ਲੁਧਿਆਣਾ

ਜਗਰਾਉਂ( ਅਮਿਤ ਖੰਨਾ)

ਜਗਰਾਉਂ ਅੱਜ ਸਥਾਨਕ ਡੀ, ਏ, ਵੀ ਸਕੂਲ ਦੇ ਪ੍ਰਿੰਸੀਪਲ ਬ੍ਰਿਜ ਮੋਹਨ ਜੀ ਨੂੰ ਜਗਰਾਉਂ ਵੈਲਫੇਅਰ ਸੁਸਾਇਟੀ ਵੱਲੋਂ ਸਕੂਲ ਵਿੱਚ ਦਿੱਤੀਆਂ ਜਾ ਰਹੀਆਂ ਸ਼ਾਨਦਾਰ ਸੇਵਾਵਾਂ ਦੇ ਮੱਦੇਨਜ਼ਰ ਸਰਕਾਰ ਵੱਲੋਂ ਜਾਰੀ ਨਿਰਦੇਸ਼ਾਂ ਦੀ ਪਾਲਣਾ ਕਰਦਿਆਂ ਸਨਮਾਨਤ ਕੀਤਾ ਗਿਆ। ਇਸ ਮੌਕੇ ਜਗਰਾਉਂ ਵੈਲਫੇਅਰ ਸੁਸਾਇਟੀ ਦੇ ਮੈਂਬਰ ਗੁਰਿੰਦਰ ਸਿੰਘ ਸਿੱਧੂ ,ਰਾਜ ਕੁਮਾਰ ਭੱਲਾ, ਰਾਜਿੰਦਰ ਜੈਨ, ਕੈਪਟਨ ਨਰੇਸ਼ ਵਰਮਾ ਨੇ ਪਿ੍ੰਸੀਪਲ ਵੱਲੋਂ ਕੀਤੇ ਜਾ ਰਹੇ ਕੰਮਾਂ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਸਾਨੂੰ ਉਨ੍ਹਾਂ ਦਾ ਸਨਮਾਨ ਕਰਦਿਆਂ ਮਾਣ ਹੈ ਕਿ ਸਾਨੂੰ ਬ੍ਰਿਜ ਮੋਹਨ ਜੀ ਵਰਗਾ ਪ੍ਰਿੰਸੀਪਲ ਮਿਲਿਆ ਹੈ, ਜਿਸ ਨੇ ਤਿੰਨ ਸਾਲ ਸਕੂਲ ਵਿੱਚ ਬਹੁਤ ਸਾਰੀਆਂ ਸੇਵਾਵਾਂ ਪ੍ਰਦਾਨ ਕਰਦਿਆਂ +1 ਅਤੇ +2 ਕਲਾਸਾਂ ਸ਼ੁਰੂ ਕਰਨ ਵਿੱਚ ਮਹੱਤਵਪੂਰਣ ਭੂਮਿਕਾ ਨਿਭਾਈ ਹੈ।ਪ੍ਰਿੰਸੀਪਲ  ਬ੍ਰਿਜ ਮੋਹਨ ਜੀ ਨੇ ਸੁਸਾਇਟੀ ਦੁਆਰਾ ਦਿੱਤੇ ਸਨਮਾਨ ਲਈ ਧੰਨਵਾਦ ਪ੍ਰਗਟ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦਾ ਸਿਰਫ ਇੱਕ ਉਦੇਸ਼ ਹੈ ਕਿ ਜਗਰਾਓ ਅਤੇ ਆਸ ਪਾਸ ਦੇ ਬੱਚੇ, ਜੋ ਦੂਰੋਂ-ਦੂਰੋਂ ਦਾਖਲਾ ਲੈਂਦੇ ਸਨ, ਉਨ੍ਹਾਂ ਦੇ ਮਾਪੇ ਵੀ ਚਿੰਤਤ ਸਨ, ਹੁਣ ਕਿਤੇ ਜਾਣ ਦੀ ਜ਼ਰੂਰਤ ਨਹੀਂ ਪਵੇਗੀ, ਇਸ ਸਕੂਲ ਵਿੱਚ ਬੱਚਿਆਂ ਨੂੰ ਦਾਖਲਾ ਕਰਵਾ ਕੇ ਉਹ ਆਪਣਾ ਭਵਿੱਖ ਸੁਨਹਿਰੀ ਬਣਾ ਸਕਦੇ ਹਨ। ਇਸ ਮੌਕੇ , ਗੁਰਿੰਦਰ ਸਿੰਘ ਸਿੱਧੂ, ਰਾਜਿੰਦਰ ਜੈਨ, ਰਾਜ ਕੁਮਾਰ ਭੱਲਾ ,ਡਾ: ਨਰਿੰਦਰ ਸਿੰਘ, ,ਕੈਪਟਨ ਨਰੇਸ਼ ਵਰਮਾ ,ਪੱਪੂ ਯਾਦਵ, ਡੀ ਪੀ ਹਰਦੀਪ ਸਿੰਘ, ਡੀਪੀ ਸੁਰਿੰਦਰਪਾਲ ਵਿੱਜ, ਦਿਨੇਸ਼ ਗੁਪਤਾ,  ਮੈਡਮ ਸੀਮਾ, ਮੈਡਮ ਨੀਸ਼ੂ ਭੱਲਾ , ਸਕੂਲ ਦਾ ਸਟਾਫ਼ ਹਾਜ਼ਰ ਸੀ।

ਜਗਰਾਉਂ( ਅਮਿਤ ਖੰਨਾ)  ਪਿਛਲੇ 20 ਦਿਨਾਂ ਤੋਂ ਸਫਾਈ ਕਰਮਚਾਰੀਆਂ ਵੱਲੋਂ ਆਪਣੀਆਂ ਹੱਕੀ ਮੰਗਾਂ ਮਨਵਾਉਣ ਲਈ ਹੜਤਾਲ ਕੀਤੀ ਹੋਈ ਹੈ ਬੀਤੇ ਕੱਲ੍ਹ ਸੰਘਰਸ਼ ਨੂੰ ਤਿੱਖਾ ਕਰਦੇ ਹੋਏ ਸਮਾਜ ਸੇਵੀ ਸੰਸਥਾਵਾਂ ਤੇ ਕਿਸਾਨਾਂ ਜੱਥੇਬੰਦੀਆਂ ਦੇ ਆਹੁਦੇਦਾਰਾਂ ਦੇ ਸਹਿਯੋਗ ਨਾਲ ਘੜਾ ਭੰਨ ਅਰਥੀ ਫੂਕ ਮੁਜ਼ਾਹਰਾ ਕੀਤਾ ਗਿਆ ਤਾਂ ਜੋ ਹੱਕੀ ਮੰਗਾਂ ਨੂੰ ਮਨਵਾਇਆ ਜਾ ਸਕੇ ਪੰਜਾਬ ਪ੍ਰਧਾਨ  ਅਸ਼ੋਕ ਸਾਰਵਾਨ ਨੇ ਅੱਜ ਦੁੱਖ ਤੇ ਰੋਸ ਜਾਹਿਰ ਕਰਦੇ ਹੋਏ ਕਿਹਾ ਕਿ ਅਸੀਂ ਵੀ ਸ਼ਹਿਰ ਦਾਰ ਹਾ ਅਸੀਂ ਅਤੇ ਸਾਡੇ ਪ੍ਰੀਵਾਰ ਵੀ ਸਾਰੀਆਂ ਸਮੱਸਿਆਵਾਂ ਚੌਂ ਗੁਜਰ ਰਹੇ ਹਨ ਸਮਾਜਿਕ ਤੌਰ ਤੇ ਅਸੀਂ ਸ਼ਹਿਰ ਵਾਸੀਆਂ ਦਾ ਅੰਗ ਹਾ ਪਰ ਸਾਡੇ ਵੱਲੋਂ ਜੋ ਹੜਤਾਲ ਕੀਤੀ ਗਈ ਹੈ ਉਸ ਦਾ ਮਤਲਵ ਕਿਸੇ ਨੂੰ ਤੰਗ ਪ੍ਰੇਸ਼ਾਨ ਕਰਨਾ ਨਹੀਂ ਹੈ ਕੇਵਲ ਸਰਕਾਰ ਨੂੰ ਜਗਾਉਣਾ ਹੈ ਪ੍ਰੰਤੂ ਕੁਝ ਗਿਣੇ ਚੁਣੇ ਆਮ ਤੇ ਰਾਜਨੈਤਿਕ ਲੋਕ ਆਪਣਾ ਵੋਟ ਬੈਂਕ ਪੱਕਾ ਕਰਨ ਤੇ ਆਪਣੇ ਨਿੱਜੀ ਸੁਆਰਥਾਂ ਨੂੰ ਪੂਰਾ ਕਰਨ ਲਈ ਸਾਡੇ ਸਫਾਈ ਦੇ ਕੰਮ ਨੂੰ ਕਰਕੇ ਸਾਡੇ ਸਘੰਰਸ਼ ਨੂੰ ਖੋਰਾ ਲਾ ਰਹੇ ਹਨ ਅਸੀਂ ਉਨ੍ਹਾਂ ਨੂੰ ਦੱਸਣਾ ਚਾਹੁੰਦੇ ਹਾਂ ਕਿ ਉਹ ਅਜਿਹਾ ਨਾ ਕਰਨ ਜਿਸ ਨਾਲ ਸਾਡੇ ਮਨ ਵਿੱਚ ਰੋਸ ਪੈਦਾ ਕਰਨ ਰੋਸ ਦੇ ਕਾਰਨ ਸ਼ਾਤਮੲਈ ਸਘੰਰਸ਼ ਵਾਲਾ ਮਾਹੌਲ ਖਰਾਬ ਹੋਵੈ ਜਿਸ ਨਾਲ ਸਮਾਜਿਕ ਪਾੜਾ ਵਧੇ ਜ਼ਿਲਾ ਪ੍ਰਧਾਨ ਅਰੁਣ ਗਿਲ ਨੇ ਕਿਹਾ ਕਿ ਕੁੱਝ ਦਿਨਾਂ ਦੀ ਗੱਲ ਹੈ ਸਰਕਾਰ ਨਾਲ ਆਖਰੀ ਦੌਰ ਦੀ ਗੱਲਬਾਤ ਜਲਦੀ ਹੋਵੇਗੀ ਤੇ ਸਾਰਿਆਂ ਦੇ ਸਹਿਯੋਗ ਨਾਲ ਸਾਰਥਿਕ ਨਤੀਜਾ ਨਿਕਲੇਗਾ ਪਿਛਲੇ ਲੰਮੇ ਸਮੇਂ ਤੋਂ ਨਾ ਮਾਤਰ ਤਨਖਾਹ ਤੇ ਕੰਮ ਕਰਦੇ ਸਫਾਈ ਕਰਮਚਾਰੀਆਂ ਨੂੰ ਇਨਸਾਫ ਮਿਲੇਗਾ ਸ਼ਹਿਰ ਅੰਦਰ ਮੰਗਾ ਅਨੁਸਾਰ ਸਫਾਈ ਦਾ ਕੰਮ ਹੋਰ ਸੁਚਾਰੂ ਢੰਗ ਨਾਲ ਕਰਨ ਵਿੱਚ ਮੱਦਦ ਮਿਲੇਗੀ

ਸ੍ਰੀਮਤੀ ਪਰਮਿੰਦਰ ਕੌਰ 31 ਮਈ 2021 ਨੂੰ ਗੁੱਜਰਖਾਨ ਗੁਰੂ ਨਾਨਕ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਮਾਡਲ ਟਾਊਨ ਲੁਧਿਆਣਾ ਤੋਂ ਤਕਰੀਬਨ 37 ਸਾਲ ਦੀ ਸੇਵਾ ਨਿਭਾਉਣ ਤੋਂ ਬਾਅਦ ਸੇਵਾ ਮੁਕਤ ਹੋਏ ਹਨ। ਇਹਨਾਂ ਦਾ ਜਨਮ 23 ਅਕਤੂਬਰ 1970 ਈਸਵੀ ਨੂੰ ਮਾਤਾ ਮੁਖਤਿਆਰ ਕੌਰ ਜੀ ਦੀ ਕੁੱਖੋਂ ਸਰਦਾਰ ਹਰੀ ਸਿੰਘ ਦੇ ਘਰ ਕੋਟਕਪੂਰਾ ਵਿਖੇ ਹੋਇਆ। ਆਪਣੀ ਬੀ ਏ ਬੀ ਐਡ ਦੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਆਪ ਜੀ ਨੇ ਡੀਏਵੀ ਸਕੂਲ ਕੋਟਕਪੂਰਾ ਵਿਖੇ 2 ਸਾਲ ਦੀ ਸੇਵਾ ਨਿਭਾਈ। ਮਿਤੀ 22 ਫਰਵਰੀ 1986 ਨੂੰ ਆਪ ਜੀ ਦਾ ਵਿਆਹ ਸਰਦਾਰ ਜਗਜੀਤ ਸਿੰਘ ਜੋ ਕਿ ਯੂਕੋ ਬੈਂਕ ਤੋਂ ਸੀਨੀਅਰ ਮੈਨੇਜਰ ਦੇ ਅਹੁਦੇ ਤੋਂ ਰਿਟਾਇਰ ਹੋਏ ਸਨ ਨਾਲ ਹੋਇਆ। ਸਾਰੇ ਪਰਿਵਾਰ ਵਿੱਚ ਆਪ ਜੀ ਦਾ ਪਿਆਰ ਆਪ ਜੀ ਦੀ ਉੱਚੀ ਸੋਚ, ਮਿਲਾਪੜੇ ਅਤੇ ਨਿੱਘੇ ਸੁਭਾਅ ਦਾ ਪ੍ਰਤੀਕ ਹੈ। ਆਪਣੀ ਅਗਾਂਹ ਵਧੂ ਸੋਚ ਦੇ ਸਦਕਾਂ ਆਪ ਜੀ ਨੇ ਵਿਆਹ ਤੋਂ ਬਾਅਦ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੋਂ ਐਮ ਏ ਦੀ ਡਿਗਰੀ ਹਾਸਲ ਕੀਤੀ। ਇਸ ਤੋਂ ਬਾਅਦ ਆਪ ਜੀ ਨੇ 4 ਸਾਲ ਦਸਮੇਸ਼ ਸੀਨੀਅਰ ਸੈਕੰਡਰੀ ਸਕੂਲ ਦਸਮੇਸ਼ ਨਗਰ ਲੁਧਿਆਣਾ ਵਿਖੇ ਸੇਵਾ ਨਿਭਾਈ ਅਤੇ ਉਸ ਤੋਂ ਬਾਅਦ 11 ਮਈ 1990 ਨੂੰ ਗੁੱਜਰਖਾਨ ਗੁਰੂ ਨਾਨਕ ਖ਼ਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਮਾਡਲ ਟਾਊਨ ਲੁਧਿਆਣਾ ਏਡਿਡ ਪੋਸਟ ਤੇ ਜੁਆਇੰਨ ਕੀਤਾ। ਆਪ ਜੀ ਨੇ ਆਪਣੀ ਸੂਝ-ਬੂਝ ਸਦਕਾ ਪਰਿਵਾਰ ਅਤੇ ਆਪਣੀ ਡਿਊਟੀ ਵਿੱਚ ਬਹੁਤ ਵਧੀਆ ਤਾਲਮੇਲ ਬਣਾ ਕੇ ਕੰਮ ਕੀਤਾ। ਪਰਮਾਤਮਾ ਦੀ ਮਿਹਰ ਸਦਕਾ ਆਪ ਜੀ ਨੇ 31 ਮਈ 2012 ਨੂੰ ਪ੍ਰਮੋਸ਼ਨ ਹੋਣ ਉਪਰੰਤ ਇਸੇ ਹੀ  ਸਕੂਲ ਵਿੱਚ ਪ੍ਰਿੰਸੀਪਲ ਦੀ ਪੋਸਟ ਤੇ ਜ੍ਰਆਇੰਨ ਕੀਤਾ। ਆਪਣੀ ਇਸ 9 ਸਾਲਾਂ ਦੀ  ਸੇਵਾ ਦੌਰਾਨ ਆਪ ਜੀ ਨੇ ਆਪਣੇ ਸਕੂਲ ਨੂੰ ਬੁਲੰਦੀਆਂ ਤੇ ਪਹੁੰਚਾਇਆ। ਪਰਿਵਾਰ ਦਾ ਸਹਿਯੋਗ ਆਪ ਜੀ ਨੂੰ ਹਮੇਸ਼ਾ ਹੀ ਮਿਲਦਾ ਰਿਹਾ ਹੈ। ਆਪ ਜੀ ਦੇ ਪਰਿਵਾਰ ਵਿੱਚ ਆਪ ਜੀ ਦਾ ਇੱਕ ਬੇਟਾ ਸੁਮਿਤ ਸਿੰਘ ਜੋ ਕਿ ਬੀ ਟੈਕ ਦੀ ਪੜ੍ਹਾਈ ਕਰਨ ਉਪਰੰਤ  ਆਪਣੀ ਪਤਨੀ ਮੰਨਤ ਕੌਰ  ਨਾਲ ਕੈਨੇਡਾ ਵਿੱਚ ਸੈਂਟਲਡ  ਹੈ। ਮਾਂ-ਪਿਉ ਵੱਲੋਂ ਦਿੱਤੇ ਸੰਸਕਾਰ ਬੇਟੇ ਸੁਮਿਤ ਵਿੱਚ ਪ੍ਰਤੱਖ ਦੇਖਣ ਨੂੰ ਮਿਲਦੇ ਹਨ। ਸ੍ਰੀਮਤੀ ਪਰਮਿੰਦਰ ਕੌਰ ਜੀ ਇਕ ਬਹੁਤ ਹੀ ਵਿਲੱਖਣ ਅਤੇ ਪ੍ਰਭਾਵਸ਼ਾਲੀ ਸ਼ਖ਼ਸ਼ੀਅਤ ਦੇ ਮਾਲਕ ਉੱਚੀ ਅਤੇ ਸੁੱਚੀ ਸੋਚ ਦੇ ਧਾਰਨੀ, ਨਿਮਰਤਾ ਅਤੇ ਸਾਦਗੀ ਦੀ ਮੂਰਤ ਹਨ। ਅਸੀਂ ਪਰਮਾਤਮਾ ਅੱਗੇ ਅਰਦਾਸ ਕਰਦੇ ਹਾਂ ਕਿ ਪਰਮਾਤਮਾ ਇਹਨਾਂ ਨੂੰ ਚੰਗੀ ਸਿਹਤ ਬਖਸ਼ੇ ਅਤੇ ਪਰਿਵਾਰ ਦਿਨ ਦੁਗਣੀ ਅਤੇ ਰਾਤ ਚੌਗਣੀ ਤਰੱਕੀ ਕਰੇ। ਪਰਮਾਤਮਾ ਆਪਣਾ ਮੇਹਰ ਭਰਿਆ ਹੱਥ ਹਮੇਸ਼ਾ ਪਰਿਵਾਰ ਤੇ ਰੱਖਣ।
ਵੱਲੋਂ ਪੱਤਰਕਾਰ ਜਸਮੇਲ ਗ਼ਾਲਿਬ

  ਜਗਰਾਓਂ, 1 ਜੁਨ (ਅਮਿਤ ਖੰਨਾ,)

ਨੂੰਹ ਵੀ ਕਿਸੇ ਦੀ ਬੇਟੀ ਹੁੰਦੀ ਐ ਜੇ ਆਪਾਂ ਉਸ ਨੂੰ ਆਪਣੀ ਬੇਟੀ ਸਮਝ ਕੇ ਸਤਿਕਾਰ ਦੇਈਏ  ਤਾਂ ਪ੍ਰਮਾਤਮਾ ਦਾ ਵੱਡਾ ਆਸ਼ੀਰਵਾਦ ਮਿਲਦਾ ਹੈ ਇਸ ਗੱਲ ਦਾ ਪ੍ਰਗਟਾਵਾ ਪ੍ਰਿੰਸੀਪਲ ਕੈਪਟਨ ਨਰੇਸ਼ ਵਰਮਾ ਨੇ ਆਪਣੀ ਨੂੰਹ ਡਾ :ਅੰਕਿਸ਼ਾ  ਵਰਮਾ  ਦੇ ਜਨਮਦਿਨ ਮੌਕੇ ਰੱਖੇ ਮਹੀਨਾਵਰ ਪੈਨਸ਼ਨ ਅਤੇ ਰਾਸ਼ਨ ਵੰਡ ਸਮਾਗਮ ਦੌਰਾਨ ਕੀਤਾ  ਇਸ ਮੌਕੇ ਆਰ ਕੇ ਸਕੂਲ ਜਗਰਾਉਂ ਵਿੱਚ ਰੱਖੇ ਸਮਾਗਮ ਦੇ ਮੁੱਖ ਮਹਿਮਾਨ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਨੇ ਆਪਣੇ ਕਰ ਕਮਲਾਂ ਨਾਲ  26 ਬਜ਼ੁਰਗਾਂ ਮਹੀਨਾਵਾਰ ਪੈਨਸ਼ਨ ਦੇ ਰਾਸ਼ਨ ਵੰਡਿਆ ਜਿਨ•ਾਂ  ਇਸ ਮੌਕੇ  ਵਰਮਾ ਪਰਿਵਾਰ ਦੇ ਇਸ ਨੇਕ  ਉਪਰਾਲੇ ਦੀ  ਸ਼ਲਾਘਾ ਕੀਤੀ  ਇਸ ਮਹੀਨੇ ਦੀ ਪੈਨਸ਼ਨ ਡਾ :ਅੰਕਿਸ਼ਾ  ਵਰਮਾ ਦੇ ਜਨਮਦਿਨ  ਦੀ ਖ਼ੁਸ਼ੀ ਵਿੱਚ  ਵਰਮਾ ਪਰਿਵਾਰ ਵੱਲੋਂ ਕੈਪਟਨ ਨਰੇਸ਼ ਵਰਮਾ ਡਿੰਪਲ ਵਰਮਾ ਅਤੇ ਮੋਹਿਤ ਵਰਮਾ ਨੇ  ਆਪਣੀ ਨੇਕ ਕਮਾਈ ਵਿਚੋਂ ਦਿੱਤੀ  ਇਸ ਮੌਕੇ  ਡਾ: ਅੰਕਿਸ਼ਾ  ਵਰਮਾ ਤੇ ਇੰਜੀਨੀਅਰ ਮੋਹਿਤ ਵਰਮਾ ਦੀ ਖਵਾਹਿਸ਼ ਮੁਤਾਬਕ ਬਜ਼ੁਰਗਾਂ ਨੂੰ ਇੱਕ ਮਹੀਨੇ ਦਾ ਰਾਸ਼ਨ ਵੀ ਦਿੱਤਾ ਗਿਆ  ਕੈਪਟਨ ਨਰੇਸ਼ ਵਰਮਾ ਵੱਲੋਂ ਆਪਣੇ ਪਿਤਾ ਸਵਰਗੀ ਸੰਸਾਰ ਚੰਦ ਵਰਮਾ ਦੀ ਯਾਦ ਵਿੱਚ  ਗੁਰੂ ਨਾਨਕ ਸਹਾਰਾ ਸੁਸਾਇਟੀ ਦੇ ਬੈਨਰ ਹੇਠ ਪਿਛਲੇ 144 ਮਹੀਨਿਆਂ ਤੋਂ ਮਹੀਨਾਵਾਰ ਪੈਨਸ਼ਨ ਅਤੇ ਰਾਸ਼ਨ ਵੰਡਿਆ ਜਾਂਦਾ ਹੈ  ਇਸ ਮੌਕੇ ਸਾਰੇ ਬਜ਼ੁਰਗਾਂ ਨੂੰ ਚਾਹ ਦਾ ਨਾਸ਼ਤਾ ਵੀ ਕਰਵਾਇਆ ਗਿਆ  ਇਸ ਮੌਕੇ ਕੈਪਟਨ ਨਰੇਸ਼ ਵਰਮਾ, ਪ੍ਰੇਮ ਵਰਮਾ, ਗੁਰਿੰਦਰ ਸਿੰਘ ਸਿੱਧੂ, ਰਜਿੰਦਰ ਜੈਨ,  ਐਡਵੋਕੇਟ ਨਵੀਨ ਗੁਪਤਾ, ਕੰਚਨ ਗੁਪਤਾ, ਡਿੰਪਲ ਵਰਮਾ, ਡਾ ਪਰਮਿੰਦਰ ਸਿੰਘ, ਰਮਨ ਜੈਨ , ਦਵਿੰਦਰ ਜੈਨ, ਕ੍ਰਿਸ਼ਨ ਬਜਾਜ, ਪ੍ਰਿੰਸੀਪਲ ਚਰਨਜੀਤ ਸਿੰਘ ਭੰਡਾਰੀ, ਇੰਦਰਾ ਸਿੰਗਲਾ, ਰਾਜੇਸ਼ ਸਿੰਗਲਾ, ਰੇਨੂੰ ਸ਼ਰਮਾ , ਪਰਮਜੀਤ ਉੱਪਲ ਗਗਨਦੀਪ ਕੌਰ, ਡੋਲੀ, ਸਤਪਾਲ ਸਿੰਘ ਦੇਹਡ਼ਕਾ, ਡਾ ਰਾਕੇਸ਼   ਭਾਰਦਵਾਜ ਆਦਿ ਹਾਜ਼ਰ ਸਨ