ਸਿੰਘ ਬਿਲਾਸਪੁਰ ਨੇ ਪਾਰਟੀ ਵੱਲੋਂ ਚਲਾਏ ਜਾ ਰਹੇ ਬਿਜਲੀ ਅੰਦੋਲਨ ਤਹਿਤ ਪਿੰਡ ਨਵਾਂ ਮਾਛੀਕੇ ਵਿਖੇ ਬਿਜਲੀ ਦੇ  ਬਿੱਲ ਸਾੜਦਿਆਂ ਕੀਤਾ। ਇਸ ਮੌਕੇ ਵਿਧਾਇਕ ਬਿਲਾਸਪੁਰ ਨੇ ਕਿਹਾ ਕਿ ਬੇਹੱਦ ਗੁਰਬਤ ਦੀ ਜਿੰਦਗੀ ਬਸਰ ਕਰਨ ਵਾਲੇ ਲੋਕਾਂ ਨੂੰ ਹਜਾਰਾਂ ਰੁਪਏ ਦੇ ਬਿੱਲ ਆ ਰਹੇ ਹਨ, ਜੋ ਕਿ ਸਰਕਾਰ ਦੀ ਗਰੀਬ ਲੋਕਾਂ ਪ੍ਤੀ ਲਾਪ੍ਰਵਾਹੀ ਦਾ ਨਤੀਜਾ ਹੈ। ਇਸ ਮੌਕੇ ਸਰਕਲ ਇੰਚਾਰਜ ਸੁਖਦੀਪ ਸਿੰਘ ਸਾਧ ਭਾਗੀਕੇ, ਡਾਕਟਰ ਗੋਰਾ ਸਿੰਘ ਮਾਛੀਕੇ, ਡਾਕਟਰ ਬੱਬੂ ਮਾਛੀਕੇ, ਜਗਮੋਹਨ ਸਿੰਘ ਸਰਕਲ ਇਨਚਾਰਜ, ਮਾਸਟਰ ਗੁਰਬਖਸ਼ ਸਿੰਘ ਮਾਛੀਕੇ, ਕੇਵਲ ਸਿੰਘ ਮਾਛੀਕੇ, ਮੈਂਗਲ ਸਿੰਘ, ਗੀਤਾ ਸਿੰਘ  ਨਵੇਂ ਮਾਛੀਕੇ, ਪੀਲਾ ਸਿੰਘ ਨਵੇਂ ਮਾਛੀਕੇ, ਕੁਲਵਿੰਦਰ ਸਿੰਘ, ਸੁੱਖਾ ਸਿੰਘ ਡਾਕਟਰ  ਲਖਵੀਰ ਸਿੰਘ, ਮਾਸਟਰ ਬੇਅੰਤ ਸਿੰਘ, ਬਿੱਟੂ ਆੜ੍ਹਤੀਆ ਆਦਿ ਹਾਜ਼ਰ ਸਨ। 
ਕੈਪਸ਼ਨ - ਪਿੰਡ ਨਵਾਂ ਮਾਛੀਕੇ ਵਿਖੇ ਬਿਜਲੀ ਦੇ ਬਿੱਲ ਸਾੜਦੇ ਹੋਏ ਵਿਧਾਇਕ ਬਿਲਾਸਪੁਰ ਅਤੇ ਪਾਰਟੀ ਆਗੂ। 
ਤਸਵੀਰ-

ਸਿੱਧਵਾਂ ਬੇਟ (ਜਸਮੇਲ ਗ਼ਾਲਿਬ)

ਇਥੋਂ ਥੋੜ੍ਹੀ ਦੂਰ ਪਿੰਡ ਮਲਕ ਦੇ  ਜਗਰਾਉਂ ਸ਼ਹਿਰ ਦੇ ਮਸ਼ਹੂਰ ਪੰਜਾਬੀ ਫਿਲਮ ਅਦਾਕਾਰਾ ਸੁਖਜਿੰਦਰ ਸਿੰਘ ਸ਼ੇਰਾ ਦਾ ਦੇਹਾਂਤ ਹੋ ਗਿਆ  ਕੁਝ ਦਿਨ ਪਹਿਲਾਂ ਉਹ ਯੂਗਾਂਡਾ ਗਏ ਹੋਏ ਸਨ ਜਿੱਥੇ ਇਕ ਸੰਖੇਪ ਬੀਮਾਰੀ ਨਾਲ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ  ਸੁਖਜਿੰਦਰ ਸ਼ੇਰਾ ਦੀ ਅਚਨਚੇਤ ਮੌਤ ਨਾਲ ਫ਼ਿਲਮ ਜਗਤ ਵਿਚ ਸੋਗ ਦੀ ਲਹਿਰ ਪਾਈ ਜਾ ਰਹੀ ਹੈ  ਸੁਖਜਿੰਦਰ ਸ਼ੇਰਾ ਨੇ ਕਾਫ਼ੀ ਪੰਜਾਬੀ ਫ਼ਿਲਮਾਂ ਕੀਤੀਆਂ  ਜਿਨ੍ਹਾਂ ਦੀਆਂ ਪੰਜਾਬੀ ਫ਼ਿਲਮਾਂ ਕਾਫੀ ਹਿੱਟ ਵੀ ਹੋਈਆਂ ਇਸ ਸਮੇਂ ਹਲਕੇ ਫ਼ਿਲਮ ਸਿਤਾਰਿਆਂ ਨੇ ਕਿਹਾ ਕਿ ਸੁਖਜਿੰਦਰ ਸਿੰਘ ਸ਼ੇਰਾ  ਦਾ ਚਲੇ ਜਾਣ ਨਾਲ  ਫ਼ਿਲਮੀ ਜਗਤ ਵਿੱਚ ਕਾਫੀ ਵੱਡਾ ਘਾਟਾ ਪਿਆ ਹੈ ।

ਨਵੀਂ ਦਿੱਲੀ 3 ਅਪ੍ਰੈਲ ( ਗੁਰਸੇਵਕ ਸਿੰਘ ਸੋਹੀ )

ਦਿੱਲੀ ਦੇ ਟਿਕਰੀ ਬਾਰਡਰ 'ਤੇ ਗ਼ਦਰੀ ਬੀਬੀ ਗੁਲਾਬ ਕੌਰ ਨਗਰ ਸਟੇਜ ਦੀ ਸ਼ੁਰੂਆਤ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਉਗਰਾਹਾਂ) ਦੇ ਔਰਤ ਵਿੰਗ ਵੱਲੋ ਹੰਕਾਰੀ ਮੋਦੀ ਹਕੂਮਤ ਦਾ ਪਿੱਟ-ਸਿਆਪਾ ਕਰਕੇ ਕੀਤੀ ਗਈ।ਵੱਡੀ ਗਿਣਤੀ 'ਚ ਔਰਤਾਂ,ਕਿਸਾਨਾਂ, ਮਜ਼ਦੂਰਾਂ ਅਤੇ ਨੌਜਞਾਨਾ ਨੇ ਪੰਡਾਲ ਵਿੱਚ ਸ਼ਮੂਲੀਅਤ ਕੀਤੀ।ਔਰਤ ਵਿੰਗ ਦੀ ਸੂਬਾ ਆਗੂ ਹਰਿੰਦਰ ਕੌਰ ਬਿੰਦੂ ਨੇ ਸਟੇਜ ਸਕੱਤਰ ਦੀ ਭੂਮਿਕਾ ਬਾਖੂਬੀ ਨਿਭਾਉਂਦਿਆ ਕਿਹਾ ਕਿ ਕੇਂਦਰ ਸਰਕਾਰ ਲੋਕ ਵਿਰੋਧੀ ਹੈ। ਕੱਲ੍ਹ ਕੁੱਝ ਸੂਬਿਆ ਦੇ ਚੋਣ ਨਤੀਜਿਆ ਤੋ ਬਾਅਦ ਪੱਛਮੀ ਬੰਗਾਲ ਵਿੱਚ ਹੋਈ  ਮੋਦੀ ਸਰਕਾਰ ਦੀ ਹਾਰ ਨੂੰ ਮੋਦੀ ਨੇ ਹਾਰ ਨਹੀਂ ਮੰਨਿਆ ਸਗੋ ਵੱਧ ਸੀਟਾਂ ਜਿੱਤਣ ਦਾ ਦਾਅਵਾ ਕੀਤਾ ਹੈ।ਉਨ੍ਹਾਂ ਕਿਹਾ ਕਿ ਇਹ ਜਿੱਤਾ ਹਾਰਾਂ ਤਾ ਹਾਕਮ ਜਮਾਤਾ ਦੀਆ ਖੇਡਾਂ ਹੁੰਦੀਆਂ ਹਨ।ਹਾਰ ਤਾ ਹਮੇਸ਼ਾ ਕਿਰਤੀ ਲੋਕਾਂ ਦੀ ਹੀ ਹੁੰਦੀ ਹੈ ਕਿਉਂਕਿ ਸਰਕਾਰ ਭਾਵੇਂ ਕਿਸੇ ਵੀ ਰਾਜਨੀਤਿਕ ਪਾਰਟੀ ਦੀ ਬਣਜੇ ਫੈਸਲੇ ਲੋਕ ਵਿਰੋਧੀ ਹੀ ਕਰਦੀਆ ਹਨ।ਉਦਾਹਰਨ ਦੇ ਤੌਰ ਤੇ ਕਿਵੇ ਕਰੋਨਾ ਦੀ ਆੜ ਹੇਠ ਡੰਡੇ ਦੇ ਜੋਰ ਤੇ ਲੋਕਾਂ ਨੂੰ ਘਰਾਂ ਅੰਦਰ ਹੀ ਬੰਦ ਕੀਤਾ ਜਾ ਰਿਹਾ ਹੈ।ਕਰੋਨਾ ਦੀ ਬਿਮਾਰੀ ਤੋਂ ਬਚਾਅ ਲਈ ਕੋਈ ਪ੍ਰਬੰਧ ਨਹੀ ਕੀਤਾ ਗਿਆ ਸਗੋਂ ਸਾਮਰਾਜੀ ਕੰਪਨੀਆਂ ਦੇ ਮੁਨਾਫੇ ਵਧਾਉਣ ਲਈ ਧੱਕੇ ਨਾਲ ਟੀਕਾਕਰਨ ਕੀਤਾ ਜਾ ਰਿਹਾ ਹੈ।ਆਕਸੀਜਨ ਅਤੇ ਵੈਕਸੀਨ ਦੀ ਵੱਡੇ ਪੱਧਰ ਤੇ ਬਲੈਕ ਹੋ ਰਹੀ ਹੈ ਅਤੇ ਸਰਕਾਰ ਮੂਕ ਦਰਸ਼ਕ ਬਣ ਕੇ ਦੇਖ ਰਹੀ ਹੈ।ਬੀਬੀ ਬਲਜੀਤ ਕੌਰ ਮਹਿਣਾ (ਮੋਗਾ) ਨੇ ਕਿਹਾ ਕਿ ਸਾਡੀ ਲੜਾਈ ਦਿੱਲੀ ਸ਼ਹਿਰ ਨਾਲ ਨਹੀ ਦਿੱਲੀ ਤੇ ਰਾਜ ਕਰਦੀ ਹੰਕਾਰੀ ਮੋਦੀ ਹਕੂਮਤ ਨਾਲ ਹੈ।ਦਿੱਲੀ ਦੇ ਲੋਕ ਨਹੀਂ ਮਾੜੇ,ਮਾੜੀ ਕੇਂਦਰ ਦੀ ਸਰਕਾਰ ਹੈ।ਪਰਮਜੀਤ ਕੌਰ ਕੌਟੜਾ ਜ਼ਿਲ੍ਹਾ ਸੀਨੀਅਰ ਮੀਤ ਪ੍ਰਧਾਨ ਬਠਿੰਡਾ ਨੇ ਸੰਬੋਧਨ ਹੁੰਦਿਆ ਕਿਹਾ ਕਿ ਪਿਛਲੇ 70 ਸਾਲਾ ਤੋਂ ਰਾਜਨੀਤਕ ਪਾਰਟੀਆਂ ਦੀਆਂ ਸਰਕਾਰਾਂ ਦੀਆ ਗਲਤ ਨੀਤੀਆਂ ਕਰਕੇ ਸਾਡੇ ਕਿਸਾਨਾਂ ਸਿਰ ਕਰਜਾ ਚੜਿਆ ਅਤੇ ਕਿਸਾਨ ਗਲਾ ਵਿੱਚ ਰੱਸੇ ਪਾ ਕੇ ਖੁਦਕੁਸ਼ੀਆਂ ਕਰਨ ਲੱਗੇ।ਸਾਮਰਾਜੀ ਕੰਪਨੀਆਂ ਨੇ ਸਾਡੀ ਦੂਜੀ ਮਾਂ (ਜਮੀਨ),ਅਨਾਜ ਨੂੰ ਜਹਿਰੀਲਾ ਕੀਤਾ,ਸਾਡੀ ਲੁੱਟ ਕਰਨ ਲਈ ਹਰ ਰੋਜ ਫ਼ਸਲੀ ਲਾਗਤ ਖਰਚੇ ਵਧਾਏ ਜਾ ਰਹੇ ਹਨ ਅਤੇ ਸਾਡੀਆਂ ਫਸਲਾ ਨੂੰ ਰੋਲਿਆ ਜਾ ਰਿਹਾ ਹੈ। ਸਟੇਜ ਤੋਂ ਬਲਵਿੰਦਰ ਕੌਰ ਮਹਿਣਾ (ਮੋਗਾ),ਹਰਮਨਦੀਪ ਸਿੰਘ ਟੱਲੇਵਾਲ ਜ਼ਿਲ੍ਹਾ ਬਰਨਾਲਾ ਅਤੇ ਹਰਜੀਤ ਸਿੰਘ ਮਹਿਲਾਂ ਚੌਕ ਜ਼ਿਲ੍ਹਾ ਸੰਗਰੂਰ ਨੇ ਵੀ ਸੰਬੋਧਨ ਕੀਤਾ।

ਜਾਰੀ ਕਰਤਾ : - ਸ਼ਿਗਾਰਾ ਸਿੰਘ ਮਾਨ ਸੂਬਾ ਸਕੱਤਰ

ਮੌਬਾਇਲ ਨੰਬਰ 94170-39714